Jo i Braktisur: Gjetja e Lirisë si Bijtë dhe Bijat e një Ati të PërsosurShembull

Dita 1:

"Babi, më shiko!"

Ka të ngjarë që ti e ke thënë këtë frazë - ose një të ngjashme - si fëmijë. Është një lloj gjuhe universale për fëmijët, një shprehje e dëshirës sonë të brendshme për t'u vënë re, aprovuar dhe pranuar nga baballarët tanë. Pavarësisht nëse po e bëje shumë mirë rrotullimin me zhytje nga trampolina, ose kur gjuaje topin në basketboll në kosh, ose kur merrje një notë të mirë në shkollë, ne dëshironim ta dëgjonim të thoshte, "Unë të dua ty dhe jam kaq krenar për ty".

Dr. Peggy Drexler shkroi për këtë dëshirë në një studim të Psikologjisë Sot të 75 grave me arritje të larta. "Pavarësisht se sa të suksesshme ishin karrierat e tyre, sa të lumtura ishin martesat e tyre, ose sa të përmbushura ishin jetët e tyre, gratë më thanë që lumturia e tyre kalonte përmes një filtri të reagimeve të baballarëve të tyre.... Edhe për ato gra, baballarët e të cilëve kishin qenë neglizhentë ose abuzivë, unë gjeta tek to një uri për miratim. "

Në librin e tij, Mjaftueshëm Burrë, Dr Frank Pittman përshkruan këtë uri të njëjtë për miratim te burrat: "Jeta për shumicën e djemve dhe për shumë burra të rritur është një kërkim zhgënjyes për babanë e humbur që nuk ka ofruar ende mbrojtje, siguri, ushqim, modelim, ose, veçanërisht, vajosje. "

Kjo fjalë "vajosje" i referohet të qënurit i zgjedhur, i bekuar... i miratuar. Është tregues i diçkaje të brendshme në mënyrën e krijimit tonë që na bën të gjithëve të dëshirojmë miratimin dhe admirimin e një babai.

Ndoshta ky bekim ka qenë në jetën tënde. Nëse po, merr një moment sot nëse mundesh t’i tregosh babait se sa mirënjohës je për të! Nëse nuk ka qenë, nuk je vetëm. Sipas Zyrës së Regjistrimit të Sh.B.A-së, më shumë se një në katër fëmijë amerikanë sot jetojnë pa baba në shtëpi. Në shumë raste, "admirimi", "aprovimi" ose "pohimi" do të ishin fjalët e fundit që do të zgjidhnim për të përshkruar një baba. Fjalët që kanë më shumë gjasa të na kalojnë nëpër mendjet tona mund të jenë:

Mungon.

I Inatosur.

Abuziv.

I Ftohtë.

Nuk është çudi që kjo gjeneratë është etiketuar "pa baba".

Por ka një lajm të mirë, të mirë për të gjithë ne sot. Pavarësisht nga karakteri i babait tënd tokësor ose gjendja e marrëdhënies tënde me të, ekziston një Atë i përsosur që dëshiron të jetë në një lidhje të përsosur me ty. Tashmë ke dhembshuritë e tij. Tashmë ke dashurinë e tij. Ai është duke pritur të të lajë me bekimin e tij. Ai është gjithçka që ke dashur që babai yt tokësor të jetë dhe edhe më shumë.

Gjatë pesë ditëve të ardhshme, ne do të shohim se si mund ta gjejmë lirinë si djemtë dhe vajzat e Tij të dashur.