Mistari Maarufu ya Biblia kutoka LOMA 6

Shirikisha

Me i te taui o te agasala ko te mate ka ko te meaalofa faivasaga a te Atua; ko te ola se gata mai i a Keliso Iesu te tou Aliki.

A te agasala, ka se pule atu ki luga i a koutou, i te mea i a koutou ko se ola i lalo o te tulafono, kae i lalo o te alofa tauanoa o te Atua.

Ne tanu fakatasi tatou i te papatisoga ki tona mate, e pela eiloa mo te toetuakega a Keliso mai tino 'mate i te 'malu o te Tamana, tela ka sasale i ei tatou i te ola fou.

Sa tuku atu ne vaega i otou foitino ki te agasala ke fai mo mea faigaluega a te amio masei, kae tuku atu koutou ki te Atua e pela eiloa mo tino ne aumai mai te mate ki te ola, pela foki mo otou foitino, ke tuku atu ki te Atua ke fai mo mea faigaluega a te amiotonu.

Me e iloa tonu ne tatou a te mea nei: ne fakasataulo fakatasi o'tou foitino mua mo Keliso i luga i tona sataulo, ke fakamasei ei te malosi o te feitu agasala o te foitino, ko te mea ke se toe pologa tatou ki te agasala.

Ke 'tau foki koutou o mafaufau ki ei, i a koutou ne 'mate i te agasala, ka ko ola mō te Atua i a Keliso Iesu.

Se a te pati a tatou ka fai? Se mea 'lei ke tumau faeloa tatou o fai te agasala, ko te mea ke fakalasi te alofa tauanoa? Ikai, e se pena! Ne 'mate tatou i te agasala kae ka pefea o ola faeloa tatou i ei?

E iloa tonu eiloa ne koutou a te mea tenei: me kafai e tuku atu otou foitino ke fai mo pologa a se tino, e faka'logo koutou ki a ia, tela la, a koutou ko pologa a ia tela e faka'logo koutou ki ei, me ko te agasala, tela ko te mate tona ikuga, io me ko te fakalogo, tela ko te amiotonu tona ikuga.

Kae fakafetai ki te Atua i te mea i a koutou ne pologa muamua a te agasala, kae nei ko talia ne koutou mo otou loto katoatoa a te mea tonu i akoakoga ne maua ne koutou. Kae nei la, ko oti ne fakasaoloto koutou mai i te agasala, ko fai nei koutou mo pologa a te amiotonu.