Mistari Maarufu ya Biblia kutoka Efe 1

Shirikisha

Ninshaba ngu emitima yaanyu emurikirwe, mubone kumanya amatsiko agu yaabeeteire, n'obwingi bw'emigisha ye ey'okutangaaza, ei yaaraganiise abantu be, n'oku amaani ge agataine bugarukiro gakorera omuriitwe abaikiriza. Ago maani nigo gamwe na gari agu yaakoreise obu yaazoora Kristo omu bafiire, akamushutamya aha rubaju rwe rwa buryo omu iguru. Okwo niyo Kristo ategyekyera ab'obushoboorozi n'ab'amaani n'ab'obugabe bwona; naakirira kimwe amaziina goona ag'ab'obushoboorozi, omu busingye obu n'omu buriija.

Ruhanga ogwo niwe yaatutooraniire omuri Kristo, ensi etakahangirwe, ngu tubone kuba abarikwera, kandi abataine kamogo omu maisho ge. Ahabw'okutukunda, akatutoorana tutakabaireho, ngu tuhindukye abaana be omuri Yesu Kristo, nk'enaama ye ei yaasiimire oku eri.

Omuri Kristo nimwo tucungurirwa ahabw'okufa kwe, tukasaasirwa ebibi byaitu, nk'embabazi za Ruhanga enyingi munonga

Ruhanga Ishe wa Mukama waitu Yesu Kristo, owaatuheeraire emigisha omuri Kristo, akatuha ebirungi byona ebya Mutima omu iguru, ahimbisibwe.