Mistari Maarufu ya Biblia kutoka Arumi 6

Shirikisha

Gusoko gënyamwëmo ga mahutye unë ikuya ëgweeso gëfewa ga Muungu unë ufanga wa khae na khae fana Kiristo Yesu Müküü witu.

Gusoko mahutye ëtiumwibala nyenye kangë, gusoko mutifo mu Seria ëgweeso mwëmu mboto.

Gwa uvii gugavëkwa itambëëmwe na mweeso gwa ubadiso mukhatë a ikuya, uvii mwino Kiristo agafëtiwa ufuma gwa akuyi gwa uküü wamwa Tata, seenoo noo ëgunoneye uduva uduvi në ufya.

Mbesa mutaduye mba nongo ëmwedu a mëërë anyu ëtendeke gëfe ga utenda uvaya nanë mahutye. Bahu iduyi nyenye aghonjo kunë Muungu mwino antu nëvafëtiywe ufuma gwa akuyi, duyi mayoma anyu oong'e kunë Muungu gusoko a ughooke.

Gumanyie mwino untu witu wa khae wakhomiwe u mutë itambëëmwe na Kiristo gusoko ntende a mahutye ëruvangwe, na gutatendekee kangë atughwa va mahutye.

Viuyi viuyi nyeenoo inoneye mwino mwakure mu mahutye ëgweeso mwino muduvie mu ukhuvëi na Muungu gwa njëa amwa Yesu Kiristo.

Uvii, guhanye ntunihe? Wurë, gufwaghëëre uduva mu mahutye uvii mboto a Muungu iongeeyena? Ti uvii mbanduvë! Guudaha wurë sese nëgwakure gwa mahutye ufwaghëëra uduva mu mahutye?

Mutimanyiena mwino nëmwiduya nyenye aghonjo atughwa nanë umutegheeya muntu ungëja mutenda tutë mwatughwa vakwe wasuumba atughwa va mahutye na gënyamwëmo gayo unë ikuya mba ikuryo na gënyamwëmo gayo unë utendwa guyanjëke usonge akwe Muungu?

Ëgweeso Muungu na arumbwe, gusoko nyenye naa mwaatughwa va mahutye, ëgweeso mugakwatëëra gwa nkhoo yanyu masëyo nënaa mwayafewe, na nënaa mwatendwa mwina uhaghaaro sya na mahutye, mugatendeka atughwa va ughooke na tutë.