Jezusi Më DoShembull

Më Do

Sot ne shikojmë rëndësinë e asaj që bëri Mesia—Jezus Krishti—sepse veprimet e Tij përcjellin thelbin e dashurisë. Ai dha jetën e Tij, për të paguar mëkatet e botës—për të paguar dënimin për mëkatet e tua dhe të miat. Pra, çfarë do të thotë të thuash, "Jezusi më do mua?" Çfarë do të thotë fjala "dashuri"?

Jezusi me vullnet të plotë la jetën e Tij në kryq, për të të shpëtuar nga mëkati dhe nga vdekja. Tani ti ke një jetë të re, nga momenti që ke besuar në Të dhe ke pranuar dhuratën e shpëtimit. Kjo do të thotë që ti mund të kesh:

Paqe aty ku ankthi të thotë të kundërtën.

Liri nga turpi, me të cilën faji do të të identifikonte.

Liri nga mëkati ku ai do të të skllavëronte.

Një identitet perfekt shpirtëror(shenjtëria).

I pranuar në familjen e Perëndisë në vend që të jetosh vetëm,

dhe sigurinë që dikush të do.

Ndërsa konfirmon besimin, në dashurinë që Perëndia ka për ty, kjo është një lutje që do të të ndihmojë ta personalizosh besimin, se Jezusi e shprehu dashurinë e Tij për ty, kur Ai vuajti në kryq.

I dashur Jezus,

Unë zgjedh të pranoj faljen, që Ti e bëre të mundur kur vdiqe në kryq për mua. Unë besoj në dashurinë që ke për mua, kur pagove çmimin për shpëtimin tim. Faleminderit që more mbi vete mëkatin tim. Faleminderit që vdiqe për mua. Faleminderit për dhuratën e faljes, të jetës së përjetshme dhe të pajtimit me Perëndinë. Jezus, Ti e tregove dashurinë tënde për mua me anë të veprave. Më ndihmo tani që dhe unë ta tregoj dashurinë time për Ty, me anë të veprave. Amen.

Cila është sakrifica më e madhe, që dikush mund të bëjë për të treguar dashurinë për dikë tjetër? Jezusi i është përgjigjur kësaj pyetjeje. Ja se çfarë ka thënë Ai: “Askush s'ka dashuri më të madhe nga kjo: të japë jetën e vet për miqtë e tij” (Gjoni 15:13). Kur Jezusi e bëri këtë deklaratë, Ai po parashikonte se çfarë do të bënte Ai në kryq: do të jepte jetën për ty, mikun e Tij.

Me kalimin e kohës, dashuria e tregon veten e saj me vepra, dhe sa më shumë vetë-sakrifikues të jetë një veprim, aq më e sinqertë dashuria është. Si i tregon njerëzve në jetën tënde se ti i do ata?