ᐁᑭᓴᑕᔅ 25
25
ᐸᑭᑎᓈᓱᐎᓇᓐ ᑫᐋᐸᑕᑭᓐ ᐊᓇᒥᐁᐸᒀᓀᑲᒥᑯᕽ
(Exodus 35.4-9)
1ᒦᑕᔥ ᐅᐅ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, 2ᑲᓅᔥ ᐃᔅᕒᐃᔭᓬᐊᒃ Israel ᒋᐸᑭᑎᓇᒪᐎᐙᒡ᙮ ᐌᑯᓀᓐ ᐃᑕᔥ ᐃᑯ ᑫᒦᓂᒀ ᐁᔑ ᒥᓴᐌᑕᒧᐙᒡ ᑭᑲ ᐅᑖᐱᓈᓐ᙮ 3ᒦᐗᓐ ᐃᑕᔥ ᐅᓄ ᑎᓄ ᐸᑭᑎᓂᑫᐎᓇᓐ ᑫᐅᑖᐱᓇᒪᓐ, ᐅᓵᐎ ᔔᓂᔮ ᐙᐱᒃ, ᐙᐹᐱᑯ ᔔᓂᔮ ᐙᐱᒃ, ᐅᓵᐙᐱᒃ bronze, 4ᓭᓂᐹᐌᑭᓐ, ᐲᓶᔩᑭᓐ ᑎᓄ ᑳᐅᓵᐗᔥᒀᒃ, ᑳᒪᑲᑌ ᒥᔅᑴᑲᒃ, ᑳᒥᔅᑴᑲᒃ ᑲᔦ, ᐃᔒᑭᓐ ᑲᔦ ᒫᓇᑎᑯᐲᐗᔨᕽ ᑳᐅᒋ ᐅᔑᒋᑳᑌᒃ, 5ᑳᒥᔅᑾᑎᑌᒃ ᑲᔦ ᐊᔮᐯ ᒫᓇᒑᓂᔑᐎ ᐸᔥᑴᑭᓐ, ᐌᓂᔑᔑᒃ ᑲᔦ ᐸᔥᑴᑭᓐ, ᐊᑫᔕ acacia ᑎᓄᐙᑎᒃ ᑲᔦ, 6ᐋᓬᐃᑉ ᑎᓄ ᐱᒥᑌ olive oil ᑲᔦ ᑫᐋᐸᑕᒃ ᐙᓴᑯᓀᒋᑲᓂᕽ, ᑕᑯᓯᑲᓐ ᑲᔦ ᑳᑕᑯᓂᑳᑌᒃ ᐱᒥᑌ ᐊᐎᔭ ᑳᐅᓇᑭᒥᓐᒡ ᑫᑕᑯᓂᑳᑌᒃ ᑲᔦ ᐊᐲ ᒥᓈᓯᑫᕽ, 7ᐋᓂᑭᔅ Onyx ᑎᓄᐗᓯᓃᒃ, ᑯᑕᒃ ᑳᐊᑭᓱᐙᒡ ᐊᓯᓃᒃ ᑲᔦ ᒋᐊᑯᔑᒥᑣ ᐅᑳᑭᑲᓂ ᓈᐱᔥᑭᑲᓂᕽ#25.7 ᐅᑳᑭᑲᓂ ᓈᐱᔥᑭᑲᓐ: ᒦ ᐅᐌ ᑎᓄ ᑳᑮ ᑭᑭᔥᑲᕽ ᐊᓇᒥᐁᐎᑭᒫ, ᐃᐃᒫ ᑳᑮ ᐅᒋ ᐅᔑᒋᑳᑌᒃ ᒫᐗᒡ ᑳᐅᓂᔑᔑᕽ ᐃᔒᑭᓐ, ᐃᐃ ᑲᔦ ᒪᔥᑭᒧᑌᔅ ᐃᐃᒫ ᑮᐅᒋ ᐊᑾᐱᑌ, ᓃᔑᓐ ᑫᑰᓇᓐ ᒦ ᐃᒫ ᑳᐃᔑ ᐲᑌᑭᓐ ᒋᐅᒋ ᑭᑫᒋᑳᑌᒃ ᐁᓀᑕᒥᓂᒡ ᑭᔐᒪᓂᑑᓐ᙮ ᑭᒋ ᐊᓇᒥᐁᐎᑭᒫ ᑎᓄ ᑳᑭᑭᔥᑲᕽ, ᐃᐃᐌ ᑲᔦ ᐗᑮᒡ ᐅᑳᑭᑲᓂ ᓈᐱᔥᑭᑲᓐ ᐃᐃᒫ ᑮᐅᒋ ᐊᑾᐱᑌ᙮ 8ᒦᑕᔥ ᑫᔑ ᐅᔑᑑᐙᒡ ᑫᔑ ᑭᑌᑖᑯᓯᐗᒃ, ᒦᔥ ᒋᐐᒋᐊᔮᒪᒀ ᒣᑴᔭᐄ ᐁᔑᐊᔮᐙᒡ᙮ 9ᒪᔮ ᑕᔥ ᐃᑯ ᑭᑲ ᐃᔑᑑᓐ ᑭᒋ ᐊᓇᒥᐁ ᐸᒀᓀᑲᒥᒃ ᑫᔑ ᑭᑭᓄᐊᒪᐎᓈᓐ, ᐃᓂ ᑲᔦ ᑫᑕᑯ ᐅᔑᒋᑳᑌᑭᓐ ᑫᐋᐸᑕᑭᓐ᙮
ᐊᔓᑕᒫᑫᒪᑲᒃ
10ᐅᒋ ᐅᔑᑑᓐ ᒪᑲᒃ ᐊᑫᔕ Acacia ᑎᓄᐙᑎᑯᕽ ᓃᒥᑕᓇᔑᓈᓄᒥᓂᓐᒡ 45 ᒋᐊᒀᒃ, ᓃᔥᑕᓇᔑᓃᔣᓱᒥᓂᓐᒡ 27 ᒋᐊᓂᑯᑾᑌᔮᒃ, ᓃᔥᑕᓇᔑᓃᔣᓱᒥᓂᓐᒡ 27 ᒋᐊᐲᑖᒃ᙮ 11ᑭᑲ ᐋᐸᒋᐋ ᑕᔥ ᐅᓵᐎ ᔔᓂᔮ ᐙᐱᒃ ᒋᒥᓯᐌᔑᕽ ᐲᒋᒪᑲᒃ, ᓵᑭᒐᔭᐄ ᑲᔦ᙮ ᑭᑲ ᐊᑑᓐ ᑲᔦ ᑭᔑᐹᔮᒥᓄᒋᑲᓐ ᒋᐅᓵᐎ ᔔᓂᔮ ᐙᐱᑯᐗᕽ᙮ 12ᑲᔦ ᐃᑕᔥ ᓃᐎᓐ ᑭᑲ ᐅᔑᑑᓇᓐ ᑳᐗᐐᐹᑲᑭᓐ ᒋᐅᓵᐎ ᔔᓂᔮ ᐙᐱᑯᐗᑭᓐ, ᐯᐯᔑᒃ ᒋᐊᑰᑌᑭᓐ ᒌᑲᔭᐄ ᑳᐃᔑ ᑲᑮᑫᔮᒃ ᐅᐱᒣᐊᔭᐄᕽ ᐃᐃ ᒪᑲᒃ᙮ 13ᑭᑲ ᐅᒋ ᐅᔑᑑᓇᓐ ᑲᔦ ᐱᒥᐎᒋᑲᓈᑰᓐ ᐊᑫᔕ ᑎᓄᐙᑎᑯᕽ, ᑲᔦ ᑕᔥ ᐅᓵᐎ ᔔᓂᔮ ᐙᐱᒃ ᒋᐎᐗᑴᓯᑑᔭᓐ ᐃᓂ ᒥᑎᑰᓐ᙮ 14ᐃᓂ ᑕᔥ ᐱᒥᐎᒋᑲᓈᑰᓐ, ᔒᐹᔮᑯᓯᑑᓐ ᐃᐃᒫ ᑳᐗᐐᐹᑲᑭᓐ ᐁᑰᑌᑭᓐ ᐁᔑ ᐅᐱᒣ ᒪᑲᑯᕽ᙮ 15ᐃᓂ ᑕᔥ ᒥᑎᑰᓐ ᒦ ᐃᒫ ᑫᔑ ᔒᐹᔮᑯᓯᑭᓐ ᑳᔑᐗᐐᐹᑲᑭᓐ, ᑳᐐᓐ ᐐᑳ ᑕᐅᑖᐱᓂᑳᑌᓯᓅᓇᓐ᙮ 16ᐃᐃᒫ ᑕᔥ ᒪᑲᑯᕽ ᑭᑲ ᐃᔑ ᐲᓇᐋᓐ ᐃᐃ ᑎᐹᒋᒧᐎᓐ ᑳᐐ ᒦᓂᓈᓐ᙮
17 # Heb 9.5. ᐅᔑᑑᓐ ᐃᑕᔥ ᒋᐅᓵᐎ ᔔᓂᔮ ᐙᐱᑯᐗᕽ ᐊᑾᓈᐳᐌᐃᑲᓐ ᑳᔑ ᐴᓀᒋᑳᑌᑭᓐ ᒪᒋᑑᑕᒧᐎᓇᓐ ᓃᒥᑕᓇᔑᓈᓄᒥᓂᓐᒡ 45 ᒋᐊᒀᒃ, ᓃᔥᑕᓇᔑᓃᔣᓱᒥᓂᓐᒡ 27 ᒋᐊᓂᑯᑾᑌᔮᒃ᙮ 18ᓃᔑᓐ ᐃᑕᔥ ᒉᕒᐊᐲᑳᓇᒃ cherubim ᑭᑲ ᐅᒋ ᐅᔑᐋᒃ ᐸᑲᒫᑲᓂᕽ ᑫᐅᒋ ᐅᓈᐸᑲᑲᓈᓱᐙᒡ ᐅᓵᐎ ᔔᓂᔮ ᐙᐱᑯᕽ᙮ ᐄᑕᐌᔭᐄ ᐊᑾᓈᐳᐌᐃᑲᓂᕽ ᒋᐊᓴᑣ᙮ 19ᒦᔥ ᐁᔩᑕᐌᔭᐄ ᒋᐃᔑ ᐅᔑᐃᑣ ᐊᑾᓈᐳᐌᐃᑲᓂᕽ ᒋᐃᔑ ᒫᒪᐎ ᐯᔑᑴᑖᑯᓯᐙᒡ᙮ 20ᐃᑭ ᑕᔥ ᒉᕒᐊᐲᑳᓇᒃ ᑕᐌᐌᑖᓴᒦ ᐊᔮᐗᒃ ᐊᔩᑕᐌᔭᐄ ᐊᑾᓈᐳᐌᐃᑲᓂᕽ, ᒋᑌᓯᓂᑸᑲᓀᑖᐙᒡ ᒋᐊᑾᓂᔥᑲᒧᐙᒡ᙮ 21ᒦᔥ ᐃᐃᒫ ᑫᔑ ᐲᓇᐊᒪᓐ ᑎᐹᒋᒧᐎᓐ ᑫᒦᓂᓈᓐ ᒪᑲᑯᕽ, ᒦᔥ ᑲᔦ ᑫᔑ ᐊᑾᓈᐳᐌᐊᒪᓐ᙮ 22ᒦᑕᔥ ᐃᐃᒫ ᑫᔑ ᓇᑭᔥᑲᐎᓈᓐ ᐃᔑ ᐃᔥᐱᒥᕽ ᐊᑾᓈᐳᐌᐃᑲᓂᕽ ᐃᔑ ᓇᓴᐗᔭᐄ ᐁᔑᐊᔮᐙᒡ ᐃᑭ ᒉᕒᐊᐲᑳᓇᒃ᙮ ᒦᔥ ᒋᒦᓂᓈᓐ ᑲᑭᓇ ᐃᓈᑯᓂᑫᐎᓇᓐ ᒋᐅᒋ ᑭᑫᑕᒧᐙᒡ ᐃᔅᕒᐃᔭᓬᐊᒃ᙮
ᐊᑑᐳᐎᓈᒃ ᑫᔑᐸᑭᑎᓇᒪᐎᓐᒡ ᐸᑴᔑᑲᓇᓐ ᑭᔐᒪᓂᑑ
23ᐅᒋ ᐅᔑᑑᓐ ᐊᑑᐳᐎᓈᒃ ᐊᑫᔕ ᑎᓄᐙᑎᑯᕽ ᓂᓯᒥᑕᓇᔑᓂᑯᑣᓱᒥᓂᓐᒡ 36 ᒋᐊᒀᒃ, ᒥᑖᔑᓂᔣᓱᒥᓂᓐᒡ 18 ᒋᐊᓂᑯᑾᑌᔮᒃ, ᓃᔥᑕᓇᔑᓃᔣᓱᒥᓂᓐᒡ 27 ᒋᐊᐲᑖᒃ᙮ 24ᐅᓵᐎᔓᓂᔮᐙᐱᒃ ᐃᑕᔥ ᑕᐋᐸᑎᓯ ᒋᒥᓯᐌᔑᕽ ᐊᑑᐳᐎᓈᑯᕽ᙮ ᑭᑲ ᐃᔑᑑᓐ ᐃᓴ ᑲᔦ ᑭᔑᐹᔮᒥᓄᒋᑲᓐ ᒋᐅᓵᐎ ᔔᓂᔮ ᐙᐱᑯᐗᕽ᙮ 25ᒦᔥ ᑫᔑ ᐅᔑᑑᔭᓐ ᒋᐋᒋᒋᑳᑌᒃ ᐙᑳᐊᔭᐄ ᓂᓱᒥᓂᓐᒡ ᒋᐊᐲᑖᒃ ᑲᔦ ᒋᒥᓄᒋᑳᑌᒃ ᒌᑳᑾᔭᐄ ᐅᓵᐎ ᔔᓂᔮ ᐙᐱᒃ ᒋᐋᐸᑎᓯᒡ᙮ 26ᒦᔥ ᑲᔦ ᑫᔑ ᐅᔑᑑᔭᓐ ᓃᐎᓐ ᑳᐗᐐᐹᑲᑭᓐ ᐅᓵᐎ ᔔᓂᔮ ᐙᐱᑯᕽ ᑫᐅᒋ ᐱᒥᐎᒋᑳᑌᒃ ᐊᑑᐳᐎᓈᒃ᙮ ᐯᐯᔑᒃ ᒋᐊᔭᑰᑌᑭᓐ ᐁᔑ ᑲᑮᑫᔮᒃ, ᐁᔑ ᐊᔪᑳᑎᒪᑲᒃ ᐃᐃ ᐊᑑᐳᐎᓈᒃ᙮ 27ᐃᓂ ᑕᔥ ᑳᐗᐐᐹᑲᑭᓐ ᑫᔑ ᒥᒋᒥᓯᑭᓐ ᐱᒥᐎᒋᑲᓈᑰᓐ ᑭᑲ ᐃᔑ ᐊᑑᓇᓐ ᒌᑲᔭᐄ ᐃᐃᒫ ᑳᐃᔑ ᐋᒋᒋᑳᑌᒃ᙮ 28ᐃᓂ ᑕᔥ ᐱᒥᐎᒋᑲᓈᑰᓐ ᐊᑫᔕ ᑎᓄᐙᑎᑯᕽ ᑭᑲ ᐅᒋ ᐅᔑᑑᓇᓐ, ᐅᓵᐎ ᔔᓂᔮ ᐙᐱᒃ ᑕᒥᓯᐌᔑᓐ᙮ 29ᑭᑲ ᐅᔑᑑᒻ ᐃᑕᔥ ᐅᓈᑲᓇᓐ, ᒥᓂᒀᑲᓇᓐ, ᐅᒨᑕᔮᐱᑰᓐ, ᑭᒋ ᐅᓈᑲᓇᓐ ᑲᔦ ᐐᑫ ᐱᑯ ᒥᓯᐌ ᒋᐅᓵᐎ ᔔᓂᔮ ᐙᐱᑲᑭᓐ ᑫᔑ ᐊᑑᔦᒃ ᔔᒥᓈᐳ ᑫᓰᑭᓂᑳᑌᒃ ᐸᑭᑎᓂᑫᕽ᙮ 30#Lev 24.5-8. ᒨᔕᒃ ᐃᑕᔥ ᐃᐃᒫ ᐊᑑᐳᐎᓈᑯᕽ ᑕᐊᐱ ᐸᑴᔑᑲᓐ ᐯᑭᑎᓇᒫᑰᔮᓐ ᐁᓈᓴᒥᔮᓐ᙮
ᐙᓴᑯᓀᒋᑲᓈᒃ
31ᐃᐃᒫ ᑕᔥ ᑲᔦ ᐌᒋᑑ ᐱᑯ ᐅᓵᐎ ᔔᓂᔮ ᐙᐱᑯᕽ ᑕᐅᒋ ᐅᓈᐱᑲᑲᓈᑌ ᐙᓴᑯᓀᒋᑲᓈᒃ᙮ ᑳᐅᒋ ᑭᑎᑕᐗᑭᑌᒃ, ᑳᐸᑕᑭᑌᒃ ᑲᔦ ᒦ ᐯᔑᑾᓐ ᑫᐅᒋ ᐃᔑᒋᑳᑌᑭᓐ᙮ ᐃᓂ ᑕᔥ ᑳᑕᓱ ᐱᒀᑾᑭᓐ ᐁᐃᔑᓈᑾᑭᓐ ᑖᐱᔥᑰ ᑳᐱ ᓵᑮᐸᑳᒃ ᑲᔦ ᐙᐱᑾᓃᓐ, ᐙᓴᑯᓀᒋᑲᓈᑯᕽ ᐃᐃᒫ ᐯᔑᑾᓄᕽ ᐅᓵᐎ ᔔᓂᔮ ᐙᐱᑯᕽ ᑕᐅᒋ ᐅᔑᒋᑳᑌᐗᓐ᙮ 32ᐃᐃᒫ ᑕᔥ ᐙᓴᑯᓀᒋᑲᓈᑯᕽ ᓂᑯᑣᓱ 6 ᐗᑎᑾᓂᑳᓇᓐ ᐅᒋ ᓵᑲᑭᑌᐗᓐ, ᐃᔥᐱᒥᕽ ᐃᓇᑫ ᐁᐃᓇᑭᑌᑭᓐ, ᐁᓀᓂᓯᑭᓐ ᓀᓃᑕᐗᔭᐄ᙮ 33ᐃᐃᒫ ᑕᔥ ᐁᑕᓱ ᐗᑎᑾᓂᑳᓂᕽ ᑕᐊᒋᑳᑌᐗᓐ ᒪᓯᓂ ᐙᐱᑾᓃᑳᓇᓐ ᒋᐃᔑᓈᑾᑭᓐ ᑖᐱᔥᑰ ᐊᓬᒫᓐᑦ almond ᑎᓄᐙᑎᒃ ᑳᔑ ᐙᐱᑾᓃᐎᒡ ᒋᑕᑯ ᐱᒀᑯᒋᑳᑌᒃ ᑲᔦ ᑕᔥ ᒋᐊᓃᐲᔑᐐᒋᑳᑌᒃ᙮ ᒦᑕᔥ ᑲᑭᓇ ᑫᐃᔑᒋᑳᑌᑭᓐ ᐗᑎᑾᓂᑳᓇᓐ᙮ 34ᐃᐃᒫ ᑕᔥ ᐙᓴᑯᓀᒋᑲᓈᑯᕽ ᑕᐃᔑᒋᑳᑌ ᒋᐊᔮᑭᓐ ᓃᐎᓐ ᒪᓯᓂ ᐙᐱᑾᓃᑳᓇᓐ ᐊᓬᒫᓐᑦ ᑎᓄᐙᑎᒃ ᑳᔑ ᐙᐱᑾᓃᐎᒡ ᒋᑕᑯ ᐱᒀᑯᒋᑳᑌᒃ ᑲᔦ ᑕᔥ ᒋᐊᓃᐲᔑᐎᒋᑳᑌᒃ᙮ 35ᐃᐃ ᑕᔥ ᑳᐲᒀᑯᒋᑳᑌᒃ ᑕᐊᔮ ᐃᔑ ᓈᔕᔭᐄ ᐁᔑᐊᔮᑭᓐ ᐃᓂ ᑳᓂᓯᑭᓐ ᐗᑎᑾᓂᑳᓇᓐ᙮ 36ᐃᓂ ᓴ ᐲᒀᑯᒋᑳᓇᓐ, ᐗᑎᑾᓂᑳᓇᓐ, ᐃᐃ ᑲᔦ ᐙᓴᑯᓀᒋᑲᓈᒃ ᐌᒋᑑ ᐱᑯ ᐅᓵᐎ ᔔᓂᔮ ᐙᐱᑯᕽ ᑕᐅᒋ ᐅᓈᐱᑲᑲᓈᑌᐗᓐ᙮ 37ᐅᔑᑑᓐ ᐃᑕᔥ ᓃᔣᓱ ᐙᓴᑯᓀᒋᑲᓇᓐ ᒋᔑ ᐸᑕᑭᑌᑭᓐ ᐃᐃᒫ ᐙᓴᑯᓀᒋᑲᓈᑯᕽ᙮ ᒦᔥ ᑫᔑ ᐸᑕᑭᑑᔭᓐ ᓃᑳᓇᔭᐄ ᐃᓇᑫ ᒋᔑ ᓵᑳᑌᑭᓐ᙮ 38ᐃᐃ ᓴ ᐙᓴᑯᓀᒋᑲᓂ ᒦᓄᔑᑲᓐ ᐙᓴᑯᓀᒋᑲᓂ ᐅᓈᑲᓀᓴᓐ ᐅᓵᐎ ᔔᓂᔮ ᐙᐱᑯᕽ ᑕᐅᒋ ᐅᔑᒋᑳᑌᐗᓐ᙮ 39ᓃᔣᓯᒥᑕᓇᔑᓈᓇᓐ 75 ᑕᓱ ᑎᐹᐲᔥᑰᒋᑲᓐ ᐃᓴ ᑭᑲ ᐋᐸᒋᐋ ᐌᒋᑑ ᐱᑯ ᐅᓵᐎ ᔔᓂᔮ ᐙᐱᒃ ᒋᐅᔑᑑᔭᓐ ᐙᓴᑯᓀᒋᑲᓈᒃ, ᑲᑭᓇ ᑲᔦ ᑫᑰᓐ ᐃᐃᒫ ᑳᔑ ᐋᐸᑕᒃ᙮ 40#Act 7.44; Heb 8.5. ᐌᐌᓂ ᑕᔥ ᐃᔑᒋᑫᓐ ᑫᒋᓈᒡ ᐃᑯ ᒪᔮ ᒋᐃᔑ ᒫᒌᔭᓐ ᑳᑮ ᐃᔑ ᑭᑭᓄᐊᒪᐎᓈᓐ ᐌᑎ ᑭᒋ ᐗᒌᕽ᙮
Iliyochaguliwa sasa
ᐁᑭᓴᑕᔅ 25: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society