Të fillosh një marrëdhënie me JezusinShembull

"Tani çfarë?"

Të qenit i krishterë ka të bëjë me "të qenit në" Jezusin. Shpjeguar më qartë, filloni një jetë që "qëndron" në Të dhe që "mbetet" në Të. Çfarë do të thotë kjo? Do të thotë që ju kërkoni të rriteni në marrëdhënien tuaj me Të, duke e patur zemrën, shpirtin, mendjen dhe forcën tuaj plotësisht të fokusuar në marrëdhënien me Të (Marku 12:30; Luka 10:27).

Këtu jepen pesë mënyra për të qëndruar "në marrëdhënie" me Jezu Krishtin:

Në marrëdhënie me të krishterët e tjerë

Kisha është njerëzit që kanë hyrë në një marrëdhënie me Jezusin dhe për këtë arsye janë falur prej Jezusit dhe duan të jetojnë për Jezusin. Rritja në një marrëdhënie me Jezuin ndihmohet duke qenë në një kishë. Është këtu në kishën, me besimtarët e tjerë, ku mësojmë, rritemi, bëjmë pyetje, shërbejmë dhe kërkojmë e adhurojmë Perëndinë së bashku.

Në drejtimin e Perëndisë duke lexuar dhe duke mësuar Biblën

Ndërsa rriteni në marrëdhënien tuaj me Jezu Krishtin, do të filloni të mësoni më shumë për Biblën. Bibla është Fjala e Perëndisë dhe është një nga mënyrat më të rëndësishme që Ai e ka zbuluar Veten dhe dëshira dhe modeli i Tij për jetën për ne. Sa më shumë e njihni Biblën, aq më shumë do ta njihni vetë Perëndinë.

Në bisedë me Perëndinë përmes lutjes

Qëllimi i lutjes është i njëjtë me qëllimin e bisedave të tjera të qëllimshme: të rritemi më afër së bashku në një marrëdhënie kuptimplote. Kjo do të thotë se lutja mbulon një numër të gjerë temash. Lutja përfshin ndarjen e ideve, dëgjimin, pyetjen, kërkimin e ndihmës, shprehjen në mënyrë që ju të mund të kuptoni, të rrëfeni dhe të thoni se ju vjen keq, duke thënë faleminderit ose thjesht duke qenë së bashku.

Në veprimin përmes shërbimit

Të veprosh duke shërbyer, duke u kujdesur, duke iu afruar njerëzve, shpreh zemrën e dashurisë së Zotit ndaj njerëzve dhe është gjithashtu një mënyrë domethënëse që ju të rriteni në marrëdhënie me Jezusin. Pse? Sepse kjo është ajo që bëri Jezusi. Jezusi tha: "Sepse edhe Biri i njeriut nuk erdhi që t'i shërbejnë, por për të shërbyer" (Marku 10:45).

Në shprehjen e dashurisë për Perëndinë nëpërmjet adhurimit

Adhurimi është shprehja jonë e qëllimshme e vlerësimit, mirënjohjes dhe e mahnitjes për Perëndinë. Adhurimi mund të bëhet vetëm ose në një stadium me mijëra të tjerë. Mund të zhvillohet në një ndërtesë kishe ose në një livadh malor. Adhurimi është shprehja juaj autentike dhe e sinqertë ndaj Perëndisë.

Nëse ju ka pëlqyer ky plan dhe do të dëshironit një mundësi për të fituar të gjithë librin nga është shkëputur, klikoni këtu