යෙදුම ලබා ගන්නහාස්කමේ දින 30නියැදිය
දෙවන ප්රාතිහාර්යවත් මසුන් ඇල්ලීම
මෙය යේසුස් වහන්සේ මාළු ඇල්ලීමේදී පේත්රුස්ව අභිබවා ගිය දෙවන අවස්ථාවයි. මෙවර වෙනස් වූයේ එය යේසුස් වහන්සේගේ මරණයෙන් හා උත්ථානයෙන් පසුව සිදු වූ බැවිනි. මසුන් දුටු විට පේත්රුස්ගේ ප්රතිචාරය වෙරළේ සිටින යේසුස් වහන්සේ දුටු විට තරම් උද්යෝගිමත් නොවීය. ඔහු ඔහුගේ බෝට්ටුවෙන් පැන තම ප්රියතම රබ්බි වහන්සේ බැලීමට දිව ගියේය. යේසුස් වහන්සේ පිසීම සඳහා මසුන්ගෙන් පිරුණු දැල වෙරළට ඇදගෙන යද්දී, පේත්රුස් හා ගෝලයෝ උත්ථාන වූ ගැලවුම්කරුවාණන් වටා නිහඬ බියකින් සිටියහ.
මෙම ආහාරයෙන් පසුව යේසුස් වහන්සේ පේත්රුස්ව ගෝලයෙකු ලෙස නැවත පිහිටුවා, සභාවේ කණුවක් මෙන්ම ක්රිස්තුස් වහන්සේගේ අපොස්තුළුවරයෙකු ලෙස ඔහුගේ ඉදිරි ජීවිතය සඳහා උපදෙස් දෙන සේක. ඔහුට ඔහුගේ ජීවිත මෙහෙවර පවරා දෙවියන් වහන්සේ විසින් නව සමයකට මුදා හරිනු ලැබේ.
අප ලබන හෝ කොටස්කරුවන් වන සෑම ප්රාතිහාර්යයක්ම කිසි විටෙක අප ගැන නොවේ. ඒවා සැමවිටම යේසුස් වහන්සේ ප්රකට කිරීම හා මෙලොව උන්වහන්සේගේ රාජ්යයේ කාර්යය පුළුල් කිරීම සඳහාය. දෙවියන් වහන්සේ අපගේ සුවය, විමුක්තිය හා ප්රතිෂ්ඨාපනය පිළිබඳ කතා තවත් බොහෝ දෙනෙකු උන්වහන්සේගේ රාජ්යයට ඇදගැනීමට යොදා ගැනීමට අභිමත කරන සේක. අන් කෙනෙකුගේ ජීවිතයේ උන්වහන්සේ කළ දේ ගැන ඔබ අසන විට යේසුස් වහන්සේ තුළ ආකර්ෂණීය ගුණයක් ඇත! එයයි සාක්ෂිකරුවෙකුගේ බලය. ගෝලයන් දොළොස්දෙනා ඇසින් දුටු සාක්ෂිකරුවන් වූ නමුත් අපි ජීවන සාක්ෂිකරුවන් වෙමු. අපගේ ජීවිත දෙවියන් වහන්සේගේ මහා බලය හා ශක්තිය පිළිබඳ සාක්ෂි වේ.
පාවුල් පැවසූ පරිදි, අප වටා ක්රිස්තුස් වහන්සේගේ සුවඳ පැතිරවීම සඳහා අප ජයග්රාහී පෙරහැරක මෙහෙයවනු ලබන්නෙමු! සුවඳක් පිළිබඳ කාරණය නම් එය දැඩි උත්සාහයක් දැරීමට අවශ්ය නොවීමයි, එය තිබෙන්නේ එලෙසින්මය. ඔබ මත ඇති උන්වහන්සේගේ සුවඳ අන්අය දැන ගැනීමට නම් ඔබ කළ යුත්තේ ඔබේ කතාව කියා යේසුස් මෙන් ජීවත්වීම පමණි. ඉතිරි සියල්ල දෙවියන් වහන්සේ කරන සේක!
ප්රාතිහාර්ය සඳහා භාජනයක් ලෙස දෙවියන් වහන්සේට ඔබව භාවිතා කිරීමට ඔබ සූදානම්ද? ඔබේ කතාව අන් අය සමඟ බෙදාගෙන සියලු මහිමය දෙවියන් වහන්සේට දීමේ අවදානම ඔබ ගන්නවාද?
යේසුස් වහන්සේගේ ප්රාතිහාර්ය මෙහෙය පිළිබඳ මෙම දින 30 ගමන අවසන් කරන විට, ඔබේ ජීවිතයේ ප්රාතිහාර්ය සිදු කිරීමට යේසුස් වහන්සේට ආරාධනා කිරීමට මෙම යාච්ඤාව කරන්නෙහිද?
ආදරණිය ස්වර්ගීය පියාණෙනි,
ඔබේ පුත්ර යේසුස් වහන්සේ මෙලොවට එවීම ගැන ස්තුතියි. අදත් ශුද්ධාත්මයාණන් තුළින් පොළොව මත ක්රියාත්මක වන උන්වහන්සේගේ අධිස්වභාවික බලය හා අධිකාරිය ගැන මම ඔබට ප්රශංසා කරමි. ඔබට අසීමිත දේ කළ හැකි වන පිණිසත්, මා තුළින් හා මා හරහා මහිමයට පත්වන පිණිසත් මාගේ ජීවිතයේ සෑම අංශයකටම මම ඔබට ආරාධනා කරමි. මාගේ කටයුතුවලදී ඔබ සමඟ හවුල්කාර වීමටත්, මගේ ජීවිතය හරහා ඔබේ අභිප්රායන් ඉටු කරනු දැකීමටත් මම පෙරුම් පුරමි. මගේ සාමාන්ය, දෛනික ජීවිතයේ ඔබ කරන අධිස්වභාවික ප්රාතිහාර්ය දැකීමට මගේ ඇස් විවෘත කරන මෙන් මම යාච්ඤා කරමි.
පියාණෙනි, පුත්රයාණෙනි, ශුද්ධාත්මයාණෙනි, මම ඔබට ප්රේම කරමි.
මේ සියල්ල මම යේසුස් වහන්සේගේ බලවත් නාමයෙන් ඉල්ලා සිටිමි,
ආමෙන්.
මෙම සැලැස්ම පිළිබඳ තොරතුරු
යේසුස් වහන්සේ පොළොවේ ජීවත් වූ කාලයේ මිනිසුන් වෙනුවෙන් ඇදහිය නොහැකි දේවල් කිහිපයක් කළේය. ඔබ මෙම බයිබල් සැලැස්ම කියවන විට, ඔබ යේසුස් වහන්සේව උන්වහන්සේගේ සම්පූර්ණනත්වයෙන්ම අත්දකිනු ඇතැයි අපි බලාපොරොත්තු වෙමු. මෙලොව ජීවිතයේදී ආශ්චර්යමත් දේ සිදුවීම සඳහා දෙවියන් වහන්සේව විශ්වාස කිරීම අපි අත් නොහැරිය යුතුය.
More
මෙම සැලසුම අපට ලබා දීම ගැන අපි We Are Zion ට ස්තූති කිරීමට කැමැත්තෙමු. වැඩි විස්තර සඳහා, කරුණාකර පිවිසෙන්න: www.instagram.com/wearezion.in
