ဉာဏ်အရာ၌ အသက်ကြီးသောသူ ဖြစ်ကြလော့Sample

ညီအစ်ကိုတို့၊ သင်တို့သည် ဉာဏ်အရာ၌ သူငယ်မဖြစ်ကြနှင့်။ မတရားသောအမှုအရာ၌ နို့စို့သူငယ် ဖြစ်ကြလော့။ ဉာဏ်အရာ၌ အသက်ကြီးသောသူ ဖြစ်ကြလော့ (၁ကော၊ ၁၄း၂၀။ ယုဒသန်ဗားရှင်း)။

ယုံကြည်သူတော်တော်များများသည် ဤကျမ်းပိုဒ်ကို မသိကြပေ။ သို့သော်၊ ဤကျမ်းပိုဒ်၏ သမ္မာတရားသည် အလွန်တရာ လေးနက်လှသလို ခွန်အားရဖွယ်ရာလည်း ဖြစ်သည်။

ဤကျမ်းပိုဒ်၏ အဓိကတရားမှာ ယုံကြည်သူများသည် ဉာဏ်အရာ၌ မွေ့လျော်ရင့်ကျက်သူများ ဖြစ်သင့်သလို၊ မတရားသောအမှုအရာ၌ အပြစ်ကင်း၍ မသိမကျွမ်းသောသူများ ဖြစ်ကြရမည် ဖြစ်သည်။

ခရစ်ယာန်များသည် မိမိဓမ္မပညာနှင့် သမ္မာကျမ်းစာဗဟုသုတကို တိုးပွားစေဖို့ ကြိုးစားသင့်ပါသည်။ အသင်းတော်တချို့သည် ဓမ္မပညာကို အလေးမထားဘဲ ဥပေက္ခာပြု၍ ထူးဆန်းသောတန်ခိုး၊ နိမိတ်လက္ခာဏာများနှင့် အတွေ့အကြုံများကိုသာ စွဲလမ်းနှစ်သက်ကြပါသည်။ ၎င်းအရာများသည် ကောင်းမြတ်သော်လည်း တမန်တော်ကြီး ရှင်ပေါလုသည် ဤသို့ဆုတောင်းပတ္ထနာပြုခဲ့ပါသည်...

ဆုတောင်းသောအချက်ဟူမူကား၊ ငါတို့သခင် ယေရှုခရစ်၏ ဘုရားသခင်ဖြစ်တော်မူသော ဘုန်းကြီးသော အဘခမည်းတော်သည် ကိုယ်တော်မြတ်ကို သိခြင်းအလိုငှာ ပညာကိုလည်းကောင်း၊ ထိုးထွင်းသောဉာဏ်ကိုလည်းကောင်း၊ သင်တို့အား ပေးပါမည်အကြောင်း... (ဧ၊ ၁း၁၇။ ယုဒသန်ဗားရှင်း)။

ထူးဆန်းသောတန်ခိုးကို တသသလို၊ ဓမ္မပညာကိုလည်း တသဖို့ဖြစ်သည်။