Okhuma 1
1
aYixrayeli anghaawa wExipitu
1Masina a anamwane a Yixrayeli yaavolongwe ni yoowo wExipitu, khula mutthu ni emusaawe xaxaxa ti ala: 2Rubeni, Simeyoni, Leevi, Yuda, 3Isakari, Zebuloni, Benyamini, 4Dani, Nafitali, Gadi ni Axeri. 5Wa ootheene ekhapira ya Yakobe yaaphiyera atthu miloko mithannamiili, Yoseefe areene wExipitu. 6Vano Yoseefe, axunneiye ni ootheene a ekhapira ele yaahookhwaasa. 7Wa soothesene, aYixrayeli yaayarana enaandyeererana vancipalexa mpaka osareya mweelaponi. 8Vano aalamula wExipitu aari mwene munyowani ahaasuwenleru sa Yoseefe. 9Owo aaweerela atthwaawe: “Moone! Muloko wa aYixrayeli wohaatta ni ti woolipaxa onipwaha hiyo. 10Nrowe naavaanelele weera ehaandyeereranase ni, yakhala enkhumelela ekhotto, ehiiraane ni amwiittanahu ewanaka ni hiyo ni weera ehipwahe mweelaponimu. 11Vano yaahaathanla asitokweene weera yaavariheke miteko sa maviho ni yaahooxase ni miteko soolipa. Ni hiiho aYixrayeli yaamutekela Farawu* isidade soothokorora sooca siniitthaniwa Pitomo ni Ramesese. 12Wa soothesene, yaahasulaxiwaaya, yaatepaaya waandyeererana ni omwaramwareya. Tivawo awExipitu yaawoovaaya aYixrayeli, 13ni yaakhalihaaya opottha moota woonanara. 14Awo yaahaawaawiherasa okumaaya, yaavahasaka muteko woovihaxa weetheya ittoko ni opaka indyerwa ni khula muteko woolima yaamvara. Mmitekoni sootheene awExipitu yannaakhalela oxilili mpotthani. 15Mwene a wExipitu aahaalamulela anamayariha eeli aHeberi, yiitthaniwa Xifera ni Puwa: 16“Mwaakhaviheraka aHeberi oyara, mungweheke aari mulopwana. Akhala, mmwiive; akhala muthiyana munghiyeke ni okumi.” 17Wa soothesene, anamayariha yaamoova Muluku ni khayiiwelenle malamulo a mwene a wExipitu. Yaahaahiya ni okumi anamwane asilopwana. 18Mwene a wExipitu aawiitthana anamayariha, anaakoha: “Mpakelanse heeni hiiho? Heeni mwaahiyalaanyu ni okumi anamwane asilopwana?” 19Awo yaamwaakhula Farawu*: “Asithiyana aHeberi khaanlikana ni awExipitu. Khaanghaawano oyara ni angyara ahinaaye orwa namayariha.” 20Vano Muluku aahoonihera murima wooreera wa anamayariha ni muloko wannatepa waandyerereya ni waalipa vancipalexa. 21Yeenre anamayariha yaamoovaka Muluku, aahaavahera oyara weera ekhalaneke emusaaya. 22Farawu* aahaalamulela atthwaawe ootheene moota ola: “Mwaavonyere mmoolokoni Nilu asilopwana ootheene eneera eyariweke, mene anamwane asithiyana, mwaahiyeke.”
Iliyochaguliwa sasa
Okhuma 1: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
