Soma Biblia Kila Siku 04/2025Sample

Wakati wa kufufuka kwake Yesu, walikuwepo wengine waliokuwa na mashaka kama Tomaso. Ujumbe wa Petro uliwahakikishia watu hawa kuwa alifufuka kweli. Petro anasema alikula na kunywa pamoja na Yesu.Tuliokula na kunywa pamoja naye baada ya kufufuka kwake kutoka kwa wafu(m.41). Hata leo wapo wasioamini kuwa Yesu yu hai. Kwa hiyo wanahitajika akina Petro wenye ushuhuda kuwatia moyo watu hao kuwa Kristo yu hai na anaweza kuwaokoa katika mahangaiko na shida zao. Kama unamwamini Yesu, usinyamaze, bali uwashuhudie wengine walio katika hali ya kutoamini.