Mistari Maarufu ya Biblia kutoka Gal 5

Shirikisha

Kwonka ebigirwa abaine Mutima n'ebi: okukunda, okushemererwa, obusingye, okugumisiriza, embabazi, oburungi, obwesigwa, obucureezi, okwebarira. Haza ebiri nk'ebyo tihariho iteeka eririkubihakanisa.

Nimbagambira nti: Mugume mugyende nimwebemberwa Mutima, haza obwo nibwo mutarihaazya ebyetengwa omubiri.

Mutima ku araabe niwe atubaisaho, ka tugume tugyende atwebembeire.

Kandi aba Kristo Yesu bakabamba omubiri gwabo aha musharaba n'okwetenga kwagwo okubi n'amairu gaagwo.

Mbwenu ebikorwa omubiri nibimanywa: obushambani n'ebikwatiraine nabwo, okurya enshoni, okuramya emandwa, okuroga, obuzigu, okurwana, eihari, ekiniga, okuharikana, okwebaganisamu, okugwera orubaju, eitima, obusinzi, enkyeera, n'ebiri nk'ebyo. Nimbahuguura, nk'oku naabahugwire kare, ku abakora ebiri nk'ebyo batariheebwa bukama bwa Ruhanga.

Mbwenu banyaruganda, mukeeterwa obugabe; kwonka obwo bugabe bwanyu mutabuhindura orwekwatso rw'okukora eby'okwetenga kw'omubiri, kureka mugume muheerezane nimukundana.

Ahabw'okuba ebi omubiri gwetenga birwanisa Mutima; n'ebi Mutima ayenda birwanisa omubiri. Manya byombi birwanisana, ngu mutakaakora ebi murikwenda.

Manya eiteeka ryona rihikiiririzibwa omu kigambo kimwe eki: Kunda mutaahi waawe nk'oku oyekunda.

Turekye kwetunguura n'okugwisana kubi, nari okugirirana eihari.

Kristo akatwiha omu buhuuku ngu tugire obusingye; n'ahabw'ekyo muhame, murekye kugaruka omu nkomo y'obuhuuku.