ᐁᒫᐢ 8
8
1ᐅᒥᓯ ᓂ ᑭ ᐃᓯ ᐋᐧᐸᐦᑕᐦᐃᐠ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐳᑎ ᒫᑲ ᐃᐧᑯᐱᐊᐧᐟ ᓂᐱᓂᒥᓂᓴ ᐁ ᐊᓯᐊᐧᑌᑭ. 2ᓂ ᑭ ᐃᑎᐠ ᒫᑲ, ᐁᒫᐢ ᑫᑲᐧᐩ ᐃᐧᔮᐸᐦᑕᒪᐣ? ᓂ ᑭ ᐃᑖᐧᐣ ᒫᑲ, ᐃᐧᑯᐱᐊᐧᐟ ᓂᐱᓂᒥᓂᓴ ᐁ ᐊᓯᐊᐧᑌᑭ. ᐁᑲᐧ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ, ᑭᑕ ᐳᓂᐸᔨᒋᐠ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ ᐅᑎᐦᒋᐸᔨᐤ; ᓇᒪᐃᐧᔭ ᒥᓇ ᐃᐧᑳᐨ ᓂ ᑲ ᐱᒥ ᒪᔮᐢᑲᐋᐧᐊᐧᐠ. 3ᑳ ᑭ ᓂᑲᒧᕽ ᒫᑲ ᑭᐦᒋᐊᔭᒥᐦᐁᐃᐧᑲᒥᑯᕽ ᑭᑕ ᒪᐃᐧᒧᑳᓂᐊᐧᐣ ᐁᐊᐧᑳᐧᓂᒪ ᑭᓯᑳᑭ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᓂᐸᑖᑲᓇᐠ ᑭᑕ ᒥᐦᒉᑎᐊᐧᐠ; ᒥᓯᐁᐧ ᐃᑕ ᑭᑕ ᐊᐧᔭᐃᐧᐁᐧᐱᓀᐊᐧᐠ ᑯᐢᑳᐧᐋᐧᑌᔨᑕᒧᐃᐧᓂᕽ.
4ᓇᑐᐦᑕᒧᐠ ᐅᒪ ᑭᔭᐋᐧᐤ ᑳ ᐃᐧ ᑯᓵᐯᐋᐧᔦᐠ ᐅᑭᐧᑕᒫᐤ, ᒥᓇ ᑳ ᐃᐧ ᑐᑕᐋᐧᔦᑯᐠ ᐅᑭᑎᒫᑭᓯᐊᐧᐠ ᐊᐢᑭᕽ ᐁᑳ ᑭᑕ ᐃᐦᑖᒋᐠ, 5ᐁ ᐃᑌᐧᔦᐠ, ᑖᓂᐢᐱ ᑫ ᐳᓂ ᐅᐢᑲᑯᒋᕽ ᐱᓯᒼ, ᑭᑕ ᑭ ᐊᑖᐋᐧᑫᔮᕽ ᐸᐦᑫᐧᓯᑲᓂᑳᐣ? ᒥᓇ ᐊᔦᐧᐱᐃᐧᑭᓯᑳᐤ, ᑭᑕ ᐹᐢᑭᑌᓈᔭᕽ ᐸᐦᑫᐧᓯᑲᓂᑳᐣ? ᐃᐦᐸ ᐁ ᐊᒋᐃᐧᓇᒣᐠ ᐁᑯᓯ ᓭᑭᓬ ᐁ ᔭᑭᑖᔦᐠ, ᐁ ᐊᐧᔦᓯᐃᐁᐧᔦᐠ ᑲᔦᓯ ᑎᐹᐯᐢᑯᒋᑲᓇ ᐁ ᐋᐸᒋᐦᑖᔦᐠ; 6ᑭᑕ ᑭ ᐊᑖᐁᐧᔮᕽ ᐅᑭᑎᒫᑭᓯᐤ ᐅᓵᐃᐧᓱᓂᔮᐊᐧ ᐅᐦᒋ, ᒥᓇ ᐅᑭᐧᑕᒫᐤ ᐯᔭᑯᐢᑭᓯᐣ ᒪᐢᑭᓯᓇ ᐅᐦᒋ; ᐁᑯᓯ ᐁ ᐊᑖᐋᐧᑫᔦᐠ ᑳ ᐋᑕᐁᐧᔨᒋᑳᓱᐟ ᐸᐦᑫᐧᓯᑲᓂᑳᐣ. 7ᑳ ᑎᐯᔨᐦᒋᑫᐟ ᑭ ᑭᐦᒋ ᐃᑌᐧᐤ ᐅᐟ ᐊᔨᐋᐧᑫᔨᑖᑯᓯᐃᐧᐣ ᒉᑲᑊ ᐁ ᐊᐢᐱᒧᐟ, ᑫᐦᒋᓈ ᓇᒪᐃᐧᔭ ᓂ ᑲ ᐊᐧᓂᑭᐢᑭᓯᑐᑕᒫᐧᐣ ᓈᐣᑕᐤ ᐅᐟ ᐊᑐᐢᑫᐃᐧᓂᐋᐧᐊᐧ. 8ᓇᒪ ᒋ ᐊᐢᑭ ᑭᑕ ᓇᓇᒥᐸᔨᐤ ᐅᒪ ᐅᐦᒋ, ᒥᓇ ᑲᐦᑭᔭᐤ ᐊᐃᐧᔭᐠ ᐁᑯᑕ ᑳ ᐊᔮᐟ ᑭᑕ ᒫᑐ? ᐁᐦᐁ, ᑭᑕ ᐅᐦᐱᐸᔨᐤ ᒫᒪᐃᐧ ᑖᐱᐢᑯᐨ ᓯᐱ; ᐁᑯᓯ ᑭᑕ ᐊᐧᐢᑲᐃᐧᐸᔨᐤ ᒥᓇ ᑭᑕ ᔨᐦᑭᐸᔨᐤ ᒥᓇ, ᑖᐱᐢᑯᐨ ᐃᒋᑊᐟ ᓯᐱ. 9ᑭᑕ ᐊᔨᐢᐸᔨᐤ ᒫᑲ ᐁᐊᐧᑳᐧᓂᒪ ᑭᓯᑳᑭ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᓂ ᑲ ᐃᓯᒋᑳᐣ ᑭᓯᑳᐃᐧᐱᓯᒼ ᑭᑕ ᔮᓯᐟ ᐁ ᐋᐱᑖᑭᓯᑳᐠ, ᐁᑯᓯ ᓂ ᑲ ᐊᐧᓂᑎᐱᐢᑭᑖᐣ ᐊᐢᑭ ᐁ ᒣᑳᐧ ᑭᓯᑳᐠ. 10ᐁᑯᓯ ᑭ ᐃᐧᐦᑯᐦᑐᐃᐧᓂᐋᐧᐊᐧ ᒫᑐᐃᐧᓂᕽ ᓂ ᑲ ᐃᓯ ᑫᐧᐢᑭᓀᐣ, ᒥᓇ ᑲᐦᑭᔭᐤ ᑭ ᓂᑲᒧᓂᐋᐧᐊᐧ ᒥᐦᑖᑌᐧᐃᐧᓂᕽ; ᐁᑯᓯ ᐊᓯᓯᐁᐧᑭᐣ ᓂ ᑲ ᑕᐦᑯᐱᑌᐣ ᒥᓯᐁᐧ ᒥᔭᐃᐧᕽ, ᒥᓇ ᐸᐢᑯᐢᑎᑳᐧᓀᐃᐧᐣ ᒥᓯᐁᐧ ᒥᐢᑎᑳᐧᓂᕽ; ᒥᓇ ᑳ ᐃᓯ ᒥᐦᑖᑎᐦᐟ ᐯᔭᑯᑯᓯᓵᐣ ᓂ ᑲ ᐃᓯᑖᐣ; ᐁᑯᓯ ᐁ ᐳᓂᐸᔨᐠ ᑳ ᐊᑲᐧᕽ ᑭᓯᑳᐤ.
11ᒫᑎᑲ, ᑭᓯᑳᐊᐧ ᐹᐸᔨᐊᐧ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᐃᑕ ᑫ ᐃᓯᑎᓴᐦᐊᒫᐣ ᓄᑌᑲᑌᐃᐧᐣ ᐊᐢᑭᕽ, ᓇᒪᐃᐧᔭ ᐸᐦᑫᐧᓯᑲᐣ ᐁ ᓄᐦᑌ ᒧᐃᐧᐦᐟ, ᐊᐦᐳ ᓂᐱ ᐁ ᓄᐦᑌ ᒥᓂᐦᑫᐧᕽ, ᒫᑲ ᐁ ᓄᐦᑌ ᐯᐦᑕᒥᕽ ᐅᐟ ᐃᑌᐧᐃᐧᓇ ᑳ ᑎᐯᔨᐦᒋᑫᐟ. 12ᒥᓇ ᐊᔨᑕᐤ ᑭᐦᒋᑲᒥᕽ ᑭᑕ ᐊᔨᑐᑌᐊᐧᐠ, ᒥᓇ ᑭᐁᐧᑎᓄᑖᕽ ᐅᐦᒋ ᐱᔨᐢ ᐋᐧᐸᓄᑖᕽ; ᑳᑫᐧᑯᐢᐠ ᑭᑕ ᐃᐢᐸᑖᐊᐧᐠ ᐁ ᓇᑐᓇᐦᑭᐠ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᐁᑯᓯ ᓇᒪᐃᐧᔭ ᑭᑕ ᒥᐢᑲᒪᐧᐠ. 13ᐁᐊᐧᑳᐧᓂᒪ ᑭᓯᑳᑭ ᑳ ᑲᑕᐊᐧᓯᓯᒋᐠ ᐅᐢᑭᓂᑭᐢᑫᐧᐊᐧᐠ ᒥᓇ ᐅᐢᑭᓂᑭᐊᐧᐠ ᑭᑕ ᑲᐋᐧᐹᑫᐧᐊᐧᐠ. 14ᐊᓂᑭ ᑳ ᑭᐦᒋᐃᑌᐧᒋᐠ ᐁ ᐊᐢᐱᒧᒋᐠ ᐅ ᒪᒋᑐᑕᒧᐃᐧᓂᔨᐤ ᓴᒣᕒᐃᔭ, ᒥᓇ ᑳ ᐃᑌᐧᒋᐠ, ᐁ ᐃᓯ ᐱᒫᑎᓯᐟ ᑭ ᒪᓂᑐᒼ, ᑭᔭ ᑖᐣ; ᒥᓇ, ᐁ ᐃᓯ ᐱᒫᑎᓯᐟ ᐱᕒᓯᐸ ᑳ ᐊᔮᐟ; ᑭᑕ ᐸᐦᑭᓯᓇᐧᐠ ᐁᐊᐧᑯᓂᐠ, ᐁᑯᓯ ᓇᒪᐃᐧᔭ ᒥᓇ ᐃᐧᑳᐨ ᑭᑕ ᐊᐧᓂᐢᑳᐊᐧᐠ.
Iliyochaguliwa sasa
ᐁᒫᐢ 8: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.