ᐁᑭᓴᑕᔅ 24
24
ᐅᑕᔓᑕᒫᑫᐎᓐ ᑮᐅᓇᒋᑳᑌᒃ
1ᑳᑎᐯᒋᑫᒡ ᑕᔥ ᐅᑮᐃᓈᓐ ᒨᓯᓲᓐ Moses, ᐱᐊᒀᒪᒋᐌᓐ ᒋᐱ ᓈᓯᑲᐎᔭᓐ, ᑮᓐ, ᐁᕒᐊᓐ Aaron ᑲᔦ, ᓀᑖᑉ Nadab ᑲᔦ, ᐋᐹᐃᐆ Abihu ᑲᔦ᙮ ᐃᑭ ᑲᔦ ᓃᔣᓯᒥᑕᓇ ᑳᓃᑳᓂᓯᐙᒡ ᐃᔅᕒᐃᔭᓬᐊᒃ Israel᙮ ᐙᓴ ᑕᔥ ᐅᒋ ᐊᓇᒥᐁᑕᐎᔑᒃ᙮ 2ᑮᓐ ᐃᑕᔥ ᐁᑕ ᒥᒋ ᐯᔑᑯᓐ ᐱᓈᓯᑲᐎᔭᓐ, ᑳᐐᓐ ᐐᓐ ᐃᑭ ᑯᑕᒃ᙮ ᑯᑕᒃ ᑕᔥ ᐯᒫᑎᓯᐙᒡ ᑳᐐᓐ ᑕᐱ ᐊᒀᒪᒋᐌᓰᐗᒃ, ᐅᑮᐃᓈᓐ᙮
3ᒦᑕᔥ ᒨᓯᔅ ᑳᑮ ᐃᔖᒡ ᐁᑮ ᐐᑕᒪᐙᒡ ᐯᒫᑎᓯᓂᒡ ᑲᑭᓇ ᑳᑮ ᐃᑭᑐᓂᒡ ᑳᑎᐯᒋᑫᓂᒡ, ᑲᑭᓇ ᑲᔦ ᑳᑮ ᐃᓈᑯᓂᑫᓂᒡ᙮ ᒦᔥ ᑲᑭᓇ ᐯᒫᑎᓯᓂᒡ ᑳᐃᔑ ᒫᒪᐎ ᓇᑴᑕᒥᓂᒡ ᐁᑮ ᐃᑭᑐᓂᒡ, ᓂᑲ ᐃᔑᒋᑫᐙᒥᓐ ᓴ ᑲᑭᓇ ᑫᑰᓂᓂ ᑳᑎᐯᒋᑫᒡ ᑳᐃᑭᑐᒡ᙮ 4ᒦᔥ ᑳᑮ ᐅᔑᐲᐊᕽ ᑲᑭᓇ ᑳᑎᐯᒋᑫᓂᒡ ᑳᑮ ᐃᓈᑯᓂᑫᓂᒡ᙮ ᐐᐸ ᑕᔥ ᑭᑭᔐᑉ ᑮᐗᓂᔥᑳ, ᐁᑮ ᐅᓈᐱᑭᓇᕽ ᑳᔑ ᐸᑭᑎᓈᓱᕽ ᐃᐃᒫ ᑳᑮ ᐃᔑ ᒫᒌᔮᒪᑎᓈᓂᒃ᙮ ᒥᑖᔑᓃᔑᓐ ᐊᓯᓃᐞ ᐅᑮ ᐸᑕᑳᐱᑭᓈᐞ ᑳᑮ ᑕᓶᐙᓇᑭᓯᓂᒡ ᐃᔅᕒᐃᔭᓬᐊᐞ᙮ 5ᐅᔥᑭᓃᑭᐗᐞ ᐃᑕᔥ ᐅᑮ ᐃᔑᓂᔕᐙᐞ ᒋᐸᑭᑎᓈᓂᒡ ᐊᔭᐋᐎᔕᐞ ᒋᐊᒀᑭᔂᓂᒡ᙮ ᒋᐸᑭᑎᓈᓂᒡ ᑲᔦ ᐋᐯ ᐱᔑᑮᓴᐞ ᐁᐐ ᓈᑯᑑᐙᒡ ᐱᓵᓐ ᐁᐐ ᐐᒌᐙᐙᒡ ᑳᑎᐯᒋᑫᓂᒡ᙮ 6ᒦᑕᔥ ᒨᓯᔅ ᑳᑮ ᐅᑖᐱᓇᕽ ᐃᐃ ᐋᐱᑕ ᐅᒥᔅᑸᒥᓂ ᐊᔭᐋᐎᔕᐞ ᑳᑮ ᓂᓯᒥᓐᒡ ᑭᒋ ᐅᓈᑲᓂᕽ ᐁᑮ ᐃᔑ ᐊᑑᒡ᙮ ᐃᐃ ᑕᔥ ᑯᑕᒃ ᐋᐱᑕ ᒥᔅᑸᓂ ᐅᑮ ᐃᔑ ᓰᑭᐌᐱᓈᓐ ᐃᐃᒫ ᐁᔑ ᐸᑭᑎᓈᓱᐎᓐᒡ᙮ 7ᒦᑕᔥ ᑲᔦ ᑳᐃᔑ ᐅᑖᐱᓇᕽ ᐃᐃ ᒪᓯᓇᐃᑲᓐ ᑳᔑ ᑕᔑᑌᓂᒃ ᐅᑕᔓᑕᒫᑫᐎᓐ, ᑳᑮ ᐃᔑ ᐅᔑᐲᐃᑳᑌᓂᒃ ᑲᔦ ᑳᑎᐯᒋᑫᓂᒡ ᐅᑎᓈᑯᓂᑫᐎᓂᓂ᙮ ᒦᔥ ᑳᐃᔑ ᐊᓇᒥᑕᒪᐙᒡ ᐯᒫᑎᓯᓂᒡ᙮ ᐅᐅ ᑕᔥ ᐯᒫᑎᓯᓂᒡ ᑮᐃᑭᑐᐗᐞ, ᑲᑭᓇ ᑳᑎᐯᒋᑫᒡ ᑳᐃᑭᑐᒡ ᓂᑲ ᐃᔑᒋᑫᐙᒥᓐ, ᓂᑲ ᓇᐃᑕᒧᐙᒥᓐ ᑲᔦ, ᑮᐃᑭᑐᐗᐞ᙮
8 # Mat 26.28; Mrk 14.24; Luk 22.20; 1Co 11.25; Heb 10.29; Heb 9.19,20. ᒦᑕᔥ ᒨᓯᔅ ᑳᑮ ᐅᑖᐱᓇᕽ ᐃᐃ ᒥᔅᑸᓂ ᑭᒋ ᐅᓈᑲᓂᕽ ᑳᑮ ᐊᑑᐸᓐ, ᐁᑮ ᓯᓶᐲᑭ ᐌᐱᓇᒪᐙᒡ ᐯᒫᑎᓯᓂᒡ ᐁᑮ ᐃᑭᑐᒡ, ᐙᐸᑕᒧᒃ ᐅᐅ ᒥᔅᑶ ᑳᐅᒋ ᐋᔩᒋᓯᑕᒪᐎᓀᒃ ᐅᑕᔓᑕᒫᑫᐎᓐ ᑳᑎᐯᒋᑫᒡ ᑳᒦᓂᓀᒃ, ᐁᐃᔑᒋᑫᒡ ᑲᑭᓇ ᑳᑮ ᐃᑭᑐᒡ᙮
9ᒦᑕᔥ ᒨᓯᔅ, ᐁᕒᐊᓐ, ᓀᑖᑉ, ᐊᐊ ᑲᔦ ᐋᐹᐃᐆ, ᐃᑭ ᑲᔦ ᓃᔣᓯᒥᑕᓇ ᑳᑮ ᓃᑳᓂᓯᐙᒡ ᐃᔅᕒᐃᔭᓬᐊᒃ ᑳᑮ ᐊᒀᒪᒋᐌᐙᒡ ᐃᐃ ᐗᒋᐤ᙮ 10ᒦᑕᔥ ᐌᑎ ᑳᑮ ᐙᐸᒫᐙᒡ ᐌᑭᔐᒪᓂᑑᒥᓂᒡ ᐃᔅᕒᐃᔭᓬᐊᐞ᙮ ᑳᑮ ᐃᔑ ᓃᐸᐎᓂᒡ ᐃᑕᔥ ᑮᒪᔥᑲᐙᓂ ᑖᐱᔥᑰ ᑭᒋ ᒦᑲᓇ ᐁᑮ ᐃᔑᓈᑾᓂᓂᒃ ᓵᐸᔭᕒ sapphire ᑎᓄ ᐊᓯᓐ, ᑮᔑᒃ ᑳᐊᐲᒋ ᐅᓵᐗᔥᑯᓈᑾᒃ ᐁᑮ ᐃᔑᓈᑾᓂᓂᒃ᙮ 11ᑳᐐᓐ ᐄᑐᒃ ᑫᑰᓐ ᐅᑮ ᑑᑖᑯᓰᐙᓐ ᑭᔐᒪᓂᑑᓐ ᐃᑭ ᑳᓃᑳᓂᓯᐙᒡ ᐃᔅᕒᐃᔭᓬᐊᒃ᙮ ᐅᑮ ᐙᐸᒫᐙᓐ ᓴ ᑭᔐᒪᓂᑑᓐ, ᒦᔥ ᑳᑮ ᐐᓯᓂᐙᒡ, ᐁᑮ ᒥᓂᑴᐙᒡ ᐃᑕᔥ ᑲᔦ᙮
ᒨᓯᔅ ᑮᐊᔮᒡ ᓵᐃᓇᐃ ᐗᒌᕽ
12ᒦᑕᔥ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, ᐊᐯ ᐱᐊᒀᒪᒋᐌᓐ ᐅᐅ ᐗᒋᐤ ᒋᐱ ᐊᑕ ᐙᐸᒥᔭᓐ᙮ ᐅᐅᒫ ᑕᔥ ᐊᔮᔭᓐ ᑭᐐ ᒦᓂᓐ ᓇᐸᑳᐱᑲᓯᓃᒃ ᐁᔑ ᐅᔑᐲᐃᑳᑌᒃ ᐅᓇᔓᐌᐎᓐ, ᐃᓈᑯᓂᑫᐎᓇᓐ ᑲᔦ ᑳᑮ ᐅᔑᐲᐊᒧᐗᒃ ᐁᑭᑭᓄᐊᒪᐗᒀ ᐯᒫᑎᓯᐙᒡ, ᐅᑮᐃᑰᓐ᙮ 13ᒦᔥ ᒨᓯᔅ, ᐃᓂ ᒑᔓᐙᓐ Joshua ᑲᔦ ᑳᑮ ᐐᒌᐎᑯᒡ ᑮᐅᔒᑖᐗᒃ᙮ ᒦᔥ ᑳᐃᔑ ᐊᒀᒪᒋᐌᐙᒡ ᐃᐃ ᐗᒋᐤ ᑭᔐᒪᓂᑑᓐ ᑳᑎᐯᑕᒥᓂᒡ ᑳᑭᒋ ᐃᓀᑖᑾᓂᓂᒃ᙮ 14ᐅᐅᔥ ᒨᓯᔅ ᐅᑮ ᐃᓈᐞ ᑳᑮ ᓃᑳᓂᓯᓂᒡ ᐃᔅᕒᐃᔭᓬᐊᐞ, ᒦ ᓴ ᐅᐅᒫ ᑕᔑ ᐲᐃᔑᓈᒻ ᐲᓂᔥ ᒋᐱᑕᑯᔑᓈᕽ᙮ ᐃᓇᔥᑫ ᓴ ᐁᕒᐊᓐ Aaron ᐊᐊ ᑲᔦ ᐁᕒ Hur ᐅᐅᒫ ᑭᐐᒌᐎᑯᐙᒃ᙮ ᑮᔥᐱᓐ ᐃᑕᔥ ᐊᐎᔭ ᑫᑰᓂᓂ ᐐᓇᓇᐊᑑᒡ, ᒦᐗᐞ ᓴ ᐃ ᑫᐊᑕ ᐙᐸᒫᐙᒡ, ᐅᑮ ᐃᓈᐞ᙮
15ᒦᔥ ᒨᓯᔅ ᑳᐃᔑ ᐊᒀᒪᒋᐌᒡ ᐃᐃ ᐗᒋᐤ ᓵᐃᓇᐃ Sinai ᐁᒋᑳᑌᓂᒃ, ᐐᑫ ᓴ ᑮᐋᑲᐙᓇᑾᓂᓂ᙮ 16ᑳᑎᐯᒋᑫᓂᒡ ᐅᑭᒋ ᐃᓀᑖᑯᓯᐎᓐ ᓴ ᐃᐌ ᑮᔑ ᒦᔑᔥᑳᓂ ᐗᒌᕽ ᓵᐃᓇᐃ ᐁᒋᑳᑌᓂᒃ᙮ ᓂᑯᑣᓱᑮᔑᒃ ᐃᑕᔥ ᑮᐋᑲᐙᓇᑾᓐ ᐃᐃ ᐗᒋᐤ᙮ ᓃᔣᓱᑮᔑᒃ ᐃᑕᔥ ᐁᐃᔑᓭᓂᒃ ᐅᑮ ᐅᒋ ᐊᑐᒥᑰᓐ ᑳᑎᐯᒋᑫᓂᒡ ᐃᐃᒫ ᒣᑴᔭᐄ ᐗᑸᕽ᙮ 17ᐃᑭ ᑕᔥ ᐐᓐ ᐃᔅᕒᐃᔭᓬᐊᒃ ᒦ ᐃ ᑳᐃᔑᓇᒧᐙᒡ ᑳᑎᐯᒋᑫᓂᒡ ᐅᑭᒋ ᐃᓀᑖᑯᓯᐎᓂᓂ ᑖᐱᔥᑰ ᐃᔥᑯᑌ ᐁᐱᔅᑲᓀᓂᒃ ᐌᑎ ᐗᑭᑕᑎᓐ᙮ 18#Deu 9.9. ᒦᔥ ᒨᓯᔅ ᑳᑮᒉᑭᔥᑳᒡ ᐃᐃ ᐗᑸ ᐁᐊᓂ ᐊᒀᒪᒋᐌᒡ ᐃᐃ ᐗᒋᐤ᙮ ᓃᒥᑕᓇ ᑕᓱ ᑮᔑᒃ, ᓃᒥᑕᓇ ᑕᓱ ᑎᐱᒃ ᑲᔦ ᐌᑎ ᑮᐊᔮ᙮
Iliyochaguliwa sasa
ᐁᑭᓴᑕᔅ 24: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society