Mistari Maarufu ya Biblia kutoka Lucas 16

Shirikisha

Ni'wa hã, umnhasi na danhibro surure nherẽ, te te 're a'madâ'â mono wamhã, tane te za duré umnhasi na te te 're a'madâ'â, sa'ẽtẽ wamhã. Duré ni'wa hã suru nherẽ, sena na te te 're 'madâ'â mono õ wamhã, tane za duré isa'ẽne hã sena na te te 're a'madâ'â mono õ di za.

— Dama romhuri'wa hã te te romhuri waihu'u õ di aiwamhã, isib'apito maparane tãma hâimana zahuré wamhã. E marĩ wa. Ihâiba amo hã te za te te 're 'ruiwapari. Ihâiba amo si te za te te sima 're sawi pese. Niwamhã ihâiba amo hã te za te te 're wapari pese. Ihâiba amo si te za te te siwi 're wẽ'õ pese. Tane a norĩ wa'wa hã 'Re ihâimana u'âsi mono ma, duré rob'uiprazé ma, 're romhuri waihu'u za'ra wa'aba mono õ di, aiwamhã.

Ãne wa, ti'ai ãma danhibro aima 're ihâimana za'ra wa'aba mono na, sena na ãma 're aihâimana za'ra wa'aba mono õ wamhã, e 'wa hã ai'umnhasi zarina te te aima 're pisutu za'ra wa'aba mono da bâ, danhibro tô sena uptabi hã. Duré marĩ date hã sena na 're 'madâ'â za'ra wa'aba mono õ wamhã, e 'wa hã te te aima 're sõmri za'ra wa'aba mono da bâ, marĩ ate za'ra wa'aba da hã.

— Tawamhã Abra'ã hã ma tô duré tãma tinha, ãne: “Mozésihi nhimiroti, duré 'Re ihâimana u'âsi mono zadawa 'mahârâ'wa norĩ nhimiroti te te wapari za'ra õ wamhã, ni'wa hã dâ'â nherẽ, apâ hâiwa'utu wa, te te tãma rowasu'u za'ra da, itẽme morĩ za'ra nherẽ, te te saze za'ra õ di za.”

— Ni'wa aibâ hã timro te te rẽme wa, pi'õ aimawi na mro wamhã, pi'õ na te za tiwasédé hã 'manha. Duré ni'wa aibâ hã, pi'õ imro te te irẽme na mro wamhã, aibâ hã te za duré tiwasédé hã 'manha, pi'õ na.