Rom 13
13
Luɔi bï Bän Luööi
1Ë raan ëbɛ̈n ë ye bäny piŋ thook, bäny cï tääu ë kɔc nïïm. Acïn bɛ̈ny däŋ nu, ee bäny ë bɔ̈ tëde Nhialic kapäc, ku bäny nu ënɔɔnë ee Nhialic yen ë dɔm keek. 2Ku raan ee bɛ̈ny ŋɛ̈ny, ka cï löŋ cïï Nhialic lueel ŋɛ̈ny, ku kɔc ee ŋeeny aya, abïk këtuc yök ë jamdenic. 3Ku bäny acïkï kɔc ee këpiɛth looi ee tɔ riɔ̈c, ee kɔc ee kërac looi kek aye ke tɔ riɔ̈c. De yïpiɔ̈u luɔi cïï yïn bï riɔ̈ɔ̈c ë bäny? Ye këpiɛth looi, ke bï yïn leec yen bɛ̈ny, 4ee raan ë ka ke Nhialic looi në këde piathdu. Ku na ye kërac looi, ke yï jɔ riɔ̈ɔ̈c, abätäu acie mɔ̈k ɣɔ̈ric, ee raan ë ka ke Nhialic looi, raan ë agönh ë Nhialic nyuöth kɔc ee kërac looi. 5Yen abä wek jamde dhil aa piŋ, acie baŋ de agönh ë Nhialic e tök, ee baŋ de löŋ ee raan yök ë yepiɔ̈u aya.
6 #
Math 22:21; Mak 12:17; Luk 20:25. Ku yen a ya wek athölbö kut aya, ayek kɔc ee ka ke Nhialic looi, kɔc ee cool ë tit luɔi manë guöp. 7Yen a wek kɔc kedhie gäm kaken an, ee athölbö, ke we gɛm athölbö an, ee guaaric, ke we gɛm guaaric an, ee riëëu ke riëëukï an, ee thɛ̈k ë guöp, ke thɛkkï guöp.
Luɔi bï Kɔc Röt Luööi
8Duökï ee cath në käny de raan däŋ, ee nhiëër tei, nhiëër bä wek röt aa nhiaar, raan ee raan däŋ nhiaar acï löŋ tiiŋic. 9#Bɛ̈n 20:14; Nyöŋ 5:18; Bɛ̈n 20:13; Nyöŋ 5:17; Bɛ̈n 20:15; Nyöŋ 5:19; Bɛ̈n 20:17; Nyöŋ 5:21; Leb 19:18. Ku lööŋ an, “Du lɔ wekë tiiŋ de raan däŋ, Du raan näk abï thou. Du kuël, Du raan ciëk thok, Du kalei woi ë yïpiɔ̈u,” ku na de cöök däŋ, aye ke mat nïïm kedhie në löŋ töŋë an, “Yïn bï raan rɛ̈ɛ̈r kekë yïn nhiaar cït man nhiɛɛr yïn rɔt.” 10Nhialic acïn kërɛɛc ee luöi raan rɛ̈ɛ̈r ke raan, yen aye nhiëër löŋ tiiŋic.
11Ku cöökë aya an, “Yak piny ŋic, nɔn ee yen akööl bï wok dhil pääc ë nïnic, kuny bï wo kony wëi ë guɔ thiɔ̈k ënɔɔnë awär wään kɔn wok gam. 12Piny ë dït, ku a kɔɔr ruu, jɔku luɔi de cuɔlëpiny cuat wei, ku jɔku ka ke ɣɛɛrëpiny dɔm, ka ke tɔŋ. 13Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl. 14Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.
Iliyochaguliwa sasa
Rom 13: dip-JPB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Jieeng de Padang © The Bible Society in South Sudan, 2011.
