1 Timoteo 5
5
Nkexrín chrókꞌuejó ti sin tinkáchónki Cristo
1Jaha la chrókóninkakuenhña ti sin táda. Náhí, chróchenka sin nkojína éxi chrónixjehé itꞌá xi̱kaha. La ko kja̱xin ti sin ndasoá la chrónixjehé sin nkojína éxi kichua xi̱kaha. 2La ko ti sin nána la chrónixjehé sin éxi ìná xi̱kaha. La ti sin tjarisoá la nkojína chrónixjehé sin éxi chrónixjehé ijnko kichua xi̱kaha la ko chaxín chróchóntehe sin kjuasàya.
3Tjinki̱tsa ti sin ikꞌán ti chaxín chóntahya sin nkexro tsjinki̱tsa ti jehe sin. 4A̱ndá ti chojnichjin ikꞌán, ti chónta sin xje̱en sin o̱ ìnté sin, la ti sin a chrókꞌuayakohen sin ti ìñé sin o̱ náchri̱i sin, Kixin tíha chrókjue̱nka̱xin sin ti ixra̱ kjuíchꞌe ti itꞌé sin la ko ìñé sin ti kꞌuánkí sin, kixin xi̱kaha tóxríhi̱n Díos. 5Ti chojnichjin ikꞌán, jehó kuíto̱he la a̱ntsí tóxakohen sin tinkáchónki sin Díos la titoéhya sin nixje̱he̱ sin chꞌan ncha̱kotjin la ko tie. 6A̱ndá ti chojnichjin ikꞌán, ti tjinkaon sin sichꞌe sin ti nkehe nduáhya, la kjónté tjejótsjehe sin, la éxi tsíkꞌen sin xi̱kaha. 7Tétue̱hén sin kixin sinchexiteyá sin kaín tíhi kixin tso̱kohya nkexro tsꞌándaxíhi̱n ti jehe sin. 8Ti nkexro tꞌayakuenhña ti sin kjéhya la ko ti sin tjejó ndo̱e, la xi̱kaha tja̱ko̱xi̱n sin kixin chaxínhña tinkáchónki sin Díos, la a̱ntsí chónta sin ijie̱, ke ti chojni titekakonhña Díos.
9Ti ó tsꞌínixín ihni̱é ti sin ikꞌán, la jehó ti sin chónta sesenta nánó la ko ti sin kꞌuéchónta nkoko̱a xìi ó mé jína tsꞌínixín. 10Tsjehe á jína ti ixra̱ ichꞌe sin, á jína kjuínchekꞌánkí sin xje̱en sin, la á jína nixje̱he̱ sin ti nkexro tjiji ndo̱e sin, á jína tjinki̱tsa sin tjajon sin nkehe sinie ti sin tinkáchónki Cristo la ko á tjinki̱tsa sin ti sin níhi la ko íso ixra̱ jína tja̱ko̱xi̱n sin.
11Kjánchó chrókꞌuinixínhña ihni̱é ti sin ikꞌán na̱xa̱ tsjéhya nánó chónta kixin ti na̱xa̱ tsotjinkaon sin tso̱te̱he sin, la tsꞌitjáñehen sin Ìnchéni. 12Ndá xi̱kaha tsjasin sin ijie̱ kixin sinchexiteyáhya sin ti nkehe tsíndáchro sin. 13Ndá tso̱séhe sin, la sátji sin ijnko la íjnko nchia la tso̱xríhi̱n sin sichꞌéna sin kjuachꞌia la ko tsꞌajiko sin ti kjuachꞌia la xi̱kaha tsonixja sin ti nkehe chrónixjahya sin. 14Méxra̱ ti sin ikꞌán na̱xa̱ tjarisoá la ícha jína chrókóte̱he sin, la chróchónta sin xje̱en sin la chrókꞌuayakohen sin ndo̱e sin. La chrókjuajonhña sin kjuachaxin kixin ti Jínahña chrókꞌue̱tue̱hen ti a̱sén sin, a̱ndá xi̱kaha chrókjóntahya chojni ti jehe sin. 15Kixin iso ti sin ikꞌán la kuíto̱he sin í tinkáchónki sin Ìnchéni ndá nchexiteyéhe sin ti Jínahña.
16A̱ndá ti nkojín ti chojni tinkáchónki Ìnchéni na̱xa̱ kjéhya ijnko ti sin ikꞌán, la ticháxi̱n tsjinki̱tsa sin kixin tsochóntiahya sin kixin ti ni̱nko tsjinki̱tsa. Ndá xi̱kaha tsjacha ti ni̱nko tsjinki̱tsa ti sin chaxín ikꞌán chóntahya nkexro tsjinki̱tsa.
17Ti nkexro jína tꞌe̱to̱an ti ni̱nko la ticháxi̱n a̱ntsí chrókjuikosáyehe chojni ti jehe sin ti chaxín ti ixra̱ ó tjejóchꞌe sin, chrónkaxín sin la ko tjako sin. 18#Dt. 25:4; Mt. 10:10; Lc. 10:7.*Kixin ti xroon itén Díos ndáchro: “Chrokꞌuíkjehyara irꞌua ti koxinta ichꞌe ixra̱ kixin chónta va kjuachaxin sinie va”, la ko kja̱xin ndáchro: “Ti sin ichꞌe ixra̱ mé chónta kjuachaxin tsjacha sin kja̱xin.”
19 #
Dt. 17:6; 19:15. *Chrokuitekakonhña ti nkojín chojni tꞌeka ijie̱ ti nkexro tꞌe̱to̱an ti ni̱nko. Ticháxi̱n tsjijiko sin yaá o̱ iyꞌá chojni tsochronka á chaxín chónta ijie̱ ti nkexro o̱ náhí. 20A̱ndá ti nkexro tjasin ijie̱, la tjenduéhe sin tsꞌikon kaín ti sin ni̱nko kixin í tsonixjahya chꞌan; mé xi̱kaha tsochrakon ti íso sin la tsankíhya sin. 21Méxra̱ tétua̱nxián ti kjuachaxíen Díos la ko Ìnchéni Jesucristo la ko ti sin ángel kuènté chꞌan kixin nkokón chrókꞌue̱tue̱hén sin, á ti sin a̱ntsí nohe o̱ nkojín ti sin a̱ntsí choxián. 22La kja̱xin tsjehé jína ti ó tjéyá nkojín sin chrókꞌue̱to̱an ti ni̱nko, kixin ti chróchónta sin ijie̱ la kja̱xin jaha chrókuamá tíha. Méxra̱ jaha kja̱xin chrókui̱to̱hé kaín ti nkehe nduáhya.
23A̱ndá jaha nkoya̱xón tóníha tjoté tsaá la jehya ìnta̱ ó chrókꞌia. Náhí. Kja̱xin intsí xranvino chrókꞌia.
24Ti ijie̱ tjasin nkojín chojni la noxín tꞌikoni ndesi na̱xa̱ tito̱exínhña ti ijie̱. A̱ndá íso chojni noxínhña tjasin ijie̱, kjánchó ti ó ña̱o tsjixixín la tso̱noxín kaín tíha. 25Mé xi̱kaha ti chojni ichꞌe ti ixra̱ jína la noxín tsꞌikoni. A̱ndá kjónté iso ti ixra̱ jína tónoxínhña ijie, la chrꞌéxi̱n la tso̱noxín.
Iliyochaguliwa sasa
1 Timoteo 5: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.