Mistari Maarufu ya Biblia kutoka Kolosi 2

Shirikisha

Aha ndranuhun sahou mwasin ta Laban Krais Jises, ma aha ndratehei budon taha handru ndrala tan. Eme ma, aha badeh, kahis hawe Krais, ma kadek na kandriyen tan. Aha badeh, kahis badan, buku kei ateh ma kandron ateu iy boto-on labai udu bwele-e munyak, ma buku asiu ales udu bwele-e ndru boto-on. Ma aha badeh, atehei budon taha boto-on labai in ta sahou mwasin doh, iri lau mene ndraleheyani aha ta aliy, ma len marakon aha kadeu wurah kili ta Kindrei ta iri lakou mwasin iy ndrabwidiy ndrawek taha.

Ya, aha katondrok aha kamwenen. Kora-on iri lau rayah kadeu sahou laleyah, ma sahou yoyou kewek taha ta iri budon solo-an ta aha ka-en hamon ta aliy. Ma iri kameh kawendreyani aha ta sahou dah, ma aha kameh anuhun boho iri. Iri lau doh badeh, akohok tanan ta tubu iri, ma tiri malawin ndra-in ale atondrok iri lakou badu kandrah, ma kon munyak. Iri tanan sahou ta Krais bwe.

Bwena badeh, aha amekes kandriyen ndra-in solo-an, ma aha a-en hamon ta ndrine aha malen, ma bwidi aha amak. Arile, Kindrei bwidi aha akohok kohan handru hawe Krais, ma Kindrei mani iri kandriyen ndra-in tataha marakon iu. Idoh i buku Kindrei ndratarani la-ukei bilisiu, tarou ta batanau udu aliy. Ya tarou mene, turuki taha ta mada sahou, ma anya korou sahou eme tataha ta iri kandriyen ndra-in taha amekes bwena. Arile, Kindrei ndratolowei iri lakou buku doh: Udu kala Jises Krais imek udu bada kei tondreh, Kindrei andrei la-ukei nane doh, iy tatahiy ili bada kei tondreh, ma sokosowei iri tarou ta batanau mari ma sahou ta imek udu aliy iu.

Ya, bale aha kudu taha. Tasah, aha ndratanan, koha Kindrei ma kandriyen tan mara-ei badeh, irek udu bada Krais le ari. Ma iy udu bwele-en labai tiri lakou boto-on mari. Aha badeh, ta Krais, eme ma, Kindrei ndratehei kohan handru ndrawek taha, ma kohan doh ndrarek udu bolo oda aha.

Ya, aha kanuhun! Aha badeh, kadeu kona aha kili tiri mwan ma badih anya korou sahou kewek taha ta kandriyen ta batanau ta beleben nyamon ma gwa, ma ta len tinan aha ba-en hamon ta aliy na bolo jaha marakon bwe, o, ta len ta bun ha-un asahan, arile aha basan len hawe iri bwe, o, ta len ta amunyau. Iri lakou marakon doh badeh, malawi le iri lakou handru kameh asahan hamon. Arile, Krais le badeh, iy lakou handru.