Mistari Maarufu ya Biblia kutoka Zuwã 6

Shirikisha

Tawamhã Zezusi hã te oto tãma siwasu'u za'ra, ãne: — Wa hã dasai uptabi, dahâimana u'âsi zém nhomri'wa. Ni'wa hã we ĩtẽme morĩ wamhã, mrab ãna te za oto 're mo. Duré ni'wa te te ĩzazei wamhã, 'rubu ãna te za oto 're mo.

'Re ihâimana u'âsi mono Pẽ'ẽzani hã, ta hã dahâimana u'âsi zém nhomri'wa. Tazahã, ti'ai ãma 're idahâimana za'ra mono hã, ta hã da te 'manharĩ waihu'u õ di. Te aima irowasu'u za'ra wa'aba zé hã dapẽ'ẽzani isi'utõrĩ'õ na duré dahâimana u'âsi zém na.

Dasa hã 're isiwamnarĩ su'u za'ra mono zô si, 're romhuri za'ra wa'aba mono tõ. Dasa, 're ihâimana u'âsi za'ra mono zô si, 're romhuri za'ra wa'aba mono, dahâimana isi'utõrĩ'õ ãma hã. Ta hã dasa hã Ti'ai ãma Dasiré Ipoto si, te za te te aima 're anhomri 'wa. E marĩ wa. 'Re ihâimana u'âsi mono Imama hã ma tô 'manha, te te iwẽsãmri na, da te iwaihu'u za'ra zéb da hã, isadawa para te te 're a'manharĩ mono da.

E marĩ wa. Ĩmama ma iwẽ hã, I'ra titõmo na te te 're 'madâ'â za'ra mono wa, te te 're isaze za'ra mono norĩ ma, dahâimanazé isi'utõrĩ'õ hã tãma 're hâimana za'ra mono da. Tawamhã ta norĩ hã wa za ahâiwa'utu, rob'rãsutu ãma hã.

Tawamhã Zezusi hã ma tãma waihu'u za'ra, ãne: — 'Re ihâimana u'âsi mono nhimiromhuri hã, ã hã tãma iwẽ, i'manharĩ za'ra wa'aba da hã: We te te isatõrĩ hã saze za'ra wa'aba da.

Ĩmama hã te te ĩma 're i'apisutu mono si, te za we ĩtẽme 're nomro. Tawamhã we ĩtẽme 're inomro mono norĩ hã te wẽ'õ waihu'u za'ra õ di za.

Tawamhã Simau Pedru ma tô sada'â, ãne: — Wanhib'apito, e 'wa sarina, wa za ai'aba'ré ni. Aiwétési asimirowasu'u hã, dahâimanazé isi'utõrĩ'õ nhomri'wa na.

Wa hã dasai uptabi, dahâimana u'âsi zém nhomri'wa, hâiwa hawi we ĩmorĩ. Ã hã dasa na 're dasaihuri mono wamhã, dadâ'â ãna te za 're dahâimana u'âsi za'ra. Dasai uptabi hã ĩhâiba te wasu'u. Ta hã wa za uburé dazawi te, dazada tisõ, dahâimanazé isi'utõrĩ'õ hã da te 're sõpẽtẽ za'ra mono da.

Ni'wa hã we ĩtẽme morĩ waihu'u õ di, we ĩzatõrĩ'wa Ĩmama hâiwa ãma 're isãmra mono hã te te we ĩtẽme saprõni õ nherẽ. Tawamhã ta hã wa za hâiwa'utu, rob'rãsutu ãma hã.

'Re ihâimana u'âsi mono hawimhã dasa hã, hâiwa hawi we imorĩ, dahâimanazé te te dama 're i'anhomri mono da hã, ti'ai ãma 're idahâimana za'ra mono norĩ ma hã.

Wa hã dasai uptabi, dahâimana u'âsi zém nhomri'wa.

Taha pari Zezusi hã ma tô waibu, i'u'ẽtẽ wapu hã. 'Re ihâimana u'âsi mono ãma te tiwata. Taha pari, ma tô te te dama sõmri. Tane pe'a ma hã ma tô duré rob'manha. Tawamhã uburé ma tô dasima iwẽ na tasaihuri ni. Da te 'mahâpãrĩ mono wamhã, Zezusi hã ma tô isiré 're inomro mono norĩ ma tinha, ãne: — Isi'atarẽme hã ubumroi pese za'ra wa'aba, taré siwamnarĩ za'ra tõ da.

Tawamhã isiré 're inomro mono norĩ hã niwamhã imrotõ na duré niwamhã imropâ na ti'ai pibuzém na te te siré sari za'ra parimhã, ma tô siwi 'madâ Zezusi hã, â nhisi baba itẽme imorĩ za'ra na 'râwi. Tahawa ma tô tipahi pese za'ra. Tane nherẽ, ma tô Zezusi hã 'mahârâ za'ra, ãne: — Aipahi za'ra wa'aba tõ. Wa hã wa we atẽme ĩmorĩ 'wa.