Mistari Maarufu ya Biblia kutoka ᓭᐣᐟ ᒫᐟᔪ 18

Shirikisha

ᒋᑫᒫ ᐃᑕ ᓂᓱ ᐊᐦᐳ ᓂᐢᑐ ᒥᔭᐊᐧᒋᐃᑐᑖᐧᐃᐧ ᓂ ᐃᐧᔪᐃᐧᓂᕽ, ᐁᑯᑕ ᓂᐢᑕ ᒣᑳᐧ ᐊᔨᕽ ᐁᔮᔮᐣ.

ᒥᓇ ᒫᑲ ᑭᐟ ᐃᑎᓈᐋᐧᐤ, ᑭᐢᐱᐣ ᓂᑯᑖᐧ ᐁ ᓂᓯᔦᐠ ᓂᓱᑲᒪᑐᔦᑯ ᐅᑕ ᐊᐢᑭᕽ ᐊᐧᐃᐧᑕᒣᑯ ᐊᓂᒪ ᑫ ᓇᑐᑕᒣᐠ ᑭ ᑲ ᑐᑕᒪᑯᐋᐧᐤ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔮᐟ.

ᒋᓴᐢ ᒫᑲ ᑭ ᓇᑐᒣᐤ ᐊᐱᐢᒐᐊᐧᓯᓴ, ᐁ ᑭ ᐊᐦᔮᐟ ᒫᑲ ᐊᓂᑕ ᑖᐊᐧᔨᕽ ᐃᑕ ᐁ ᐊᔭᔨᐟ. ᐅᒥᓯ ᒫᑲ ᐁ ᑭ ᐃᑌᐧᐟ, ᑖᐯᐧ ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᑫᐧᐢᑭᐱᒪᑎᓯᔦᑯ, ᒥᓇ ᐃᓯᓈᑯᓯᔦᑯ ᑖᐱᐢᑯᐨ ᐊᐱᐢᒐᐊᐧᓯᐢ, ᓇᒪᐃᐧᔭ ᑭ ᑲ ᐱᐦᑐᑳᓈᐋᐧᐤ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ.

ᐁᐊᐧᑯ ᒫᑲ ᐅᐦᒋ, ᑭᐢᐱᐣ ᐊᐃᐧᔭᐠ ᑫ ᐃᓯ ᐊᐱᐢᑌᔨᒧᑫᐧ ᑕᐱᐢᑯᐨ ᐊᐊᐧ ᐊᐱᐢᒐᐊᐧᓯᐢ, ᐁᐊᐧᑯ ᒥᔭᐊᐧᒋ ᑭᐦᒐᔨᐃᐧᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ.

ᑭᐢᐱᐣ ᒫᑲ ᐊᐃᐧᔭᐠ ᑫ ᐅᑎᓇᑫᐧ ᐯᔭᐠ ᐅᒪ ᑐᐃᐧ ᐊᐱᐢᒐᐊᐧᓯᓴ ᓂᐟ ᐃᓯᔨᐦᑳᓱᐃᐧᓂᕽ, ᓂᔭ ᓂᐟ ᐅᑎᓂᐠ.

ᑖᐯᐧ ᑭᐟ ᐃᑎᓈᐋᐧᐤ, ᑭᐢᐱᐣ ᑫᑲᐧᐩ ᑫ ᒪᒪᒋᑲᐧᐱᑕᒧᐁᐧᑫᐧ ᐅᑕ ᐊᐢᑭᕽ, ᑭᑕ ᒪᒪᒋᑲᐧᐱᒋᑲᑌᐤ ᑭᐦᒋ ᑭᓯᑯᕽ; ᒥᓇ ᑫᑲᐧᐩ ᑫ ᐊᐸᐊᒧᐁᐧᑫᐧ ᐅᑕ ᐊᐢᑭᕽ, ᑭᑕ ᐊᐸᐃᑲᑌᐤ ᑭᐦᒋ ᑭᓯᑯᕽ.

ᐁᑯᓯ ᒫᑲ ᒣᐧᐦᒋ ᑭᐢᑕᐋᐧᐤ ᑫ ᑐᑖᑯᔦᐠ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔭᐟ, ᑭᐢᐱᐣ ᓇᒪᐃᐧᔭ ᑳ ᐃᑕᓯᔦᐠ ᑭᑌᐃᐊᐧᕽ ᑯᐦᒋ ᐳᓀᔨᑕᒪᐊᐧᐋᐧᐊᐧᐠ ᑭᒋᐋᐧᒥᐋᐧᐊᐧᐠ ᐅ ᐊᐧᓂᑐᑕᒧᐃᐧᓂᐋᐧᐊᐧ.

ᐊᐃᐧᔭᐠ ᒫᑲ ᑫ ᓇᔦᑕᐃᐧᑐᑕᐊᐧᑫᐧ ᐯᔭᐠ ᐅᐦᐃ ᑳ ᐊᐱᓯᓯᓯᔨᐟ ᑳ ᑖᐯᐧᔦᔨᒥᔨᐟ, ᓇᐊᐧᐨ ᑭᑕ ᑭ ᐋᐸᒋᐅ ᐱᓂᐳᒋᑲᓇᓯᓂᔭ ᑭ ᑕᑯᐱᑎᒥᐟ ᐅ ᑲᐧᔭᕽ, ᐁᑯᓯ ᒫᑲ ᑭ ᓂᐢᑕᐸᐊᐧᔨᐟ ᑕᐃᐧᐨ ᑭᐦᒋᑲᒥᕽ.

ᑖᓂᓯ ᑭᔭᐋᐧᐤ ᐁᑌᔨᑕᒣᐠ? ᑭᐢᐱᐣ ᐊᔨᓯᔨᓂᐤ ᐊᔮᐋᐧᐟ ᒥᑖᑐᒥᑕᓇᐤ ᒫᔭᑎᐦᑲᐧ, ᐯᔭᐠ ᒫᑲ ᐊᐧᓂᓯᓂᔨᐟ, ᓇᒪ ᒋ ᑭᑕ ᓇᑲᑌᐤ ᐊᓂᐦᐃ ᑫᑳᐟ ᒥᑖᑐᒥᑕᓇᐤ ᒥᓇ ᑫᑲᐟ ᒥᑕᑕᐠ, ᑭᑕ ᐃᑐᐦᑌᐟ ᒫᑲ ᐊᓂᑌ ᐊᐧᒋᕽ, ᑭᑕ ᓇᓇᑐᓇᐋᐧᐟ ᐊᓂᐦᐃ ᑳ ᐊᐧᓂᓯᓂᔨᐟ?