ထာဝရပရဟိတSample

လူသားများကိုယ်စား၊ အရှင်ယေရှုခရစ်တော်ဘုရား ပြုပေးတော်မူသော ပရဟိတသည် ယခုဘဝ၊ နောင်ဘဝ၊ ကမ္ဘာအဆက်ဆက်တိုင်အောင် ခပ်သိမ်းသော အကျိုးကို ရရှိစေခြင်းငှာ ပြုပေးသော ထာဝရပရဟိတ ဖြစ်သည်။

ယုံကြည်သောသူများအဖို့၊ ခံစားရမည့် ထာဝရပရဟိတ အကျိုးမှာ ငရဲပြည်သို့ မရောက်ဘဲ အိုဘေး၊ နာဘေး၊ သေဘေးမှ လွတ်မြောက်လျက် ဘုရားရှင်စံပယ်တော်မူရာ ကောင်းကင်ဘုံသို့ ဝင်စားခွင့်ရှိပြီး အစဉ်မပြတ်လျှံလျက်ရှိသော ထာဝရဝမ်းမြောက်ခြင်း၊ ထာဝရငြိမ်သက်ခြင်း၊ ထာဝရသုခချမ်းသာခြင်း၊ ထာဝရကျန်းမာခြင်း စသည့်တို့ကိုလည်း အစဉ်ရရှိခံစားရပါလိမ့်မည်။

အို ချစ်မိတ်ဆွေ၊ အရှင်ယေရှုခရစ်တော်ဘုရား ပြုပေးသည့် ထာဝရပရဟိတကို ယုံကြည်ခြင်းဖြင့် ခံယူလျက် ထာဝရပရဟိတနှင့် စပ်ဆိုင်သည့် အကျိုးကျေးဇူးအမျိုးမျိုး ခံစားရရှိပါစေ။

သခင်ယေရှုခရစ်ကို ယုံကြည်လော့။ ယုံကြည်လျှင် သင်နှင့် သင်၏ အိမ်သူအိမ်သားတို့သည် ကယ်တင်ခြင်းသို့ ရောက်ကြလိမ့်မည်။