Mistari Maarufu ya Biblia kutoka Injil 1: Moti 5

Shirikisha

Ar kunu manshe lem zalaia ṭukrir tole toy na, ikṭa lem-danir ufre-u toy, zate goror hoḳole for deḳoin. Ou laḳan tumrar for-o manshor samne zolouk, zate tumrar bala ḳam dekia manshe tumrar behesti baf, Alla Pakor tarif ḳoroin.

“Huno, tumra oilae duniar batti. Faṛor ufror kunu ṭaun to lukail raḳa zae na.

Tara-u ḳofali zarar dil ḳaṭi, ḳaron tara-u Allar didar faiba.

Tara-u ḳofali zara dile-zane fak-forezgarir lagi kande, tarar ou asha fura oibo.

Oile ami tumrare ḳoiram, tumrar dushmonre-o maya ḳorio. Zera tumrare zulum ḳore, tarar lagi dua ḳorio.

“Nek-kofali ou manush-u zara dil taki nizore gorib mono ḳore, behesti bashshai to tara-u faiba.

Tara-u ḳofali zara manshore shantie raḳar lagi menot ḳore, Allae tarare tan afon aolad ḳoia ḍakiba.

Tara-u ḳofali zarar mono oḳon duk ase, tara-u to shuk faiba.

Tara-u ḳofali zara Allar hukum mafik solat gia zulum-mosibot shoijjo ḳore, behesti bashshai to tara-u faiba.

Tara-u ḳofali zara manshore doya ḳore, tara-u to doya faiba.

“Ar tumra-u ḳofali zarare amar lagi manshe ginnae, manshe tumrare zulum ḳore ar nanan nomunar misa bodnam gae. Ila oile mono rakio, tumrar age ze nobi oḳol aisla, ita manshe ou nobir ufre-o ola zulum ḳorta. Te tumra kushi-bashi ar furti korio, ḳaron tumra-o ou nobi oḳlor laḳan behesto bout boṛo furuskar faibae.

Tara-u ḳofali zarar sal-cholon norom, i dunia to tarar-u oibo.

“Tumra oilae duniar nun, oile nunor gun zudi nosṭo oizae, te ar nunta ḳora zae ni? I nun to ar kunu ḳamo lage na. Manshe ita bare falai dein ar itar ufredi aṭoin.

Erlagi ami koiram, tumrar behesti baf Alla Pak zela ḳaṭi, tumra-o ola ḳaṭi o.

Tumrar mator oy ḳan oy, ar na ḳan na ouk. Huno, itar bare ar zotota-u oy, ita Iblis taki oy.

“Tumra to huncho, age batail oise, ze forimane ḳeti oise, ou forimane shaza dio, ‘Souḳor bodla souk ar dator bodla dat.’ Oile ami koiram, ḳeu zudi tumrar loge ḳaraf bebohar ḳore, te tumra er bodla loio na, borong kunu manshe tumar ḍain galo soṛ marle, tare bau gal-o fatia dilaio.

“Tumar ḍain souke zudi tumare gunar fote ṭane, te i souk tulia falai deo. Asta shoril loia duzoḳo zaoa taki, eḳṭa ongo binash ḳorilaoa tumar lagi bala. Tumar ḍain ate zudi tumare gunar fote ṭane, i at ḳaṭia falai deo. Asta shoril loia duzoḳo zaoa taki, eḳṭa ongo binash ḳorilaoa tumar lagi bala.