Mistari Maarufu ya Biblia kutoka Gal 6

Shirikisha

Mbwenu ka turekye kuruha nitukora ebirungi, ahabw'okuba obunaku ku burihika turyagyesha, twaba tuteehwaire matsiko.

N'ahabw'ekyo nu nk'oku tukiine omwanya, ka tukorere abantu boona ebirungi, na munonga ab'oruganda rw'abaikiriza.

Mubangirane emitwaro yaanyu, mubone kuhikiiriza mutyo eiteeka rya Kristo.

Muteebeiha, Ruhanga tagaaniizibwa; manya eki omuntu abiba, nikyo agyesha.

Ahabw'okuba orikubibira omu mubiri gwe, ogwo mubiri aryagugyeshamu okujunda. Kwonka orikubibira omuri Mutima, aryagyeshera omuri Mutima amagara agatahwaho.

Banyaruganda, omuntu ku yaakushangwa akozire ekibi nanka, imwe aba Mutima, mumuhane n'omutima gw'obucureezi. Buri omwe omuriimwe ayerinde; manya naiwe noobaasa kwohibwa otyo.

Ahabw'okuba omuntu weena oyeteekateekaho kuba ekintu, haza ataine oku ari, aba naayebeiha. Ka buri omwe ashwijume emitwarize ye, haza ku araayereebemu ekirikumwehimbisisa, kibe eky'omuriwe wenka, kitari ky'omuri mutaahi we. Manya buri muntu aryayekorera omutwaro gwe wenka.