ᐁᒫᐢ 9
9
1ᓂ ᑭ ᐋᐧᐸᒫᐤ ᑳ ᑎᐯᔨᐦᒋᑫᐟ ᐁ ᓂᐸᐃᐧᐢᑕᕽ ᐸᑭᑎᓈᓱᐃᐧᓈᐱᐢᐠ; ᑭ ᐃᑌᐧᐤ ᒫᑲ, ᐸᑲᒪᐊᒧᐠ ᐁ ᐅᐢᑎᑳᐧᓂᑳᒋᑳᑌᑭ, ᑳ ᐁᓈᑭ ᑭᑕ ᓇᓇᒥᐸᔨᑭ; ᒥᓇ ᐱᑲᐧᑕᐊᒧᐠ ᐅᐢᑎᑳᐧᓂᐋᐧᕽ ᑲᐦᑭᔭᐤ ᐁ ᐃᐦᑕᓯᒋᐠ; ᐁᑯᓯ ᑭᓯᐸᓄᕽ ᐁ ᐃᐢᑯᐟ ᓂ ᑲ ᓂᐸᐦᐋᐤ ᐃᓴᐁᐧᐢᐠ ᐅᐦᒋ; ᓇᒪᐋᐧᐨ ᐯᔭᐠ ᑭᑕ ᑕᐸᓯᐤ, ᒥᓇ ᓇᒪᐋᐧᐨ ᐯᔭᐠ ᑭᑕ ᐸᐢᐱᐤ. 2ᐋᑕ ᒋᐸᔭᐢᑭᕽ ᐃᑖᑎᑫᒋᐠ, ᐁᑯᑕ ᐅᐦᒋ ᓂ ᑲ ᐅᑎᑎᓈᐊᐧᐠ; ᒥᓇ ᐋᑕ ᑭᓯᑯᕽ ᐃᓯ ᐃᐢᑳᐧᑕᐃᐧᒋᐠ, ᐁᑯᑕ ᐅᐦᒋ ᓂ ᑲ ᓂᐦᒋᐱᑖᐊᐧᐠ. 3ᒥᓇ ᐋᑕ ᑳᓱᒋᐠ ᑕᐦᑯᑖᒪᑎᐣ ᑳᕒᒥᓬ, ᓂ ᑲ ᓇᑐᓂᑳᐣ ᒥᓇ ᓂ ᑲ ᐅᑎᓈᐊᐧᐠ ᐁᑯᑕ ᐅᐦᒋ; ᒥᓇ ᐋᑕ ᑳᑎᐦᒋᐠ ᐁᑳ ᑭᑕ ᐋᐧᐸᒪᑭᐠ ᒥᓴᐢᑫᔮᕽ ᑭᐦᒋᑲᒥᕽ, ᐁᑯᑕ ᓂ ᑲ ᐅᔭᓱᐋᐧᑖᐤ ᑭᓀᐱᐠ ᐁᑯᓯ ᑭᑕ ᑕᐦᑯᒣᐤ. 4ᒥᓇ ᐋᑕ ᐃᑐᐦᑌᑖᐧᐃᐧ ᐊᐊᐧᑳᑎᑯᐃᐧᓂᕽ ᐅ ᓂᑳᓂᒥᔨᕽ ᐅ ᓄᑎᓈᑲᓂᐋᐧᐊᐧ ᐁᑯᑌ ᓂ ᑲ ᐅᔭᓱᐋᐧᑌᐣ ᐃᓴᐁᐧᐢᐠ ᐁᑯᓯ ᑭᑕ ᓂᐸᐃᑲᐧᐠ; ᓂ ᑲ ᑲᓇᐋᐧᐸᒫᐊᐧᐠ ᒫᑲ ᒫᔭᓄᕽ ᐃᓯ ᓇᒪᐃᐧᔭ ᒥᔪᓄᕽ.
5ᒋᑫᒫ ᑳ ᑎᐯᔨᐦᒋᑫᐟ, ᑭᓭᒪᓂᑐ ᒥᓯᐁᐧ ᓯᔪᑳᑎᓯᐟ, ᐁᐊᐧᑳᐧᓇ ᑳ ᓵᒥᓇᕽ ᐊᐢᑭ ᐁᑯᓯ ᑳ ᑎᐦᑭᑌᐠ, ᐁᑯᓯ ᑲᐦᑭᔭᐤ ᐁᑯᑕ ᑳ ᐊᔮᒋᐠ ᑭᑕ ᒫᑐᐊᐧᐠ; ᐁᑯᓯ ᑭᑕ ᐅᐦᐱᐸᔨᐤ ᒫᒪᐃᐧ ᑖᐱᐢᑯᐨ ᓯᐱ; ᐁᑯᓯ ᑭᑕ ᔨᐦᑭᐸᔨᐤ ᒥᓇ ᑖᐱᐢᑯᐨ ᐃᒋᑊᐟ ᓯᐱ; 6ᐃᐧᔭ ᒫᓇ ᒫᑲ ᑳ ᑭ ᐅᓯᐦᑖᐟ ᐅ ᐋᐧᐢᑳᐦᐃᑲᓇ ᑭᓯᑯᕽ, ᒥᓇ ᑳ ᑭ ᐃᐧᑫᐧᐢᑭᓇᕽ ᐊᐢᑭ; ᐊᓇ ᑳ ᑌᐹᐧᑕᕽ ᓂᐱᔭ ᑭᐦᒋᑲᒥᕽ ᒥᓇ ᑳ ᓯᑭᓇᕽ ᐊᐧᐢᑭᑕᐢᑲᒥᐠ; ᑳ ᑎᐯᔨᐦᒋᑫᐟ ᐃᓯᔨᐦᑳᓱ.
7ᓇᒪ ᒋ ᑭᔭᐋᐧᐤ ᑖᐱᐢᑯᐨ ᐅᐟ ᐊᐋᐧᓯᒥᓯᐋᐧᐊᐧ ᐃᐦᑎᔮᐱᔭᓇᐠ ᑭᐟ ᐃᑕᐱᐢᑕᐃᐧᓈᐋᐧᐤ, ᑭᔭᐋᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ? ᐃᑌᐧᐤ ᑳ ᑎᐯᔨᐦᒋᑫᐟ. ᓇᒪ ᒋ ᐃᐢᕒᐁᐃᓬ ᐃᒋᑊᐟ ᐊᐢᑭᕽ ᓂ ᑭ ᐯ ᐅᐦᑐᑕᐋᐤ, ᐁᑯᓯ ᐱᓬᐃᐢᑎᓇᐠ ᑳᑊᑕᕒ ᐅᐦᒋ, ᒥᓇ ᓯᕒᐃᔭᓇᐠ ᑲᕒ ᐅᐦᒋ? 8ᒫᑎᑲ ᑳ ᑎᐯᔨᐦᒋᑫᐟ ᑭᓭᒪᓂᑐ ᑲᓇᐋᐧᐸᐦᑕᒼ ᑳ ᒪᒐᔨᐊᐧᓂᔨᐠ ᑭᐦᒋ ᐅᑭᒫᐃᐧᐃᐧᐣ, ᐁᑯᓯ ᓂ ᑲ ᓂᓯᐊᐧᓈᒋᐦᑖᐣ ᐊᐧᐢᑭᑕᐢᑲᒥᐠ ᐅᐦᒋ; ᐱᑯ ᐋᑕᐃᐧᔭ ᓇᒪᐃᐧᔭ ᒥᑐᓂ ᓂ ᑲ ᓂᓯᐊᐧᓈᒋᐦᑖᐋᐧᐣ ᒉᑲᑊ ᐅ ᐋᐧᐢᑳᐦᐃᑲᐣ, ᐃᑌᐧᐤ ᑳ ᑎᐯᔨᐦᒋᑫᐟ.
9ᒋᑫᒫ, ᒫᑎᑲ, ᓂ ᑲ ᐃᑕᓱᐋᐧᐣ, ᐁᑯᓯ ᓂ ᑲ ᓯᑲᐁᐧᐸᔨᑖᐊᐧᐣ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ ᓇᓈᑐᑯᐢᑳᓀᓯᓈᕽ, ᑖᐱᐢᑯᐨ ᐸᐦᑫᐧᓯᑲᓂᑳᐣ ᑳ ᓯᑲᐁᐧᐸᔨᐃᐦᐟ ᓯᑲᐁᐧᐸᔨᒋᑲᓂᕽ, ᐁᔨᐁᐧᕽ ᒫᑲ ᓇᒪᐋᐧᐨ ᐯᔭᑯᒥᕽ ᐁ ᒫᐊᐧᒋ ᐊᐱᓵᓯᐠ ᑭᑕ ᐸᑭᐦᑎᐣ ᐊᐢᑭᕽ. 10ᑲᐦᑭᔭᐤ ᐅᒪᒋᑐᑕᒧᐊᐧᐠ ᓂᐟ ᐊᔨᓯᔨᓂᒪᐠ ᑭᑕ ᓂᐸᐃᑲᐧᐠ ᐃᓴᐁᐧᐢᐠ, ᑳ ᐃᑌᐧᒋᐠ, ᓇᒪᐃᐧᔭ ᒫᔨᑫᑲᐧᐩ ᓂ ᑲ ᐊᑎᒥᓀᐅᑯᓈᐣ ᐊᐦᐳ ᓇᒪᐃᐧᔭ ᓂ ᑲ ᑭᐱᐢᑳᑯᓈᐣ.
11 #
ᐃᓯᐦᒋᑫᐃᐧᓂᐋᐧᐊᐧ 15:16-18
ᐁᐊᐧᑳᐧᓂᒪ ᑭᓯᑳᑭ ᓂ ᑲ ᐊᐧᓂᐢᑳᓇᒫᐧᐣ ᐃᐧᑭ ᑌᐱᐟ ᑳ ᑭ ᐸᐦᑭᑎᓂᔨᐠ, ᒥᓇ ᓂ ᑲ ᑲᑫᐸᐊᒫᐧᐣ ᐃᑕ ᐁ ᑭ ᐸᐯᑲᐧᒋᐸᔨᔨᐠ; ᐁᑯᓯ ᓂ ᑲ ᒪᒥᓇᐃᐧᑖᐋᐧᐣ ᑳ ᑭ ᐃᓯ ᓂᓯᐊᐧᓈᑎᓯᐟ, ᒥᓇ ᓂ ᑲ ᐅᓯᐦᑖᐣ ᑖᐱᐢᑯᐨ ᑲᔮᐢ; 12ᑭᑕ ᐊᔮᒋᐠ ᑳ ᐃᐢᑯᓂᑳᑌᐠ ᐃᑕᒼ, ᒥᓇ ᑲᐦᑭᔭᐤ ᓇᓈᑐᑯᐢᑳᐣ ᐊᔨᓯᔨᓂᐊᐧ ᓂ ᐃᐧᔪᐃᐧᐣ ᑳ ᐃᓯᔨᐦᑳᑎᐦᒋᐠ, ᐃᑌᐧᐤ ᑳ ᑎᐯᔨᐦᒋᑫᐟ ᐅᒪ ᑳ ᐃᑐᑕᕽ.
13ᒫᑎᑲ, ᑭᓯᑳᐊᐧ ᐹᐸᔨᐊᐧ, ᐃᑌᐧᐤ ᑳ ᑎᐯᔨᐦᒋᑫᐟ, ᐅᐱᑯᐱᒋᑫᐤ ᑫ ᐊᑎᒫᐟ ᐅᒪᓂᓯᑫᐊᐧ, ᒥᓇ ᑳ ᒫᒫᑯᐢᑲᐋᐧᐟ ᓱᒥᓂᓴ ᐊᓂᐦᐃ ᑳ ᐸᑭᑎᓇᒥᔨᐟ ᑭᐢᑎᑳᓇ; ᐁᑯᓯ ᐊᐧᒋᔭ ᑭᑕ ᐹᐸᑭᑲᐊᐧᓇᐧ ᐁ ᐃᐧᑲᓯᐠ ᓱᒥᓈᐳ, ᒥᓇ ᑲᐦᑭᔭᐤ ᐊᐧᒋᔭ ᑭᑕ ᑎᐦᑭᑌᐊᐧ. 14ᐁᑯᓯ ᒥᓇ ᓂ ᑲ ᐯᑖᐋᐧᐣ ᐅᐟ ᐊᐊᐧᑳᑎᑯᐃᐧᓂᐋᐧᐤ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᐁᑯᓯ ᑭᑕ ᐅᓯᐦᑖᐊᐧᐠ ᑳ ᐱᑲᐧᑕᐢᑌᔨᑭ ᐅᑌᓇᐊᐧ, ᒥᓇ ᑭᑕ ᐊᐱᐢᑕᒪᐧᐠ; ᒥᓇ ᑭᑕ ᑭᐢᑎᑫᐊᐧᐠ ᓱᒥᓂᑭᐢᑎᑳᓇ, ᒥᓇ ᑭᑕ ᒥᓂᐦᑫᐧᐊᐧᐠ ᓱᒥᓈᐳ ᐁᑯᑕ ᐅᐦᒋ; ᑭᑕ ᐅᓯᐦᑖᐊᐧᐠ ᒥᓇ ᑭᐢᑎᑳᓇ, ᐁᑯᓯ ᑭᑕ ᒥᒋᐊᐧᐠ ᐁ ᒥᓂᓯᐊᐧᓂᔨᑭ. 15ᓂ ᑲ ᑭᐢᑎᑳᑖᐊᐧᐠ ᒫᑲ ᐃᐧᔭᐋᐧᐤ ᐅᐟ ᐊᐢᑭᐋᐧᕽ, ᐁᑯᓯ ᓇᒪᐃᐧᑳᐨ ᒥᓇ ᑭᑕ ᒪᓂᐱᑖᐊᐧᐠ ᐅᐟ ᐊᐢᑭᐋᐧᕽ ᐅᐦᒋ ᑳ ᑭ ᒥᔭᑭᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ.
Iliyochaguliwa sasa
ᐁᒫᐢ 9: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.