Mistari Maarufu ya Biblia kutoka Ppën 2

Shirikisha

Naşibaţi aŧiink mnţëg mi baka aşë leş bhoŋar bi adoluŋ na Abraham, Iŧaak na Yakob. Awin bañaaŋ biki Iŧrayel na mnhaj mi baka.

Wi baţooŋ ajon, kë naşih i Ejiptu aşë keţ. Bañaaŋ biki Iŧrayel baţëga abot awooni ţi phaj pi bakhajanuŋ baka ţi ulemp. Kë idiim yi baka iban du Naşibaţi.

Napoţ adëmi, kë aţija poonu abuk Farawuna. Kë ajeja adola abukul aşë wula katim ki Moyiŧ, ţiki aji : « Dpënanaana du meel. »

Kë poonu abuk Farawuna aji na anin napoţ : « Jejan napoţ i, iya ido kabootan, ddo kaluku. » Kë ñaaţ ajej napoţ aya abootan.

Wal mënţ kë poonu abuk Farawuna naşih i Ejiptu aşë wala du bdëk añowa, kë balemparul baaţ başë duka du pkay aşuumala. Abuk naşih awin pkaar kë pawo ţi meel ţi pjaagal pweek aşë yil nalemparul kë ayaarada pa.

Moyiŧ adëm akëş ñiinţ, apën unuur uloŋ aya pwin bahebërë bayiţul aşë win ulemp utam wi baţuuŋ baka. Awin aloŋ i Ejiptu kë akkob nahebërë ; kë aşë kok kokan aten, wi awooŋ aanwin nin aloŋ aşë kob i Ejiptu afiŋ aşë moya ţi pyiw amen.