ᐁᒫᐢ 7
7
1ᐅᒥᓯ ᓂ ᑭ ᐃᓯ ᐋᐧᐸᐦᑕᐦᐃᐠ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐳᑎ, ᒫᑲ, ᑭ ᐅᓯᐦᐁᐤ ᑳᐧᐢᑯᑎᓯᓴ ᐁ ᐊᑎ ᒫᒋ ᐅᐦᐱᑭᕽ ᐃᐢᑳᐧᔮᐨ ᑳ ᓵᑭᑭᕽ; ᐁᑯᓯ, ᒫᑎᑲ, ᐁᐊᐧᑳᐧᓂᒪ ᐃᐢᑳᐧᔮᐨ ᑳ ᓵᑭᑭᕽ ᑭᐦᒋ ᐅᑭᒫᐤ ᑳ ᐳᓂᒪᓂᓴᒫᐦᐟ. 2ᑭ ᐊᔨᐢᐸᔨᐤ ᒫᑲ ᐃᐢᐱ ᑳ ᑭᑖᒋᐠ ᒪᐢᑯᓯᔭ ᐊᐢᑭᕽ, ᐁᑲᐧ ᓂ ᑭ ᐃᑖᐧᐣ, ᑌᐯᔨᐦᒋᑫᔭᐣ ᑭᓭᒪᓂᑐ, ᐳᓀᔨᑕᒪᐃᐧᐠ ᑭ ᐸᑯᓭᔨᒥᑎᐣ; ᑖᓂᓯ ᑫ ᑭ ᐃᓯ ᓂᐸᐃᐧᐟ ᒉᑲᑊ? ᒋᑫᒫ ᐊᐱᓯᓯᓯᐤ. 3ᑳ ᑎᐯᔨᐦᒋᑫᐟ ᒫᑲ ᑭ ᐳᓀᔨᑕᒫᑫᐤ ᐅᒪ; ᓇᒪᐃᐧᔭ ᑭᑕ ᐃᐦᑭᐣ, ᐃᑌᐧᐤ ᑳ ᑎᐯᔨᐦᒋᑫᐟ.
4ᐅᒥᓯ ᓂ ᑭ ᐃᓯ ᐋᐧᐸᐦᑕᐦᐃᐠ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐁᑯᓯ ᐳᑎ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭ ᓇᑐᑕᒼ ᐃᐢᑯᑌᐤ ᑭᑕ ᐅᐦᒋ ᓵᑯᒋᐦᑖᐧᐟ; ᑭ ᒣᐢᑎᑲᓴᒧᒪᑲᐣ ᒫᑲ ᑭᐦᒋᑎᒥᐤ, ᒥᓇ ᐱᑯ ᑭᑕ ᐊᑎ ᒣᐢᑎᑲᑌᐠ ᐊᐢᑭ. 5ᐁᑲᐧ ᓂ ᑭ ᐃᑖᐧᐣ, ᑌᐯᔨᐦᒋᑫᔭᐣ ᑭᓭᒪᓂᑐ, ᐳᓂᑖ ᑭ ᐸᑯᓭᔨᒥᑎᐣ; ᑖᓂᓯ ᑫ ᑭ ᐃᓯ ᓂᐸᐃᐧᐟ ᒉᑲᑊ? ᒋᑫᒫ ᐊᐱᓯᓯᓯᐤ. 6ᑳ ᑎᐯᔨᐦᒋᑫᐟ ᒫᑲ ᑭ ᐳᓀᔨᑕᒫᑫᐤ ᐅᒪ; ᐅᒪ ᒥᓇ ᓇᒪᐃᐧᔭ ᑭᑕ ᐃᐦᑭᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
7ᐅᒥᓯ ᓂ ᑭ ᐃᓯ ᐋᐧᐸᐦᑕᐦᐃᐠ; ᐁᑯᓯ, ᐳᑎ, ᑳ ᑎᐯᔨᐦᒋᑫᐟ ᑭ ᓂᐸᐃᐧᐤ ᒋᑭ ᒣᓂᐢᑭᑫᐃᐧᐣ ᑎᐹᐯᑭᓂᑲᐣ ᐁ ᑭ ᐋᐸᑕᕽ ᐁ ᐅᓯᐦᒋᑳᑌᐠ, ᑎᐹᐯᑭᓂᑲᐣ ᒫᑲ ᐁ ᑕᐦᑯᓇᕽ. 8ᐁᑲᐧ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ, ᐁᒫᐢ, ᑫᑲᐧᐩ ᐃᐧᔮᐸᐦᑕᒪᐣ? ᓂ ᑭ ᐃᑖᐤ ᒫᑲ, ᑎᐹᐯᑭᓂᑲᐣ. ᐁᑲᐧ ᑭ ᐃᑌᐧᐤ ᑳ ᑎᐯᔨᐦᒋᑫᐟ, ᒫᑎᑲ, ᓂ ᑲ ᐊᐢᑖᐣ ᑎᐹᐯᑭᓂᑲᐣ ᒣᑳᐧᐨ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ; ᓇᒪᐃᐧᑳᐨ ᒥᓇ ᓂ ᑲ ᐱᒥ ᒪᔮᐢᑲᐋᐧᐊᐧᐠ; 9ᐁᑯᓯ ᐅᐟ ᐃᐢᐸᔭᓄᒪ ᐋᐃᓴᐠ ᑭᑕ ᓯᑲᐊᐧᐢᑲᒋᑳᑌᐊᐧ, ᒥᓇ ᐅ ᑲᓈᒋᑲᒥᑲᐧ ᐃᐢᕒᐁᐃᓬ ᑭᑕ ᐱᑲᐧᑕᐢᑌᐊᐧ; ᓂ ᑲ ᐸᓯᑯᐢᑕᒫᐧᐣ ᒫᑲ ᐅ ᐋᐧᐢᑳᐦᐃᑲᐣ ᒉᕒᐊᐳᐊᒼ ᐃᓴᐁᐧᐢᐠ ᐁ ᑭᑭᔮᐣ.
10ᐁᑲᐧ ᐋᒪᓵᔭ ᐊᔭᒥᐦᐁᐃᐧᔨᓂᐤ ᐯᐦᑎᓬᐃᕽ ᑭ ᐃᓯᑎᓴᐦᐊᒪᐁᐧᐤ ᒉᕒᐊᐳᐊᒪ ᐃᐢᕒᐁᐃᓬ ᑭᐦᒋ ᐅᑭᒫᐊᐧ, ᐁ ᐃᑖᐟ, ᐁᒫᐢ ᑭ ᑭᒧᒋᑲᑖᐠ ᒣᑳᐧᐨ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ; ᓇᒪᐃᐧᔭ ᑭ ᑌᐱ ᐅᑎᓇᒪᐧᐣ ᐅᑕ ᐊᐢᑭᕽ ᑲᐦᑭᔭᐤ ᐅᐟ ᐃᑌᐧᐃᐧᓇ. 11ᒋᑫᒫ ᐅᒥᓯ ᐃᑌᐧᐤ ᐁᒫᐢ, ᒉᕒᐊᐳᐊᒼ ᐃᓴᐁᐧᐢᐠ ᑭᑕ ᓂᐸᐦᐃᐠ, ᒥᓇ ᐃᐢᕒᐁᐃᓬ ᑫᐦᒋᓈ ᑎᐱᔭᐤ ᐅᐟ ᐊᐢᑭᕽ ᑭᑕ ᐅᐦᒋ ᓯᐯᐧᑕᐋᐤ ᑭᑕ ᐊᐊᐧᑳᑎᐦᐟ. 12ᐁᑯᓯ ᒥᓇ ᐋᒪᓵᔭ ᑭ ᐃᑌᐤ ᐁᒫᓴ, ᑭᔭ ᐅᐋᐧᐸᒋᑫᐤ, ᓂᔮ, ᒍᑕ ᐊᐢᑭᕽ ᐃᑕᒧ, ᐁᑯᑕ ᒫᑲ ᑭ ᑲ ᒧᐋᐧᐤ ᐸᐦᑫᐧᓯᑲᐣ ᒥᓇ ᐁᑯᑕ ᑭᐢᑭᐁᐧᐦᐃᑫ; 13ᒫᑲ ᐁᑳᐃᐧᔭ ᒥᓇ ᐃᐧᑳᐨ ᑭᐢᑭᐁᐧᐦᐃᑫ ᐯᐦᑎᓬᐃᕽ; ᒋᑫᒫ ᐁᐊᐧᑫᐧᔨᐤ ᑭᐦᒋ ᐅᑭᒫᐤ ᐅ ᑲᓈᒋᑲᒥᐠ, ᒥᓇ ᐁᐊᐧᑯ ᑭᐦᒋ ᐅᑭᒫᐃᐧᑲᒥᐠ.
14ᐁᑲᐧ ᑭ ᓇᐢᑫᐧᐊᐧᓯᑖᐧᐤ ᐁᒫᐢ, ᒥᓇ ᑭ ᐃᑌᐤ ᐋᒪᓵᔭᐊᐧ, ᓇᒪᐃᐧᔭ ᓄᐦᒋ ᑭᐢᑭᐁᐧᐦᐃᑫᐃᐧᔨᓂᐃᐧᐣ, ᒥᓇ ᓇᒪᔦᐤ ᓂᔭ ᐅᑭᐢᑭᐁᐧᐦᐃᑫᐤ ᐅᑯᓯᓴ; ᒫᑲ ᓂ ᑭ ᑳᓇᐃᐧᒧᐢᑐᓵᐧᐣ, ᒥᓇ ᓂ ᑭ ᓈᓇᐹᒋᐋᐊᐧᐠ ᓯᑲᒫᕒ ᒥᐢᑎᑲᐧᐠ; 15ᑳ ᑎᐯᔨᐦᒋᑫᐟ ᒫᑲ ᓂ ᑭ ᐅᑎᓂᐠ ᐁ ᒣᑳᐧ ᐱᒥ ᐃᐧᒉᐃᐧᒪᐠ ᑲᓇᐁᐧᔨᒫᑲᓇ, ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᓂᔮ, ᓇᑕᐃᐧ ᑭᐢᑭᐁᐧᐦᐃᑫᐢᑕᐃᐧᐠ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ. 16ᐁᑲᐧ ᒫᑲ ᓇᑐᐦᑕ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ; ᑭᐟ ᐃᑖᐧᐣ, ᐁᑳᐃᐧᔭ ᑭᐢᑭᐁᐧᐦᐃᑫᐢᑕ ᐃᐢᕒᐁᐃᓬ, ᒥᓇ ᐁᑳᐃᐧᔭ ᒫᔨᐸᑭᑎᓇᒪᐤ ᑭᐟ ᐃᑌᐧᐃᐧᐣ ᐅ ᐋᐧᐢᑳᐦᐃᑲᐣ ᐋᐃᓴᐠ; 17ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᑭᐊᐧ ᐱᓯᑳᐧᑎᐢᑫᐧᐤ ᑭᑕ ᐃᑐᑕᐋᐧᐤ ᐅᑌᓈᕽ, ᐁᑯᓯ ᑭᑯᓯᓴᐠ ᒥᓇ ᑭᑖᓂᓴᐠ ᑭᑕ ᓂᐸᐃᑲᐧᐠ ᐃᓴᐁᐧᐢᐠ, ᒥᓇ ᑭᐟ ᐊᐢᑭ ᑭᑕ ᑖᑎᐹᐹᒋᑳᑌᐤ; ᐁᑯᓯ ᑭᔭ ᐊᐢᑭᕽ ᐁᑳ ᐁ ᐯᑲᕽ ᐁᑯᑕ ᑭ ᑲ ᓂᐱᐣ, ᒥᓇ ᐃᐢᕒᐁᐃᓬ ᑫᐦᒋᓈ ᑭᑕ ᓯᐯᐧᑕᐋᐤ ᐅᐟ ᐊᐢᑭᕽ ᐅᐦᒋ ᐁ ᐊᐊᐧᑳᑎᐦᐟ.
Iliyochaguliwa sasa
ᐁᒫᐢ 7: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.