Mistari Maarufu ya Biblia kutoka ರೋಮಾಯೆರೆಗ್ 6

Shirikisha

ದಾಯೆಗಂದ್ಂಡ ಪಾಪ ಕೊರ್ಪಿನ ಸಂಬಳ ಮರಣ. ದೇವೆರೆಡ್ದ್ ಧರ್ಮಾರ್ಥ ತಿಕ್ಕುನ ಉಡಿಗೆರೆ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡುಪ್ಪುನ ನಿತ್ಯಜೀವ.

ದಾಯೆ ಪಂಡ ಪಾಪ ನಿಕ್ಲೆ ಮಿತ್ತ್ ಅಧಿಕಾರ ನಡಪಾವುಜಿ. ನಿಕುಲು ನ್ಯಾಯಕಟ್ಟ್‌ಗ್ ಒಳಗಾಯಿನಾಕುಲತ್ತ್. ದಯೊಕು ಒಳಗಾಯಿನಾಕುಲು ಆದುಲ್ಲರ್ ಆತೇ.

ಇಂಚ ಉಪ್ಪುನಗ ನಮ ದೀಕ್ಷಾಸ್ನಾನ ಮಲ್ತೊಂಡಿನಪಗ ಆಯ ಮರಣೊಡು ಪಾಲ್‌ದಾರೆರಾದ್ ಆಯಡೊಪ್ಪ ಕೌಂತುದಿನಾಕುಲಾಯ. ಐಡ್ದಾವರ ಕ್ರಿಸ್ತೆ ಸೈತ್‌ದ್ ಅಮ್ಮೆರೆನ ಮೈಮೆಡ್ದ್ ಜೀವೊಡು ಲಕ್ಕಾಯಿ ಲೆಕ್ಕನೆ ನಮಲಾ ಜೀವೊಡು ಲಕ್ಕ್‌ದ್ ಪೊಸಬೆರಾದ್ ನಡತೊನೊಡು.

ಉಂದು ಮಾತ್ರ ಅತ್ತಂದೆ ನಿಕುಲು ನಿಕ್ಲೆನ ಅಂಗೊಲೆನ್ ಪಾಪೊಗು ಒಪ್ಪಿಯಾವುನಕುಲಾದ್ ಪಡಿಕೆ ಉದ್ದೇಶೊಲೆಗಾದ್ ಉಪಯೋಗ ಮಲ್ಪಡೆ. ಮರಣೊಡ್ದು ಜೀವೊಗು ಬೈದಿನಾಕುಲೆ ಲೆಕ್ಕ ನಿಕ್ಲೆನ್ ದೇವೆರೆಗ್ ಒಚ್ಚಿದ್ ಕೊರ್ಲೆ; ಬೊಕ್ಕ ನೀತಿದ ಕಾರ್ಯೊಲೆಗಾದ್ ಉಪಯೋಗ ಆಪಿಲೆಕ್ಕ ನಿಕ್ಲೆ ಇಡೀ ಶರೀರೊನು ಆಯ ವಶೊಕ್ಕು ಕೊರ್ಲೆ.

ನಮ ಪಾಪದ ಶರೀರಭಾವ ನಾಶಾದ್ ನಮ ನನಲಾ ಪಾಪದ ವಶೊಟ್ಟುಪ್ಪಂದಿಲೆಕ್ಕ ಪರ ನರಮಾನಿನ್ ಕ್ರಿಸ್ತಡೊಪ್ಪ ಕ್ರುಸ್ಸುಗು ಪಾಡ್ದ್ ಆತ್ಂಡ್ ಪಂಡ್ದ್ ನಂಕ್ ಗೊತ್ತುಂಡು. ನಮ ನನ ಪಾಪೊಗು ಗುಲಾಮೆರಾದ್ ಇಜ್ಜ.

ಅವ್ವೇ ಪ್ರಕಾರ ನಿಕುಲುಲಾ ನಿಕ್ಲೆನ್ ಕ್ರಿಸ್ತ ಯೇಸುಡೊಪ್ಪ ಪಾಪದ ಪಾಲ್‌ಗ್ ಸೈತಿನಾಕುಲುಲಾ ದೇವೆರೆಗಾದ್ ಬದುಕುನಾಕುಲುಲಾ ಅಂದ್‌ದ್ ಎನ್ನೊನ್ಲೆ.

ಅಪಗಾಂಡ ದಾದ ಪನ್ಕ? ದೇವೆರೆ ದಯೆ ಹೆಚ್ಚಾವಡ್ ಅಂದ್‌ದ್ ನಮ ಪಾಪ ಮಲ್ತೊಂದೆ ಉಪ್ಪುಗನಾ? ಏಪೊಗ್ಲಾ ಉಪ್ಪೆರೆ ಬಲ್ಲಿ? ಪಾಪದ ಪಾಲ್‌ಗ್ ಸೈತಿನಕುಲಾಯಿ ಎಂಕುಲು ನನ ಐಟ್ಟೇ ಬದುಕುನು ಎಂಚ?

ನಿಕುಲು ಏರೆಗಾಂಡಲಾ ಗುಲಾಮೆರಾದ್ ಆಯೆ ಪಂಡಿನೆನ್ ಮಾತ ಕೇನಿಯೆರೆ ನಿಕ್ಲೆನ್ ಒಚ್ಚಿದ್ ಕೊರ್ಪರಾ ಆ ಯಜಮಾನಗೇ ಗುಲಾಮೆರ್ ಆದುಪ್ಪುವರ್ ಪಂಡ್ದ್ ನಿಕ್ಲೆಗ್ ತೆರಿದಿಜಾ? ಪಾಪೊಗು ಗುಲಾಮೆರ್ ಆಂಡ ಮರಣನೇ ಫಲ, ನಂಬಿಕೆಡ್ದ್ ತಗ್ಗ್‌ತನೊಗು ಗುಲಾಮೆರ್ ಆಯರ್ಡ ನೀತಿಯೇ ಫಲ.

ಆಂಡ ನಿಕುಲು ಪಿರವುಡು ಪಾಪೊಗು ಗುಲಾಮೆರ್ ಆದಿತ್ತರ್ಡಲಾ ನಿಕ್ಲೆಗ್ ಕಲ್ಪಾಯಿ ಬೋಧನೆಲೆಗ್ ನಿಕುಲು ಉಡಲ್‌ಡ್ದ್ ಅಧೀನರಾಯರ್. ಪಾಪೊಲೆಡ್ದ್ ಬುಡುಗಡೆ ಆದ್ ನೀತಿಗ್ ಗುಲಾಮೆರ್ ಆಯಿನೆಡ್ದ್ ದೇವೆರೆಗ್ ಉಪಕಾರ ಆವಡ್.