Mistari Maarufu ya Biblia kutoka Epesoon 4

Shirikisha

Ma in dakɛɛ ɛkanɛɛkɛ goŋk a mentankɛɛ a kɔna sanɗi joop, nɛ in ŋɔŋɔɗiirɛɛ ɛkanɛɛkɛ goŋk oko sinɛɓa kɔne ŋɔɗiitarkiɗ Waakoyot Kereseek.

In rikitɛɛ ɛɛk ɗooka, a beeɗɛɛ mentankaat. A ɓaŋkaawurari oolaan ɛkanɛɛkɛ goŋk ɓɛɛnyɔwɛ gɛɛŋk baŋɛ in beeɗɛɛ oolaan mɛyinoŋk.

Kat ŋaarki atutunɛ goŋk any sinɔ ŋɛɛwɛnŋɔŋk, mayakana in tonɛɛ pɛɛni sinɔ kɔna geleewɛrgeeɗ joop sinɔ kɔnyɗi oko sinɛ ɗɛyɛɛɗik a gaananɛ sɛɛgŋɔŋk.

In ɔɔyɛɛ ɓaayka, a buudɛ, a ŋadi, a ɗaakan, a nyɔɔna a ola sigɔ ŋɛɛwɛŋɔŋk baŋɛ.

In ŋadɛɛ, mayakana kat ŋadɛɛ a tikiɗikɛɛŋ, kat ɗiirir waawuy a in kɛɛ woorɛɛ ŋadi noŋk. Kat ŋɔɗɛɛ milki diyabiloosa.

Agut sini in boŋiirɛɛ ɛɛk noŋk sinɛɓa bɔɔlɔŋk sinɛɓa beeɗirɗɔ jeemɛk sinɛ sɔɔktank a raarami a dilɗi tikiyɛɛkaak. In arɛɛ kalbiyɛ goŋk a tɔɔmɔk wɛɛŋakɛ. In kadɛɛ ɛɛk sinɔ tɔɔnuk sinɛɓa riiɓɛɛ kɛnɔ gayii a Waakoyok kɛ ɗɔm, a mentanka taamɛkɛ Waakoyotoŋk sinɔ eekeerik a geetit ɛɛkoŋk.

In ɓaŋkaawurɛɛ kɛnɔ koorɛɛ omaayikeen sinɔ laŋɛɛ Wɛɛŋakɛ Waakoyotoŋk a tutusikari bɔdɛɛɗ.

Sɛɛn sinɛɓa gaɓɛ tigiyak sigi joopa a omoŋ omoŋ nɛ ɔgɔɔk wosɛytaanak, ma ɔgɔɔk joop pɛrkaakoŋk, ma ɔgɔɔk joop sigɔ waasɛr Pɛɛni sinɔ Ɓɛlkɛɛstank, ma ɔgɔɔk koortaanak ŋaadtaanakoŋk, ma ɔgɔɔk rɔɔriytaanak. Nɔɓa ijaagiiɗ sinik kɛnɔ ragadi ŋaaditaanak ijaaga dooyanoŋk kɛnɔ kɛny gode Sambatɛyoŋk sinɛ ɛɛk nɛɛkik. Ɛ kɛnɔ mɛlii eteŋk baŋɛ omaayikeena sinɔɔna laŋɛɛ ŋaadiyɛɛkɛ a ɗegerii Tɔɔn Waakoyotoŋk kɛnɔ eteŋk joop sigɔɓa gayiiŋɔŋk oko sinɛ ege Kerese daktan aɓa gayɛŋɔŋk.

Seedi son kiikɔɔ ɓɛɛl a eteŋk tɔɔmɔk a tin diile yoŋgoy ɔɗɔɔka kɛ baŋiyak, a tin diile yoŋgoy rɔɔriyɔn sinɔ nyonuk a raamiyɛ joopoŋk gɔɔtaase kɛ gɔɔtaase. Ɗɛyɛ tina a ɓɔlɔɔrii ant baŋɛ a totonii eekeer mɛyin kɛnɔ gaayii Keresee sinɛ ɔɗɔ ɛɛk gode Sambatɛyoŋkuk.