ᓭᐣᐟ ᒫᐟᔪ 18

1 # ᓬᐅᐠ 22:24 ᐁᑯᐢᐱ ᒫᑲ ᒣᐧᐦᒋ ᑭᐢᑭᓄᐦᐊᒪᐋᐧᑲᓇᐠ ᑳ ᐯ ᓈᑕᒋᐠ ᒋᓴᓴ, ᐅᒥᓯ ᐁ ᐃᑌᐧᒋᐠ, ᐊᐁᐧᓇ ᐊᐊᐧᓯᒣ ᑫᐦᒐᔨᐃᐧᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ? 2ᒋᓴᐢ ᒫᑲ ᑭ ᓇᑐᒣᐤ ᐊᐱᐢᒐᐊᐧᓯᓴ, ᐁ ᑭ ᐊᐦᔮᐟ ᒫᑲ ᐊᓂᑕ ᑖᐊᐧᔨᕽ ᐃᑕ ᐁ ᐊᔭᔨᐟ. 3#ᒫᕒᐠ 10:15; ᓬᐅᐠ 18:17ᐅᒥᓯ ᒫᑲ ᐁ ᑭ ᐃᑌᐧᐟ, ᑖᐯᐧ ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᑫᐧᐢᑭᐱᒪᑎᓯᔦᑯ, ᒥᓇ ᐃᓯᓈᑯᓯᔦᑯ ᑖᐱᐢᑯᐨ ᐊᐱᐢᒐᐊᐧᓯᐢ, ᓇᒪᐃᐧᔭ ᑭ ᑲ ᐱᐦᑐᑳᓈᐋᐧᐤ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ. 4ᐁᐊᐧᑯ ᒫᑲ ᐅᐦᒋ, ᑭᐢᐱᐣ ᐊᐃᐧᔭᐠ ᑫ ᐃᓯ ᐊᐱᐢᑌᔨᒧᑫᐧ ᑕᐱᐢᑯᐨ ᐊᐊᐧ ᐊᐱᐢᒐᐊᐧᓯᐢ, ᐁᐊᐧᑯ ᒥᔭᐊᐧᒋ ᑭᐦᒐᔨᐃᐧᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ. 5ᑭᐢᐱᐣ ᒫᑲ ᐊᐃᐧᔭᐠ ᑫ ᐅᑎᓇᑫᐧ ᐯᔭᐠ ᐅᒪ ᑐᐃᐧ ᐊᐱᐢᒐᐊᐧᓯᓴ ᓂᐟ ᐃᓯᔨᐦᑳᓱᐃᐧᓂᕽ, ᓂᔭ ᓂᐟ ᐅᑎᓂᐠ. 6ᐊᐃᐧᔭᐠ ᒫᑲ ᑫ ᓇᔦᑕᐃᐧᑐᑕᐊᐧᑫᐧ ᐯᔭᐠ ᐅᐦᐃ ᑳ ᐊᐱᓯᓯᓯᔨᐟ ᑳ ᑖᐯᐧᔦᔨᒥᔨᐟ, ᓇᐊᐧᐨ ᑭᑕ ᑭ ᐋᐸᒋᐅ ᐱᓂᐳᒋᑲᓇᓯᓂᔭ ᑭ ᑕᑯᐱᑎᒥᐟ ᐅ ᑲᐧᔭᕽ, ᐁᑯᓯ ᒫᑲ ᑭ ᓂᐢᑕᐸᐊᐧᔨᐟ ᑕᐃᐧᐨ ᑭᐦᒋᑲᒥᕽ.

7ᑲᑲᐧᑕᑭᓯᒪᑲᐣ ᐅᒪ ᐊᐢᑭ, ᐊᓂᐦᐃ ᓇᔦᑕᐃᐧᑐᑕᒧᐃᐧᓇ ᐅᐦᒋ! ᒋᑫᒫ ᑫᒋᓇᐨ ᑭᑕ ᐃᐦᑭᐣ ᓇᔦᑕᐃᐧᑐᑕᒧᐃᐧᓇ ᑭᑕ ᑕᑯᓯᓄᒪᑲᑭ; ᒫᑲ ᑲᑲᐧᑕᑭᓯᐤ ᐊᓇ ᐊᔨᓯᔨᓂᐤ ᓇᔦᑕᐃᐧᑐᑕᒧᐃᐧᐣ ᑳ ᐅᐦᒋᐸᔨᐠ! 8#ᒫᐟᔪ 5:30ᐁᐊᐧᑯ ᒫᑲ ᐅᐦᒋ, ᑭᐢᐱᐣ ᑭᒋᐦᒋ ᐊᐦᐳ ᑭᓯᐟ ᓇᔦᑕᐃᐧᑐᑕᒧᐃᑯᔭᓂ, ᑭᐢᑭᓴ, ᒥᓇ ᐁᐧᐱᓇ; ᓇᐊᐧᐨ ᑭ ᑲ ᐊᐸᒋᐃᑯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᑭᑭ ᒪᐢᑭᑲᑌᔭᓂ ᐊᐦᐳ ᒪᐢᑭᐱᑐᓀᔭᓂ, ᐃᐢᐱᐨ ᐃᐧᔭ ᐁ ᓂᓱ ᒋᐦᒉᔭᐣ ᐊᐦᐳ ᐁ ᓂᓱ ᓯᑌᔭᐣ, ᑭᑕ ᐃᓯ ᐁᐧᐱᓂᑲᐃᐧᔭᐣ ᑲᑭᑫ ᐃᐢᑯᑌᕽ. 9#ᒫᐟᔪ 5:29ᑭᐢᐱᐣ ᒫᑲ ᑭᐢᑭᓯᐠ ᓇᔦᑕᐃᐧᑐᑕᒧᐃᑯᔭᓂ, ᑫᒋᑯᐱᑕ, ᒥᓇ ᐁᐧᐱᓇ; ᓇᐊᐧᐨ ᑭ ᑲ ᐊᐸᒋᐃᑯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᐁ ᓇᐸᑌᔮᐱᔭᐣ, ᐃᐢᐱᐨ ᐁ ᓂᓯᐦᑭ ᑭᐢᑭᓯᑲᐧ, ᑭᑕ ᐃᓯ ᐁᐧᐱᓂᑲᐃᐧᔭᐣ ᑳᑭᑫ ᐃᐢᑯᑌᕽ. 10#ᓬᐅᐠ 19:10ᐊᔭᑲᐧᒥᓯᐠ ᐁᑳ ᑭᑕ ᐸᐱᓀᔨᒫᔦᐠ ᐯᔭᐠ ᐅᑯ ᑳ ᐊᐱᐢᑌᔨᑖᑯᓯᒋᐠ; ᒋᑫᒫ ᑭᐟ ᐃᑎᓈᐋᐧᐤ, ᑭᐦᒋ ᑭᓯᑯᕽ ᐅᑭᓯᑯᒥᐊᐧᐊᐧ ᑲᑭᑫ ᑲᓇᐊᐧᐸᒣᐊᐧᐠ ᓄᑖᐃᐧᔭ ᑭᐦᒋ ᑭᓯᑯᕽ ᑳ ᐊᔮᔨᐟ. 11ᒋᑫᒫ ᐃᔨᓂᐃᐧᑯᓯᓵᐣ ᐯ ᐃᑐᐦᑌᐤ ᑭᑕ ᐱᒪᒋᐋᐟ ᐊᓂᐦᐃ ᑳ ᐊᐧᓂᐦᐅᔨᐟ. 12ᑖᓂᓯ ᑭᔭᐋᐧᐤ ᐁᑌᔨᑕᒣᐠ? ᑭᐢᐱᐣ ᐊᔨᓯᔨᓂᐤ ᐊᔮᐋᐧᐟ ᒥᑖᑐᒥᑕᓇᐤ ᒫᔭᑎᐦᑲᐧ, ᐯᔭᐠ ᒫᑲ ᐊᐧᓂᓯᓂᔨᐟ, ᓇᒪ ᒋ ᑭᑕ ᓇᑲᑌᐤ ᐊᓂᐦᐃ ᑫᑳᐟ ᒥᑖᑐᒥᑕᓇᐤ ᒥᓇ ᑫᑲᐟ ᒥᑕᑕᐠ, ᑭᑕ ᐃᑐᐦᑌᐟ ᒫᑲ ᐊᓂᑌ ᐊᐧᒋᕽ, ᑭᑕ ᓇᓇᑐᓇᐋᐧᐟ ᐊᓂᐦᐃ ᑳ ᐊᐧᓂᓯᓂᔨᐟ? 13ᐁᑯᓯ ᒫᑲ ᑭᐢᐱᐣ ᑭ ᒥᐢᑲᐋᐧᒋ, ᑖᐯᐧ ᑭᐟ ᐃᑎᓈᐋᐧᐤ, ᐊᐊᐧᓯᒣ ᑭᑕ ᒥᔭᐊᐧᑕᒼ ᐊᓂᐦᐃ ᐯᔭᐠ ᒫᔭᑎᐦᑲᐧ ᐅᐦᒋ, ᐃᐢᐱᐨ ᐊᓂᐦᐃ ᑫᑳᐟ ᒥᑖᑐᒥᑕᓇᐤ ᑫᑳᐟ ᒥᑖᑕᐦᐟ ᐁᑳ ᑳ ᐊᐧᓂᓯᓂᔨᐟ. 14ᐁᑯᓯ ᒫᑲ ᒣᐧᐦᒋ ᐁᑳ ᐁᓯ ᓂᑕᐁᐧᔨᑕᕽ ᑯᑕᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ, ᐯᔭᐠ ᐅᐦᐃ ᑳ ᐊᐱᐢᑌᔨᑖᑯᓯᔨᐟ ᑭᑕ ᓂᓯᐊᐧᓈᑎᓯᔨᐟ.

15 # ᓬᐅᐠ 17:3 ᒥᓇ ᒫᑲ, ᑭᐢᐱᐣ ᑭᒋᐋᐧᒼ ᓇᔦᑕᐃᐧᑐᑕᐢᑫ, ᐃᑐᐦᑌ ᐃᓴ ᓇᑕᐃᐧ ᐃᐧᐦᑕᒪᐤ ᐅ ᐊᐧᓂᐃᓯᒋᑫᐃᐧᐣ ᐁ ᓂᓯᔦᐠ ᐱᑯ; ᑭᐢᐱᐣ ᒫᑲ ᓇᑐᑕᐢᑭ, ᑭ ᑭ ᑲᐢᑭᐋᐤ ᑭᒋᐋᐧᒼ. 16#ᑎᔪᑕᕒᐊᓇᒥ 19:15ᒫᑲ ᑭᐢᐱᐣ ᐁᑳ ᐃᐧ ᓇᑐᑖᐢᑭ, ᐅᑎᐣ ᑯᑕᐠ ᐯᔭᐠ ᐊᐦᐳ ᓈᓂᑕᐤ ᓂᓱ, ᐊᓂᒪ ᒫᑲ ᓂᓱ ᐊᐦᐳ ᓂᐢᑐ ᐁ ᐃᑕᒋᒧᒋᐠ ᐅ ᑐᓂᐊᐧᕽ ᑲᐦᑭᔭᐤ ᐊᔭᒥᐃᐧᐣ ᑭᑕ ᐅᐦᒋ ᒪᐢᑲᐊᐧᐢᑌᐠ. 17ᑭᐢᐱᐣ ᒫᑲ ᐁᑳ ᐃᐧ ᓇᑐᑕᐋᐧᒋ, ᐃᐧᐦᑕ ᐊᓂᑕ ᐊᔭᒥᐦᐁᐃᐧᑲᒥᑯᕽ; ᑭᐢᐱᐣ ᒫᑲ ᐁᑳ ᐃᐧ ᓇᑐᑕᐋᐧᒋ ᐅᑕᔭᒥᐦᐋᐊᐧ ᑭᔮᒼ ᑖᐱᐢᑯᐨ ᐁᑳ ᐁᔭᒥᐦᐋᐟ ᐊᔨᓯᔨᓂᐤ ᒥᓇ ᐸᑊᓬᐃᑲᐣ ᑭ ᑲ ᐃᑌᔨᒫᐤ. 18#ᒫᐟᔪ 16:19; ᒑᐣ 20:23ᑖᐯᐧ ᑭᐟ ᐃᑎᓈᐋᐧᐤ, ᑭᐢᐱᐣ ᑫᑲᐧᐩ ᑫ ᒪᒪᒋᑲᐧᐱᑕᒧᐁᐧᑫᐧ ᐅᑕ ᐊᐢᑭᕽ, ᑭᑕ ᒪᒪᒋᑲᐧᐱᒋᑲᑌᐤ ᑭᐦᒋ ᑭᓯᑯᕽ; ᒥᓇ ᑫᑲᐧᐩ ᑫ ᐊᐸᐊᒧᐁᐧᑫᐧ ᐅᑕ ᐊᐢᑭᕽ, ᑭᑕ ᐊᐸᐃᑲᑌᐤ ᑭᐦᒋ ᑭᓯᑯᕽ. 19ᒥᓇ ᒫᑲ ᑭᐟ ᐃᑎᓈᐋᐧᐤ, ᑭᐢᐱᐣ ᓂᑯᑖᐧ ᐁ ᓂᓯᔦᐠ ᓂᓱᑲᒪᑐᔦᑯ ᐅᑕ ᐊᐢᑭᕽ ᐊᐧᐃᐧᑕᒣᑯ ᐊᓂᒪ ᑫ ᓇᑐᑕᒣᐠ ᑭ ᑲ ᑐᑕᒪᑯᐋᐧᐤ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔮᐟ. 20ᒋᑫᒫ ᐃᑕ ᓂᓱ ᐊᐦᐳ ᓂᐢᑐ ᒥᔭᐊᐧᒋᐃᑐᑖᐧᐃᐧ ᓂ ᐃᐧᔪᐃᐧᓂᕽ, ᐁᑯᑕ ᓂᐢᑕ ᒣᑳᐧ ᐊᔨᕽ ᐁᔮᔮᐣ.

21 # ᓬᐅᐠ 17:3,4 ᐁᑯᓯ ᒫᑲ ᐱᑕᕒ ᑭ ᐯ ᓇᑌᐤ, ᐅᒥᓯ ᐁ ᑭ ᐃᑌᐧᐟ, ᑌᐯᔨᐦᒋᑫᔭᐣ, ᑕᓂᑕᑖᐧᐤ ᐁ ᒪᒋᑐᑕᐃᐧᐟ ᓂᒋᐋᐧᒼ, ᐁᑯᓯ ᒫᑲ ᑭᑕ ᐳᓀᔨᑕᒪᐊᐧᐠ? ᑌᐸᑯᐦᐹᐧᐤ ᒋ ᐃᔨᑯᕽ? 22#ᒉᓂᓯᐢ 4:24ᒋᓴᐢ ᒫᑲ ᐅᒥᓯ ᐃᑌᐤ, ᓇᒪᐃᐧᔭ ᐁᑯᓯ ᑭᐟ ᐃᑎᐣ, ᐃᔨᑯᕽ ᐱᑯ ᑌᐸᑯᑊ ᑕᐦᑖᐧᐤ; ᒫᑲ, ᑌᐸᑯᐦᐳᒥᑕᓇᐤ ᑕᐦᑖᐧᐤ ᑌᐸᑯᑊ ᐃᔨᑯᕽ. 23ᐁᐊᐧᑯ ᒫᑲ ᐅᐦᒋ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑕᑲᐧᐣ ᑖᐱᐢᑯᐨ ᐯᔭᐠ ᑭᐦᒋ ᐅᑭᒫᐤ, ᑳ ᐃᐧ ᓂᐱᑌ ᐊᑭᑕᒪᐋᐧᐟ ᐅᐟ ᐊᑐᐢᑫᔮᑲᓇ. 24ᐃᐢᐱ ᒫᑲ ᑳ ᓯᐯᐧᐊᑭᑕᒪᐋᐧᐟ, ᐯᔭᐠ ᑭ ᐯᓯᒫᐊᐧ ᒥᑕᑖᐧᐤ ᑭᐦᒋ ᒥᑖᑐᒥᑕᓇᐤ ᓱᓂᔮᐊᐧ ᐁ ᒪᓯᓇᐦᐊᒪᑯᐟ: 25ᒫᑲ ᐁᑳ ᐁᑯᔨᑯᕽ ᐁ ᐊᔮᐟ ᑭᑕ ᑎᐸᐊᕽ, ᐅᐟ ᐅᑭᒫᒪ ᑭ ᐃᑕᓱᐊᐧᑎᐠ ᑭᑕ ᐊᑕᐊᐧᑲᑎᐟ ᒥᓇ ᐃᐧᐊᐧ, ᒥᓇ ᐅᐟ ᐊᐊᐧᓯᒥᓴ, ᒥᓇ ᑲᐦᑭᔭᐤ ᑳ ᐃᓯ ᐊᔮᐟ, ᐁᑯᑕ ᒫᑲ ᑭᑕ ᐅᐦᒋ ᑎᐸᐦᐃᑫᐟ. 26ᐁᑯᓯ ᒫᑲ ᐊᑐᐢᑫᔮᑲᐣ ᑭ ᐸᐦᑭᓯᐣ, ᐁ ᑭ ᒪᐃᐧᒧᐢᑕᐋᐧᐟ, ᐅᒥᓯ ᐁ ᐃᑌᐧᐟ, ᑌᐯᔨᐦᒋᑫᔭᐣ, ᓴᓯᐯᔨᑕᒪᐃᐧᐣ ᐁᑯᓯ ᒫᑲ ᑲᐦᑭᔭᐤ ᑭ ᑲ ᑎᐸᐊᒪᑎᐣ. 27ᐁᑯᓯ ᒫᑲ ᐅᑭᒫᐤ ᑭ ᑭᑎᒪᑫᔨᒣᐤ, ᐅᐟ ᐊᑐᐢᑫᔮᑲᓇ ᒥᓇ ᐁ ᑭ ᐊᐸᐋᐧᐟ, ᒥᓇ ᐁ ᑭ ᑲᓯᐊᒪᐋᐧᐟ ᐅ ᒪᓯᓇᐦᐃᑫᐃᐧᐣ. 28ᒫᑲ ᐁᐊᐧᑯ ᐊᑐᐢᑫᔮᑲᐣ ᑭ ᐊᑎ ᐊᐧᔭᐃᐧᐤ, ᐁ ᑭ ᒥᐢᑲᐋᐧᐟ ᒫᑲ ᐯᔭᐠ ᐃᐧᒋ ᐊᑐᐢᑫᔮᑲᓇ, ᑳ ᒪᓯᓇᐦᐊᒪᑯᐟ ᒥᑖᑐᒥᑕᓇᐤ ᐅᓴᐊᐧᐱᐢᑯᓴ; ᐁ ᑭ ᐅᑎᑎᓈᐟ ᒫᑲ, ᒥᓇ ᐁ ᑭ ᑭᐱᑭᑐᓀᓈᐟ, ᐅᒥᓯ ᐁ ᐃᑖᐟ, ᑎᐸᐊᒪᐃᐧᐣ ᐊᓂᒪ ᑳ ᒪᓯᓇᐦᐊᒪᐃᐧᔭᐣ. 29ᐃᐧᒋ ᐊᑐᐢᑫᔮᑲᓇ ᒫᑲ ᑭ ᐃᐢᐸᔨᐅᔨᐊᐧ ᐅ ᓯᑎᕽ, ᐁ ᑭ ᐸᑯᓭᔨᒥᑯᐟ ᒫᑲ, ᐅᒥᓯ ᐁ ᐃᑎᑯᐟ, ᓴᓯᐯᔨᑕᒪᐃᐧᐣ ᐁᑯᓯ ᒫᑲ ᑭ ᑲ ᑎᐸᐊᒪᑎᐣ. 30ᒫᑲ ᓇᒪᐃᐧᔭ ᑭ ᐃᐧ ᓇᑐᑕᐁᐧᐤ; ᒫᑲ ᐊᒋᐱᑯ ᑭ ᓯᐯᐧᑌᐤ ᐁ ᑭ ᑭᐸᐋᐧᐟ ᒫᑲ ᑭᐸᐦᐅᑐᐃᐧᑲᒥᑯᕽ, ᐃᔨᑯᕽ ᑭᑕ ᑎᐸᐊᒥᔨᐟ ᐅ ᒪᓯᓇᐦᐃᑫᐃᐧᓂᔨᐤ. 31ᐃᐢᐱ ᒫᑲ ᑯᑕᑲ ᐅ ᐃᐧᒋ ᐊᑐᐢᑫᔮᑲᓇ ᑳ ᐋᐧᐸᐦᑕᒥᔨᐟ ᐅᒥᓯ ᐁ ᑭ ᐊᔨᑭᓂᔨᐠ, ᓇᐢᐱᐨ ᑭ ᒥᒋᔭᐁᐧᓯᔨᐊᐧ, ᐁ ᑭ ᐯ ᓇᑕᐃᐧ ᐃᐧᐦᑕᒪᐊᐧᔨᐟ ᐅᐟ ᐅᑭᒪᒥᐊᐧᐊᐧ ᑲᐦᑭᔭᐤ ᑳ ᑭ ᐊᔨᑭᓂᔨᐠ. 32ᐁᑯᓯ ᒫᑲ ᐅᐟ ᐅᑭᒫᒪ, ᐃᐢᐱ ᐁ ᑭ ᓇᑐᒥᑯᐟ, ᐅᒥᓯ ᑭ ᐃᑎᐠ, ᐅ ᑭᔭ ᑳ ᒪᒑᑎᓯᔭᐣ ᐊᑐᐢᑫᔮᑲᐣ, ᑲᐦᑭᔭᐤ ᓂᔭ ᑭ ᑭ ᑲᓯᐊᒪᑎᐣ ᐊᓂᒪ ᑭ ᒪᓯᓇᐦᐃᑫᐃᐧᐣ, ᒋᑫᒫ ᐁ ᐃᓯ ᐸᑯᓭᔨᒥᔭᐣ: 33ᓇᒪ ᒋ ᒫᑲ ᑭ ᑲ ᑭ ᑭᑎᒪᑫᔨᒪᑕᐩ ᑭᒋ ᐊᑐᐢᑫᔮᑲᐣ, ᑖᐱᐢᑯᐨ ᓂᔭ ᑳ ᑭ ᐃᓯ ᑭᑎᒪᑫᔨᒥᑖᐣ? 34ᐅᐟ ᐅᑭᒫᒪ ᒫᑲ ᑭ ᑭᓯᐊᐧᓯᔨᐊᐧ, ᐁ ᑭ ᐸᑭᑎᓂᑯᐟ ᒫᑲ ᑭᑕ ᑲᑲᐧᑕᑭᐃᐦᐟ ᐁᐢᑯ ᐃᔨᑯᕽ ᑲᐦᑭᔭᐤ ᑎᐸᐦᐊᐦᑭ ᐊᓂᒪ ᑳ ᐃᓯ ᒪᓯᓇᐦᐃᑫᐟ. 35ᐁᑯᓯ ᒫᑲ ᒣᐧᐦᒋ ᑭᐢᑕᐋᐧᐤ ᑫ ᑐᑖᑯᔦᐠ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔭᐟ, ᑭᐢᐱᐣ ᓇᒪᐃᐧᔭ ᑳ ᐃᑕᓯᔦᐠ ᑭᑌᐃᐊᐧᕽ ᑯᐦᒋ ᐳᓀᔨᑕᒪᐊᐧᐋᐧᐊᐧᐠ ᑭᒋᐋᐧᒥᐋᐧᐊᐧᐠ ᐅ ᐊᐧᓂᑐᑕᒧᐃᐧᓂᐋᐧᐊᐧ.

Iliyochaguliwa sasa

ᓭᐣᐟ ᒫᐟᔪ 18: KKMs

Kuonyesha

Shirikisha

Nakili