ᒉᓂᓯᔅ 48
48
ᒉᑲᑉ ᑮᔕᐌᓂᒫᒡ ᐄᐸᕒᐃᔭᒪᓐ, ᒪᓈᓴᐗᓐ ᑲᔦ
1ᓈᓈᑫ ᑕᔥ ᐁᐊᓂ ᐃᔑᓭᓂᒃ, ᒎᓴᑉ Joseph ᑮᐱᐐᑕᒪᐙ ᐁᑮᐃᓂᓐᒡ, ᑭᑌᑌ ᐅᔕ ᐋᑯᓯ, ᑮᐃᓈ᙮ ᑮᐃᔖ ᑕᔥ ᐁᑮ ᑕᑯ ᒫᒌᓈᒡ ᑳᑮ ᓃᔑᓂᒡ ᐅᑯᓯᓴᐞ ᒪᓈᓴ Manasseh, ᐄᐸᕒᐃᔭᒻ Ephraim ᑲᔦ ᑳᑮ ᐃᔑᓂᑳᓱᓂᒡ᙮ 2ᐊᐲ ᑕᔥ ᒉᑲᑉ Jacob ᑳᐐᑕᒪᐎᓐᒡ ᐅᑯᓯᓴᓐ ᒎᓴᐴᓐ ᐁᐱ ᑕᑯᔑᓂᓂᒡ, ᒦ ᓴ ᐃ ᑳᐃᔑ ᑲᑴ ᑌᐊᐲᒌᒡ ᐁᑮ ᒪᔮᐗᐱᒡ ᓂᐯᐎᓈᑯᕽ᙮ 3#Gen 28.13,14. ᒦᑕᔥ ᐅᐅ ᒉᑲᑉ ᑳᐃᓈᒡ ᒎᓴᐴᓐ, ᑭᔐᒪᓂᑑ ᑳᒫᐗᒋ ᒪᔥᑲᐎᓰᒡ ᓴ ᓂᑮ ᓈᑯᓰᑖᒃ ᓬᐋᔅ Luz ᐁᒋᑳᑌᓂᒃ ᑫᓇᓐ Canaan ᐊᑮᕽ᙮ ᒦᑕᔥ ᐌᑎ ᑳᐃᔑ ᔕᐌᓂᒥᒡ 4ᐅᐅ ᐁᑮᐃᔑᒡ, ᑭᐐ ᐃᔑᐃᓐ ᓴ ᒋᐊᓂ ᐹᑏᓄᐙᒡ ᑭᓃᒑᓂᓴᒃ᙮ ᒦᔥ ᑭᐲᐌᓰᒪᒃ ᒋᐊᓂ ᐯᐹᑏᓉᐙᓇᑭᓯᐙᒡ᙮ ᒦᐗᒃ ᓴ ᐃᑭ ᑫᒦᓇᒀ ᐅᐅ ᐊᑮᓂ ᒋᓀᐱᒋ ᑎᐱᓇᐌᐎᓯᐙᒡ, ᒦ ᐃ ᑳᐃᔑᐸᓐ᙮
5ᐃᓇᔥᑫ ᑕᔥ ᐃᑭ ᓃᔑᓐ ᑭᑯᓯᓴᒃ ᐅᐅᒫ ᐄᒋᐸᑮᕽ Egypt ᑳᑮ ᑕᔑ ᓂᑖᐎᑭᐙᒡ ᒋᑆ ᑕᑯᔑᓈᓐ, ᓃᓐ ᓴ ᐃᑭ ᑕᐃᓇᑭᓱᐗᒃ ᐁᑎᐱᓇᐌᐎᓯᔮᓐ, ᑖᐱᔥᑰ ᐅᕒᐆᐱᓐ Reuben, ᐊᐊ ᑕᔥ ᓯᒥᔭᓐ Simeon ᑳᐃᔑ ᑎᐱᓇᐌᐎᓯᔮᓐ᙮ 6ᑮᔥᐱᓐ ᐃᑕᔥ ᑯᑕᒃ ᐊᓂ ᐊᔮᐗᑣ ᐊᐱᓅᒌᔕᒃ ᐅᑯ ᑳᔑ ᓃᔑᐙᒡ, ᒦᐗᒃ ᐃᓴ ᐃᑭ ᑮᓐ ᑫᑎᐱᓇᐌᐎᓯᔭᓐ᙮ ᑫᑰᓇᓐ ᐃᑕᔥ ᑫᓂ ᑌᐱᓇᒧᐙᒡ ᐐᒋᑭᐌᔨᐙᐞ ᑕᐅᒌᒪᑲᓂᓂᐗᓐ ᐄᐸᕒᐃᔭᒥᕽ, ᒪᓈᓴᑲᕽ ᑲᔦ᙮ 7#Gen 35.16-19. ᐌᑎ ᓴ ᐁᐱᐅᒋ ᑮᐌᔮᐹᓐ ᒣᓱᐳᑌᒥᔭ Mesopotamia ᐁᒋᑳᑌᒃ, ᐐᑫ ᓴ ᓂᑮ ᑭᒋ ᒫᓀᑖᓈᐸᓐ ᒣᒀ ᐁᐱᒥ ᐊᔮᔮᑭᐸᓐ; ᐅᕒᐁᒐᓬ Rachel ᑮᐃᔥᒀ ᐱᒫᑎᓰᐸᓐ ᑫᓇᓐ ᐊᑮᕽ ᐌᑎ ᐯᔓ ᐁᐸᕒᐊᑦ Ephrath ᐁᒋᑳᑌᓂᒃ᙮ ᒦ ᓴ ᑕᔥ ᐌᑎ ᐅᐱᒣᑲᓇ ᑳᐃᔑ ᓇᐃᓇᑭᐸᓐ ᐁᓇᒧᓂᓂᒃ ᐁᐸᕒᐊᑦ ᒦ ᓴ ᐃᐌ ᐯᑕᓬᐃᐁᒻ Bethlehem ᑳᐃᒋᑳᑌᒃ, ᑮᐃᑭᑐ᙮
8ᐊᐲ ᑕᔥ ᐃᔅᕒᐃᔭᓬ Israel ᑳᐙᐸᒫᒡ ᒎᓴᐴᓐ ᐅᑯᓯᓯᓂ ᐅᐅ ᑮᐃᑭᑐ, ᐊᐌᓀᓇᒃ ᐃᑕᔥ ᐅᑯ?
9ᒎᓴᐴᓐ ᐃᑕᔥ ᐅᑮ ᐃᔑ ᓇᑴᑖᑰᓐ, ᒦᐗᐞ ᐃᓴ ᐃ ᑭᔐᒪᓂᑑ ᑳᑮ ᒦᔑᒡ ᐅᐅᒫ ᑫᐅᑯᓯᓯᐗᒃ, ᑮᐃᑭᑐᐗᓐ᙮
ᐃᔅᕒᐃᔭᓬ ᑕᔥ ᑮᐃᑭᑐ, ᑕᑲ ᐅᐅᒫ ᐲᔥ ᒋᔕᐌᓂᒪᒀ᙮ 10ᐅᐅ ᑕᔥ ᐃᔑ ᐊᐲ ᐃᔅᕒᐃᔭᓬ ᑳᐐᓐ ᐋᔕ ᐋᐱᒋ ᑮᐙᐱᓰ ᐋᓃᔥ ᑮᑭᒋ ᐊᑭᐌᓰᐎ᙮ ᒎᓴᐴᓐ ᐃᑕᔥ ᐯᔓ ᐅᑮ ᐲᑕᒫᑰᓐ ᐅᑯᓯᓯᓂ, ᒦᑕᔥ ᑳᐃᔑ ᐅᒌᒫᒡ ᑸᐎᓭᓴᐞ ᐯᑭᔥ ᐁᑮ ᒥᒋᒥᓈᒡ᙮ 11ᐃᔅᕒᐃᔭᓬ ᐃᑕᔥ ᐅᑮᐃᓈᓐ ᒎᓴᐴᓐ, ᑳᐐᓐ ᒦᓇᐙ ᑕᐃᔑᓭᓯᓅᓐ ᒋᐙᐸᒥᓈᓐ ᐃᑕᔥ ᐁᑮ ᐃᓀᑕᒫᐹᓐ, ᐃᓇᔥᑫ ᑕᔥ ᑭᔐᒪᓂᑑ ᓂᐸᑭᑎᓂᒃ ᒋᐙᐸᒥᒪᒃ ᑭᓃᒑᓂᓴᐞ, ᐅᑮᐃᓈᓐ᙮ 12ᒎᓴᑉ ᐃᑕᔥ ᐅᑮ ᐅᑖᐱᓈᐞ ᐃᐃ ᑸᐎᓭᓴᐞ ᐅᒌᑾᓂᓃᕽ ᐃᔅᕒᐃᔭᓬᐊᓐ ᐁᐊᔮᓂᐸᓐ, ᒦᔥ ᒥᑕᑲᒥᒃ ᑳᐃᔑ ᐊᓂᒥᑯᑖᒡ᙮
13ᐅᑮ ᐃᔑ ᓃᐸᐎᐋᓐ ᐃᑕᔥ ᐄᐸᕒᐃᔭᒪᓐ ᐅᓇᒪᑎᓂᑭᓃᕽ ᐃᓇᑫ ᐅᑌᑌᓐ ᐁᔑᐊᔮᓂᒡ, ᐃᓂ ᑕᔥ ᐐᓐ ᒪᓈᓴᐗᓐ ᐅᑭᒋᓂᑭᓃᕽ ᐃᓇᑫ ᐅᑮ ᐃᔑ ᓃᐸᐎᐋᓐ᙮ 14ᐃᔅᕒᐃᔭᓬ ᑕᔥ ᑮᐋᔑᑌᓂᑫᓂ ᐅᑭᒋᓂᒃ ᐁᑮ ᐋᐸᒋᑑᒡ ᐁᓵᒥᓈᒡ ᐄᐸᕒᐃᔭᒪᓐ ᐅᑎᒀᓂᓃᕽ, ᐋᓇᐐᓐ ᐃᓂ ᐁᑮ ᐅᔒᒣᔑᒫᐎᓂᒡ᙮ ᐅᓇᒪᑎᓂᒃ ᐃᑕᔥ ᐅᑮ ᐋᐸᒋᑑᓐ ᐁᓵᒥᓈᒡ ᒪᓈᓴᐗᓐ ᐅᑎᒀᓂᓃᕽ ᐋᓇᐐᓐ ᐃᓂ ᓂᑕᒻ ᐁᑮ ᓂᑖᐎᑭᓂᒡ᙮ 15ᒦᑕᔥ ᑳᐃᔑ ᔕᐌᓂᒫᒡ ᒎᓴᐴᓐ ᐅᐅ ᐁᑮᐃᓈᒡ,
ᑕᑲ ᑭᔐᒪᓂᑑ, ᓂᑫᑌᔭᐋᒥᐸᓃᒃ
ᐁᐸᕒᐊᐋᒻ, ᐋᐃᓯᒃ ᑲᔦ ᑳᑮ ᐊᓄᑮᑕᐙᐙᒡ,
ᐅᑲ ᔕᐌᓂᒫᐞ ᐅᐅ ᑸᐎᓭᓴᐞ᙮
ᑭᔐᒪᓂᑑ ᑳᑮ ᓃᑳᓃᑕᒪᐎᒡ
ᒥᓂᒃ ᐃᑯ ᑳᐱ ᐱᒫᑎᓯᐗᒃ ᐲᓂᔥ ᐅᐅ ᐃᔑ ᐊᐲ
ᓅᑯᒻ ᑳᑮᔑᑲᓂᓂᒃ, ᐅᑲ ᔕᐌᓂᒫᐞ᙮
16ᑕᑲ ᐃᓂ ᐁᒐᓬᐊᓐ
ᑳᐱᓈᑕᒪᐎᒥᒡ ᑲᑭᓇ ᐗᓯᑖᐎᓭᐎᓂᕽ;
ᐅᑲ ᔕᐌᓂᒥᑯᐙᓐ ᐃᑭ ᑸᐎᓭᓴᒃ᙮
ᑕᑲ ᐐᓇᐙ ᑕᓂ ᐅᒋ ᓀᐱᒋ ᐊᔮᓂ ᓂᐐᓱᐎᓐ,
ᐃᐃ ᑲᔦ ᓂᑫᑌᔭᐋᒥᐸᓃᐞ ᐁᐸᕒᐊᐋᒪᓐ, ᐋᐃᓯᑰᓐ ᑲᔦ᙮
ᑕᑲ ᐅᑲᓂ ᐹᑏᓄᐋᐙᐞ ᐅᐲᐌᓰᒥᐙᐞ ᐅᐅᒫ ᐊᑮᕽ,
ᑮᐃᑭᑐ᙮
17ᒎᓴᑉ ᐃᑕᔥ ᑳᐐᓐ ᐅᑮ ᒥᓍᐸᑕᓰᓐ ᐁᐙᐸᒫᒡ ᐅᑌᑌᓐ ᐅᑭᒋᓂᑭᓂ ᐁᐋᐸᒋᑑᓂᒡ ᐁᓵᒥᓈᓂᒡ ᐄᐸᕒᐃᔭᒪᓐ ᐅᑎᒀᓂᓃᕽ᙮ ᒦᑕᔥ ᑳᐃᔑ ᒪᓂᐱᑕᐙᒡ ᐅᓂᒌᓂ ᐁᓵᒥᓈᓂᒡ ᐄᐸᕒᐃᔭᒪᓐ ᐁᐐ ᐃᔑ ᓂᒌᓈᒡ ᒪᓈᓴᐗᓐ ᐅᑎᒀᓂᓃᕽ᙮ 18ᐅᐅ ᑕᔥ ᒎᓴᑉ ᐁᑮᐃᓈᒡ ᐅᑌᑌᓐ, ᓂᑌᑌ, ᑳᐐᓐ ᐐᓐ ᐃᐃᓇᑫ, ᐗᐊ ᐄᑐᒃ ᓂᑕᒻ ᑮᓂᑖᐎᑭ; ᐗᐊ ᓴ ᓵᒥᓐ ᑭᑭᒋᓂᒃ ᒋᐋᐸᒋᑑᔭᓐ, ᐅᑮᐃᓈᓐ᙮
19ᐅᑌᑌᓐ ᑕᔥ ᐅᐅ ᐅᑮᐃᑰᓐ, ᓂᑯᓯᔅ, ᓂᑭᑫᑖᓐ ᐅᔕ; ᑫᐐᓐ ᓴ ᒪᓈᓴ ᑕᓂ ᐹᑏᓉᐙᓇᑭᓯ, ᐅᐲᐌᓰᒪᐞ ᑕᐊᓂ ᐹᑏᓄᐗᐞ᙮ ᐅᔒᒣᔕᓐ ᐃᑕᔥ ᓇᐗᒡ ᑕᓂ ᐹᑏᓉᐙᓇᑭᓯᐗᓐ, ᐅᐲᐌᓰᒥᓂ ᓇᐗᒡ ᑕᓂ ᐹᑏᓄᐗᐞ ᒋᐊᓂ ᐯᐸᑳᓉᐙᓇᑭᓯᓂᒡ, ᑮᐃᑭᑐ᙮
20 # Heb 11.21. ᒦᑕᔥ ᐃᐃ ᐁᑮᔑᑲᓂᓂᒃ ᑳᑮᐃᓈᒡ ᒋᒥᓄᓭᓂᒡ, ᐅᐅ ᑕᔥ ᐁᑮ ᐃᑭᑐᒡ, ᐃᔅᕒᐃᔭᓬᐊᒃ ᓴ ᐅᑲ ᐋᐸᒋᑑᓈᐙᓐ ᑭᐐᓱᐎᓂᐙᓐ ᐊᐲ ᐃᑭᑐᐙᒡ ᐁᔕᐌᒋᑫᐙᒡ᙮ ᐅᐅᐌ ᑕᔥ ᑭᑲᐃᑯᐙᒃ, ᑕᑲ ᑭᔐᒪᓂᑑ ᑭᑲ ᐃᔑᐃᑯᐙ ᑖᐱᔥᑰ ᐁᓀᑖᑯᓯᓂᒡ ᐄᐸᕒᐃᔭᒪᓐ ᒪᓈᓴᐗᓐ ᑲᔦ, ᑮᐃᑭᑐ᙮ ᒦ ᓴᐃᓇᑫ ᐃᔅᕒᐃᔭᓬ ᑳᑮ ᐃᓇᓵᒡ ᐄᐸᕒᐃᔭᒪᓐ ᒋᓃᑳᓂᔥᑲᐙᓂᒡ ᒪᓈᓴᐗᓐ᙮
21ᐃᔅᕒᐃᔭᓬ ᑕᔥ ᐅᑮᐃᓈᓐ ᒎᓴᐴᓐ, ᐃᓇᔥᑫ ᒦ ᐋᔕ ᑫᑳ ᒋᓂᐳᔮᓐ, ᑭᔐᒪᓂᑑ ᑕᔥ ᑭᑲ ᐐᒌᐎᒃ, ᒌᔑᐎᓂᒃ ᐌᑎ ᐊᑮᕽ ᑳᑮ ᐃᔑ ᑎᐱᓇᐌᐎᓯᐙᒡ ᑭᑫᑌᔭᐋᒪᐞ᙮ 22ᑮᓐ ᐃᑕᔥ ᐁᓃᑳᓂᔥᑲᐗᑣ ᑮᒋᑭᐌᔭᒃ, ᑭᒦᓂᓐ ᐃᐃ ᐊᑭ ᔐᑲᒻ Shechem ᐁᒋᑳᑌᒃ ᑳᔑ ᐗᑫ ᓂᑖᐎᑭᕽ ᑫᑰᓐ ᑳᑮ ᒪᑲᒪᒀ ᐁᒧᕒᐄ Amorites ᑳᑎᓄᐎᐙᒡ, ᑮᐋᐸᒋᑑᔮᓐ ᓂᐸᔑᐸᐃᑫᐎᑯᒫᓐ, ᓂᒥᑎᒀᑉ, ᓂᐱᑾᒃ ᑲᔦ ᑮᐋᐸᒋᑑᔮᓐ, ᐅᑮᐃᓈᓐ᙮
Iliyochaguliwa sasa
ᒉᓂᓯᔅ 48: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society