Mistari Maarufu ya Biblia kutoka Epesoon 5

Shirikisha

Sisɔ in gaayɛɛ Waakoyo, oko sinɛ iinak tɔɔmɔk gɛɛŋk sigɛ kɔnu poruk. In ɓɔrɔ beeɗɛɛ mɛyin nɛɛkɛk oko sinɛ tin poriiɗ Kerese sinɛɓa gaɓɛ ɛɛk nɛɛk agut eteŋkik a tigi a uduŋeet sinɔ ŋaaɗɛ yaagarŋɔŋk a ari Waakoyo a yaageeɗŋɔŋk.

Sisɔ in koorɛɛ ɛɛk sinɔɔnɛ kɛ beeɗiir ɛkik. Kat beeɗɛɛ oko gaagɛyɛ, ma in beeɗɛɛ oko joop sigɔ ɗegerar ɛɛkik. In ijaagɛɛ any sinɔ mentanŋɔŋk milkii sinaanɛ laŋiirik baŋɛ, agut sinɔ ŋɛɛwɛɛkiɗ ɓɛɛnyɔwɛ gɛɛnɛŋɔŋk.

Kat pɔɔyɛɛ ogool wɛyinik agut sinɔ kɔɔ kɔnu diileɗ badɛɛɗak, ma in enyɛriikɛɛ Wɛɛŋakɛ sigɔɔgɛ Geetitaanakik. In waawasikɛɛ ɛkanɛɛkɛ goŋk iiliyakɛ, a tukuun, a iiliya sigɔ geetitaanakik, in pɔɔsɛɛ Suumi ɓayɛtunɛɛkɛ goŋk, ɛ in pɔɔsɛɛ Ɛpɛn eteŋka Waakoyo agut ola baŋɛ tiriyaakɛ Suumi naŋk Yeese Kereseek ɓɛɛnyɔwɛ gɛɛŋk baŋɛ.

Agut sini kat ɓɛɛlɛɛ a iinak gaagɛyɛ, ma in koɓukɛɛ ɗɛyan Suumiyoŋk.

Iinak babuyk, in porɛɛ jartiyatɔ goŋk oko sinɛɓa poriiɗ Kerese gode Sambatɛyoŋk, nɔɓa gaɓɛɛɗ ɛɛk nɛɛk agut sɛɛnik

Agut sinɔ atukariɓa jeemɛ nyuugur tak, mayakanaɓɔ sisɔ atukari pɛɗɛrkaat Suumiyoŋk. Agut sini in ɓɛɛlɛɛ oko tɔɔmɔk sigɔ beeɗir pɛɗɛrkaatik.

In iɗit tiiɗi mɛŋka ɛkanɛɛkɛ goŋk agut eemɛyɔn Kereseek.

Iinak jartiyatɔk, in tiiɗikɛɛ babuyka goŋk oko sinɛ tiiɗiɗɔ Suumiya Yeeseyaak

Mayakana mermen ɓɔrɛ kɔnu any siniŋ, nɛ in poru baabuuy jarti nɛɛk oko ɛɛk nɛɛk, maɓɔrɛ in eemɛy jartii baabuy nɛɛk.

Agut sinɔ tonɛɛɓa Wargatɛɛ Waakoyotoŋk kɛ, "Iɗit ŋɔrku ɛpɛn a ɛmɛs, nɛ lotɛr ɛɛk a jarti nɛɛk, sɛɛg ɛɛk omoŋ pɛɛyikent nɛŋk."

Kat ɓɛɛlɛɛr a ijaag nyuuguroŋk sinɔ ŋɛɛwɛnŋɔŋk kiiɗɛ taamɛk agut omoŋ, ma in boŋkɛɛ pɛɗɛrkaata kɛnɔ yaaŋɛɛ.