Mistari Maarufu ya Biblia kutoka DANIALI 2

Shirikisha

ualio mao̒, “Allahu Taa̒ala boito molinepo wau tamolotolo boli buheli daa̒, ilopujiaalo mola Allahu Taa̒ala ohiheo-hiheolo mao̒! Eeyaalo tamolantu mai sembo wau maasa, Eeya tamopo bulinggayanga wau momudua̒ tamoo-ngawaasa. Eetaalo olo tamongohi mai tinepo, wau mongohi mai wolo polongalati. Eeyaalo tamomuo̒ mai hitua-tuawua u milakusudu hetuuo̒lo ulaba-labaalo delomio. Otaawa lo Eeya ngoa̒amila u motoduo mai todelomo udiila boti mabaango. Eeya yilanggube lotinela mobaango.

Tei Daniali lolametao̒, “Tuani lowatotia, diaaluo taa o ilimi, ahali lo tataa-heyaalo uilaapali mopotuduo olootolo gaibu, tamoo-lamalia meaalo ahali lo poliyama tamowali mopoo̒taa mai odeli Tuani lowatotia sua̒li boito. Bo tosologa woluo Allahu Taa̒ala tamomuo̒ ngoa̒amila hitua-tuawua u milakusudu hetuuo̒lo, wau Eeya boito tamaa lopoo̒taa mai odeli Tuani lowatotia wolo u mamotoduo mai to dulahee momooli. Botia, poluasia mai watotia motombangai tohiilopo wau bibilohe u tilolimo li Tuani lowatotia tou̒ tuutuluhu boito.

To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito.