1 Timoteo 4
4
Ti sin nduáhya tsjako
1Ndáchro Ncha̱kuén Díos kixin ti ó chjina tsjeje̱ chjasintajni la iso sin mé tsíto̱he sin, í tsinkáchónkihya sin Ìnchéni, ndá tsitekaon sin ti ncha̱kuén jínahña sichꞌiyehe ti jehe sin la tsitekaon sin ti nkehe tsjako. 2La tsitekakohen sin ti sin xrichꞌiyehe chojni la tjenka̱yáxinhña sin ti nkehe nduáhya ichꞌe, la í tósuèhya kixin ó tsíkócha ti kjuaxrexinkaon kuènté sin. 3Ti sin a mé tsjako kixin jehya jína tso̱te̱he chojni la ko jehya jína sinie chojni nkojín nkehe. Kjánchó Díos kjuíchꞌéna kaín ti nkehe sinieni la jeheni chojni ó tinkáchónkini Díos la noheni ti itan chaxín ndoá, la jína sinieni kaín nkehe ti sa̱o tsochjéheni Díos kjuasáya ndá sinieni. 4Kaín ti nkehe kjuíchꞌéna Díos la jína, méxra̱ chróndáchrohyani kixin jehya jína. Ti senó tsochjéheni Díos kjuasáya ndá sinieni 5Méxra̱ jína sinieni kaín nkehe kixin Díos xi̱kaha ndáchro la ko kixin jeheni la ó kjuancheheni Díos sincheñao.
Ijnko chojni jína chꞌehe ixra̱ Jesucristo
6Ti kaín tíhi tsjákohé ti sin kíchóni la jína tjechꞌe ixra̱ kuènté Ìnchéni Jesucristo la tsꞌánkí ti kjuaxrexinkaon kuèntá kixin tinkachónkia ti itan kuènté chꞌan la ko tjàkua ti nkehe jína kuihín. 7Méxra̱ chrókuitekakonhña ti cuento kuènté chjasintajni la ko ti nkehe nduáhya tinkáchónki chojni kixin ó chónkó tíha. A̱ndá a̱ntsí titekaoan Díos. 8Kixin ti chojni tóxríhi̱n chrókuinká la jína tíha, kjánchó a̱ntsí tjetoan ti chrókóxakoheni chrókjueyáni Díos. Tíha la tsjinki̱tsa kixin jína tsꞌejóni ijie la ko chrꞌéxi̱n kixin tsꞌáyéhe̱ni ti kjuachón nkochríxín. 9Tíhi mé nkehe chaxín jína la kaíni chrókuitekaoni. 10Méxra̱, kjónté tꞌándaxín chojni, la tjejóchꞌeni ti ixra̱ i, kixin tjejóchóheni itsi ti Díos tjechón. Kixin jehe chꞌan chaxín sinchekaá chꞌan kaín ti chojni titekaon ti jehe chꞌan.
11Kaín tíhi mé ticháxi̱n tso̱chro̱nka la ko tsjàkua. 12La chrókuahya kuentá kjónté tsjanoá chojni ti jaha kixin na̱xa̱ ndasoyá. Ícha jína chrókjuákoéxian ti sin tinkáchónki Ìnchéni nkexrín chrónixja sin, nkexrín ndoá chrókꞌuejó sin la ko nkexrín chrótjue̱hé sin Díos la ko nkexrín chrókuitekaon sin Ìnchéni kixin tjóá chrókꞌuejó sin. 13Ti na̱xa̱ tsjasánhya janhan, la nchekuáxian ti xroon itén Díos kixin tsihin kaín ti sin kíchóni la nchexraxinkaoan sin ti nkehe jína la ko tjákohé sin. 14La chrókui̱toéhya chrókjui̱chꞌe ti ixra̱ kjuajon Díos ti ó kꞌuejótja itja ti sin tꞌe̱to̱an kuenté ni̱nko ti ikjá éxi tsikꞌe̱tue̱hen ncha̱kuén Díos.
15Méxra̱ chrókóxakohan chrókjui̱nchexiteyá kaín tíha kixin kaín chojni chrókꞌuikon kixin jína noha. 16Chrokóxakohan chrókjuákoxian jína la ko chaxín jína chrókjuàkua ti itan, la chrókjui̱nchexiteyá kaín ti nkehe jína, ndá xi̱kaha la tsaá jaha la ko kaín ti sin tjejótihin tjàkua.
Iliyochaguliwa sasa
1 Timoteo 4: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.