Beso, Nxito, dhe PushoShembull

Beso

Gjatë gjithë Shkrimit të Shenjtë, na është thënë se është Zoti, jo ne, që prodhon rezultate përmes punës sonë. 1 Kronikave 29:12 thotë: "Nga ti vijnë pasuria dhe lavdia; ti sundon mbi gjithçka.” Ligji i përtërirë 8:17-18 lexon, "Ruhu, pra, të thuash në zemrën tënde: "Forca ime dhe fuqia e dorës sime m’i kanë siguruar këto pasuri." Por kujto Zotin, Perëndinë tënd, sepse ai të jep forcën për të fituar pasuri, për të ruajtur besëlidhjen për të cilën Ai iu betua etërve të tu, ashtu siç është në fuqi sot.

Në një epokë në të cilën çdokush mund të fillojë një biznes të suksesshëm, të shkruajë një libër më të shitur, ose të fillojë një seri mesazhesh digitale audio të njohur, mund të jetë joshëse të mendosh se është nxitimi ynë që prodhon rezultate përmes përpjekjeve tona. Siç do ta shohim nesër, Zoti urdhëron që të nxitojmë, dhe Ai përdor punën tonë të palodhur për të dhënë rezultate përmes nesh. Por ndërsa hyjmë në ndonjë punë të re, duhet të fillojmë duke njohur faktin e padiskutueshëm, që rezultatet përfundimisht prodhohen nga Zoti.

Te Fjalët e Urta 16, Solomoni parashtron një sekuencë besimi, nxitimi, dhe pushimi që duhet të shënojë çdo përpjekje që ndjekim ne të Krishterët. Në vargun tre të pasazhit, njeriu më i mençur që ka jetuar ndonjëherë urdhëron, "Besoja Zotit veprimet e tua dhe planet e tua do të realizohen." Pra, para se të nxitojmë, ne duhet t’ia besojmë punën tonë Zotit. Si duket kjo praktikisht?

Si fillim, duket sikur duke mbajtur vargje si ato që kemi lexuar sot pranë zemrave tona, na kujton vazhdimisht se është Zoti, jo ne, që jep rezultate. Së dyti, ne e besojmë punën tonë te Zoti kur shkojmë tek Ai në lutje dhe shprehim me fjalë besimin tonë tek Ai. Më në fund, përveç verbalizimit të besimit tonë tek Zoti ndaj vetvetes dhe Zotit, është e rëndësishme që ta shprehim me fjalë këtë besim tek ata përreth nesh. Në një kulturë që lavdëron aftësinë për të "t’u përmirësuar me përpjekjet tona", ne të Krishterët do të veçohemi në botë kur e pranojmë në mënyrë të qartë se Zoti, jo ne, është përgjegjës për të dhënë rezultate përmes punës sonë.

Por siç do ta shohim nesër, besimi është vetëm një pjesë e enigmës. Në mënyrë që të jemi instrumentë efektivë në duart e Thirrësit tonë, duhet të nxitojmë shumë në punën tonë të zgjedhur.