DANIALI 2
2
Tohiilopo lei Nebukadnejar
1Tou̒ huilio tuwau, dulo taunu mola lapatio mao̒ ti Olongia Nebukadnejar helo malenta, tio loo̒ tohiilopo. Tohiilopio boito malo loo̒balisa hilaalio, tilinggula tio diilalo moo̒tuluhe. 2Sababu uito tiliyangio mai tahi polaamalia, ahali lo tataa-heyaalo uilaapali mopotoduo gaibu, hulango wau tau-tauwalo tahi oi̒limua, u motombangao̒ tohiilopio boito. 3Tou̒ timongolio hitihula totalulio, ti olongia loloi̒ya mao̒, “Wau̒ loo̒ tohiilopo, wau hilaau̒ balisa sababu ohilaa motota mao̒ boliilio!”
4Timongolio lolametao̒ todelomo bahasa lo Aramu, “Pomali-tutuo̒lo mola ti Tuani lowatotia ohiheo-hiheolo mao̒! Ambungualo silitaalo mai tohilopo boito ode mongowatotia, yi mongowatotia mamo tombangai boliilio.”
5Ti Olongia lolametao̒, “Wau̒ malohama mao̒ putuusani botie: Timongoli musi mopoo̒taa mai olau̒ tohiilopo boito, odito olo boliilio. Wonu timongoli diila mambo, timongoli mao̒lo-olotolo wau bele limongoli malohubuolo. 6Bo wonu timongoli mambo, timongoli mawohiya-U̒ palaseni u higaagawa daa̒ wau ohulumati uleidaa̒. Naa poo̒taalo mai botia tohiilopou̒ boito wolo boliilio!”
7Timongolio luli lolametao̒, “Wajibulio ti Tuani lowatotia mopoo̒taapo̒ mai tohiilopo boito ode mongowatiotia, lapatao̒ uito mongowatotia mamo tombangai boliilio.”
8Loo̒dungohe uito ti olongia malo lametao̒, “Tiluhata debo odelo u yilantobuu̒. Timongoli bo hemo polohu-lohudu wakutu wambai̒o, sababu otaawa limongoli deu̒ wau̒ omakusudu 9u mohukuumani olimongoli ngoa̒amila wolo dudelo u tutuuwauwa wonu timongoli diila mambo mopoo̒taa mai olau̒ tohiilopo boito. Timongoli loheeluma u tulusi mohimbulo wau mopoitohe olau̒ wolo halapani deu̒ wau̒ mamo lomelao̒ putuusaniu̒. Naa poleleaalo mai tohiilopo boito, yi mao̒taawau̒ mao̒ deu̒ timongoli mowali motombangai olo boliilio.”
10Tahi ahalia boito lolametao̒, “To ngoilanggubu dunia diaaluo penu boli ngotaa mao̒ tamoo̒ poo̒taa mai wolo u kahandakia li Tuani lo watotia boito. Wau diipo pee̒enta mao̒ ngotaalio li olongia, penu boli woloolo mola udaa̒ wau lamahio, helohile wolo moo̒ohuu̒ sua̒li debo odelo uito monto tahi polaamalia, ahali lo tataa-heyaalo uilaapali mopotoduo olootolo gaibu, wau tau-tauwalo tahe oilimua tobele biluloa̒ saaha li olongialio. 11Ti tuani lowatotia ohilaa hitua-tuawua u mototolo daa̒. Diaaluo penu boli ngotaa mao̒ tamowali mopoo̒polu mao̒ ngopohia dedeewaala, bo dedeewaalo diila bilu-biluloa̒ towolota lo manusia.”
12LooĚ’dungohe uito ti olongia maloingo daaĚ’ wau longohi maoĚ’ palenta u momate-mateelo maoĚ’ ngoaĚ’amila tahuaĚ’a mongalati wau motolooĚ’ mololohe dalalio tawoluo to Babel. 13LapataoĚ’ palenta boito pilo malalumulio mola, wau ngoaĚ’amila tahuaĚ’a mongalati wau motolooĚ’ mololohe dalalio, tuwo-tuwoto tei Daniali wau mongo sahabatilio yilolohio u pateelio mate-mateelo maoĚ’.
Allahu TaaĚ’ala lopoiĚ’laalo mai tohiilopo boito wau boliilio odelei Daniali
14Yi tei Daniali lodunggaya maoĚ’ wolei Ariokh, tauĚ’wa lo tamoo-kawalia li olongia, tamalo tidapato moponaoĚ’ maoĚ’ hukuumani mate boito. Wolo ulintapo tei 15Daniali lohintu maoĚ’ olio, yilongola ti olongia malo polualo palenta upala-palangi boito. Tei Ariokh lopooĚ’taa maoĚ’ olei Daniali wolo umalo toduo mai.
16Wolo lolamemetaoĚ’ tei Daniali mota lotaalua woli olongia wau lomolohone alihu wohiaalio wakutu u motombanga boli lo tohilopo boito. 17Hihileelio tilololimo, lapataoĚ’ tio lohualinga ode bele wau lopooĚ’taa maoĚ’ ngoaĚ’amila u lotoduo boito odelei Hananya, Misaeli wolei Ajarya. 18Ilahulalio timongolio heloduaĚ’ mola ode Allahu TaaĚ’ala tosologa alihu Allahu TaaĚ’ala modehu hilao toli mongolio wau momuoĚ’ hitua-tuawua u milakusudu hetuuĚ’olo pasali lo tohiilopo boito. LouĚ’ odito timongolio diila tahukuu-maniyolo mate peeĚ’-peeĚ’enta wolo ngoaĚ’amila tahuaaĚ’a mongalati wau motolooĚ’ mololohe dalalio uwewo. 19TouĚ’ hui boito olo Allahu TaaĚ’ala lopooĚ’taa mai hitua-tuawua u milakusudu hetuuoĚ’lo boito odelei Daniali todelomo bibilohe tuwau. Yi tei Daniali malomuji mola Allahu TaaĚ’ala tosologa, 20ualio maoĚ’,
“Allahu Taa̒ala boito molinepo wau tamolotolo boli buheli daa̒,
ilopujiaalo mola Allahu TaaĚ’ala ohiheo-hiheolo maoĚ’!
21Eeyaalo tamolantu mai sembo wau maasa,
Eeya tamopo bulinggayanga wau momuduaĚ’ tamoo-ngawaasa.
Eetaalo olo tamongohi mai tinepo,
wau mongohi mai wolo polongalati.
22Eeyaalo tamomuoĚ’ mai hitua-tuawua u milakusudu hetuuoĚ’lo ulaba-labaalo delomio.
Otaawa lo Eeya ngoaĚ’amila u motoduo mai todelomo udiila boti mabaango.
Eeya yilanggube lotinela mobaango.
23Oo, Allahu TaaĚ’ala tahe pujaa loluhuru lowatia, Eeya pujio lowatia wau polamahu lowatia.
Sababu Eeya longohi mai odelaatia hikimati wau olootolo.
Polohone lamiaatia matilolimo lo Eeya.
Wau totametai odeli olongia mapiloo̒taa mai lo Eeya.”
Tohiilopo boito pilooĚ’taa wau tilombangaoĚ’ lei Daniali
24Lapatao̒ uito tei Daniali lonao̒ mota odelei Ariokh tamaa tiluugasia u momate-mateelo mao̒ ngoa̒amila tahua̒a mongalati wau motota mololohe dalalio to Babel. Ualei Daniali ode olio, “Diila mao̒ patea mate-mateelo mao̒ ngoa̒amila tahua̒a mongalati wau motota mololohe dalalio boito. Delowalo watia motaalua woli olongia, sababu watia ohilaa mopoo̒taa mao̒ boliilo tohilopio boito.”
25Wolo lolamemeto tei Ariokh lodelo olei Daniali mota lotaalua woli Olongia Nebukadnejar lapatao̒ loloi̒ya mao̒, “Watotia maloo̒ dungga towolota taulo Yahudi tahe pilolayahu ngotaalio tamoo̒ poo̒taa mai boli lo tohilopo li Tuani lowatotia.”
26Yi malo loi̒ya mao̒ ti olongia olei Daniali tao̒lo iluntee Belsaasar, “Wolo yio̒ mowali mopoo̒taa mai olau̒ tohiilopou̒ wau boliilio olo?”
27Tei Daniali lolametao̒, “Tuani lowatotia, diaaluo taa o ilimi, ahali lo tataa-heyaalo uilaapali mopotuduo olootolo gaibu, tamoo-lamalia meaalo ahali lo poliyama tamowali mopoo̒taa mai odeli Tuani lowatotia sua̒li boito. 28Bo tosologa woluo Allahu Taa̒ala tamomuo̒ ngoa̒amila hitua-tuawua u milakusudu hetuuo̒lo, wau Eeya boito tamaa lopoo̒taa mai odeli Tuani lowatotia wolo u mamotoduo mai to dulahee momooli. Botia, poluasia mai watotia motombangai tohiilopo wau bibilohe u tilolimo li Tuani lowatotia tou̒ tuutuluhu boito.
29TouĚ’ ti Tuani lowatotia donggo tuutuluhu, ti Tuani lowatotia lotohiilopo pasali lojamani u mamei dungga mai. Allahu TaaĚ’ala tamomuoĚ’ ngoaĚ’amila hitua-tuawua u milakusudu hetuuoĚ’lo mopooĚ’taa mai odeli Tuani lowatotia wolo u mamotoduo mai. 30Hitua-tuawua u milakusudu hetuuoĚ’lo botie mapilo ilaalo mai ode watotia diila sababu watotia lebe motota wolo titaalo tita olo, bo alihu ti Tuani lowatotia mowali motota maoĚ’ boli lo tohiilopo li Tuani lowatotia boito wau mongalati maoĚ’ pasali lo tuango hilaa li Tuani lowatotia.
31Uti-utieelo bibilohe u iloontonga li Tuani lowatotia: Totalu li Tuani lowatotia woluo buiĚ’ tuwau! BuiĚ’ boito leidaaĚ’ tutu, wau helingga-linggawa bo lakulio malo mooĚ’tihela hapato. 32Lunggongio pilohutulio lonto hulawa tutu, duheelo wau polotodio lonto talaaĚ’, wohuta wau poyonggilio lonto tombaha, 33bungolopalio lonto wate wau oaĚ’atio ngotayadio lonto wate wau ngotayadio poli lonto huta modudangia. 34TouĚ’ ti Tuani lowatotia donggo hemo lontongaoĚ’, botu tuwau leidaaĚ’ lolilideoĚ’ lonto binggai, louĚ’ diila tilenggulo tau, lapataoĚ’ lolemba buiĚ’ boito to oaĚ’atio lonto wate wau huta modudangia boito, tilinggula lotoyopu. 35To saaaĚ’tilo boito ngoilanggubu buiĚ’ boito yiloombahu wau lowali huntua lowate, huta modudangia, tombaha, talaaĚ’, wau hulawa u malo aantulu-aantulu lomaoĚ’ debo odelo peaahuoĚ’ to tambati hepo lobuaĚ’alo pale tosembo lo polodulahe. Huntua boito hetilu-tilumomboto hiliipa lodupoto, tilinggula diila lololaa maoĚ’ penu boli ngoiĚ’di bakasi. Bo botu ulopo woombaheoĚ’ buiĚ’ boito lowali debo odelo udaaĚ’ lohuiĚ’du wau lopooĚ’polu ngoilanggubu dunia.
36Ui-uitolo tohiilopo li Tuani lowatotia wau botia watotia mamo tombangai boliilio. 37Tamolamahu Tuani lowatotia yito olongia lo totoonulalo olongia; ti Tuani lo watotiaalo talaba-labaalo okawasa. Allahu Taa̒ala tosologa malongohi mai odeli Tuani lowatotia yilaidia botie, okokawasa, olootolo wau odudaa̒. 38Ti Tuani lowatotia pilopowali-Lio mai tao̒kawasa towimbihu dunia u otuango lipu wau to ngoa̒amilalo bulungi wau binatangi wewolio. Ti Tuani lowatotia lohihilao yito tau̒wa lohulawa tobui̒ boito. 39Bo lapatio mao̒ yilaidia li Tuani lowatotia mopaluto, malumenetai yilaidia wewo udiila udaa̒ debo odelo daa̒alio lo yilaidia li Tuani lowatotia. Lapatao̒ malumenetai yilaidia otolulio u pilobayahei lo bagiyangi lonto tombaha tobui̒ boito, u mamongawasa ngoilanggubu dunia. 40Wumbutio mola malumenetai yilaidia opaatio, u debo odelo toheeto wate. Wau debo odelo wate u mopotoyopu wau mongantulu yiyii-laidiyalo uwewo boito. 41Oa̒ato wau titii-ngongowalo oa̒ato bui̒ u ngotayadu lonto huta modudangia wau ngotayadu wate boito, mopoi̒laalo mai deu̒ todulahee momooli yilaidia boito mamowali hitaya-tayade. Yilaidia boito o lotoolio olo sababu huta modudangia boito o ulau watelio. 42Titii-ngongowalo u ngotayadu monto wate ngotayadu monto huta modudangia boliilio mao̒ deu̒ woluo bagiyangi yilaidia u molotolo wau woluo olo u molulupuhu. 43Ulaulio wate wolo huta modudangia boito mopobayahu olo deu̒ yilaidia boito mamo tolopani mopoo̒lotolo batanga wolo monika uu̒ulambohe, bo tolopani boito diila ohuna, debo odelo wate diila mowali ngonyawa wolo huta modudangia. 44To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito. 45Wolo diila maa iloontongao̒ li Tuani lowatotia deu̒ diila ilotenggula lotau, botu leidaa̒ tuwau lolopato lonto binggi tulusi lolemba wau lopotoyopu bui̒ lowate, tombaha, huta modudangia, talaa̒ wau hulawa boito? Allahu Taa̒ala tau̒daa̒ mopobilohei odeli Tuani lowatotia wolo u de mamotoduo mai. Tohiilopo boito mowali yakiniyalo wau tombango lowatotia tiluhata.”
Tei Daniali lololimo wuupa to huhutu u mopiohu lonto li olongia
46Lapatao̒ malo sujudu ti Olongia Nebukadnejar totalu lei Daniali wau longohi mao̒ palenta alihu tei Daniali hurumatiola wau ode olio musi podewolo bake yilalango wau dedee wowaalo uwewo. 47Ti olongia loloi̒ya mao̒, “Otutu, Daniali, Allahu Taa̒alamu boito udaa̒ tutu to wolota lo totoonulalo Allahu Taa̒ala. Tio yito takawa-kawaasa tou̒ totoonulalo olongia, wau momuo̒ mai totoonulalo hitua-tuawua u milakusudu hetuuo̒lo. Otaawau̒ sua̒li boito sababu mailo mambowamu lotombangai boliilo hitua-tuawua u milakusudu hetuuo̒lo botie.” 48Lapatao̒ tei Daniali yilohiyalio huhuloa̒ ulailaia̒, yilohiyalio dadaata palaseni u higaagawa daa̒, wau piludui̒o lowali gubolonulu lo Babel, wau pilowaliilio tau̒wa ulaiaia̒ daa̒ ode ngoa̒amila tamoo nasehatia tobele biluloa̒ saaha li olongia. 49Bo to hihiile lei Daniali, ti olongia lohudu mao̒ pamalenta polopinsi lo Babel boito odelei Sadrakh, Mesakh wolei Abednego, hiambola tei Daniali lohihilao lotibiluloa̒ to bele biluloa̒ saaha li olongia.
Iliyochaguliwa sasa
DANIALI 2: LAIGOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia