Mistari Maarufu ya Biblia kutoka Romanos 6

Shirikisha

Pois o xornal do pecado é a morte, pero o regalo de Deus é a vida eterna en Cristo Xesús noso Señor.

Porque o pecado non vos dominará, que non estades xa debaixo da Lei, senón debaixo da graza.

Enterrámonos, logo, con el polo bautismo para a morte, para que, como Cristo foi resucitado dos mortos pola gloria do Pai, así tamén nós camiñemos nunha vida nova.

Nin ofrezades os vosos membros coma armas da inxustiza ó servizo do pecado. Máis ben poñédevos á disposición de Deus, coma mortos que volvestes á vida. E ofrecede os vosos membros coma armas da xustiza ó servizo de Deus.

Tendo en conta isto, o noso home vello foi crucificado, para que fose destruído o corpo pecador, a fin de non servirmos máis ó pecado.

Así tamén, vós considerádevos mortos ó pecado, pero vivos para Deus en Cristo Xesús.

Que diremos logo? Manterémonos no pecado, para que abunde a graza? De ningunha maneira. Os que xa morremos ó pecado, como imos vivir aínda nel?

Ben sabedes que se vos ofrecedes a alguén coma escravos para o obedecer, sodes escravos dese a quen obedecedes: se ó pecado, para acabar na morte; se á obediencia, para acadar a xustificación.

Pero, grazas a Deus, vós, aínda que erades escravos do pecado, obedecestes de corazón a doutrina fundamental á que vos entregaron; e, liberados do pecado, fixéstesvos escravos da xustiza