Mistari Maarufu ya Biblia kutoka Zuwã 7

Shirikisha

Ibaihâ Iwazé pese na rob'ui'éré hã te ãne ãma tinha: “Ni'wa hã te te ĩzazei wamhã, te za â u'â hã 're praba u'âsi, ipẽ'ẽ 'remhã.”

Dato ihâimanazé bâdâ da'rãirẽme hã, ta hã bâdâ ipire. Taha bâtâ na Zezusi hã ma tô hâiwi za. Mreme 'rãihâ na ma tô tinha, ãne: — Ni'wai ma 'rubu wamhã, we ĩtẽme morĩ, â u'â hã te te hâ'rẽne da.

Ãne na Zezusi te te rowasu'u wamhã, 'Re ihâimana u'âsi mono Pẽ'ẽzani na te tinha, ni'wam norĩ hã te te 're saze za'ra mono wa, za tãma 're ihâimana za'ra mono na hã. Ni'wam norĩ hã, zahadu 'Re ihâimana u'âsi mono Pẽ'ẽzani te te waibui õ di, Zezusi hã zahadu morĩ õ wa, 'Re ihâimana u'âsi mono, iwaihu'u pese uptabi 're isãmra mono zéb u hã.

Sahâri za'ra wa'aba, dahâimanazém na da'madâ'â na da'ãma 're irowairébé za'ra wa'aba mono zé hã. Ma'ãpé i'uwaibaba na si da'ãma 're rowairébé za'ra wa'aba mono.

Ni'wa hã sihawim na te te dama 're rowahutu mono wamhã, ta hã te te sima 're rob'ruiwapari, da te dasiwi 're uzei mono da. Tazahã, ni'wa hã tipisutu'wai ma si te te 're rowẽ zani mono da, te te sima 're rob'ruiwapari mono wamhã, ta hã tô sena ihâimana. Marĩ i'uptabi õ hã ãma hâimana õ di.

Tawamhã Zezusi hã ma sada'âbâ za'ra, ãne: — Ĩnhimirowahudu hã ĩsihawib õ di. We ĩzatõrĩ'wai hawip si.

A norĩ wa'wa hã da te ai'ruiwapari za'ra wa'aba õ di. Tazahã, wa hã dama ĩwẽ'õ uptabi di, tô sena te 're da'awasu'u mono wa, marĩ, da te 're i'manharĩ za'ra mono hã, iwasété si wa.