U bva Swiswini U ya TshedzaniSample

Ri Na U Hangwelwa Zwivhi

Musi muthu a tshi tenda kha Yesu a bula tshivhi tshawe, manwalo a funza uri Murena u a fulufhedzea nahone o luga u itela u kunakisa onoyo muthu kha zwi songo lugaho zwoṱhe. Hezwi ndi zwine Kristo – zwa fanelwa nga thendo dzoṱhe! – o ri itela zwone.

Zwi ṱungufhadzaho ndi uri muṅwe na muṅwe a sa tendi kha Kristo u a sasaladzwa, hu sa londi uri vhutshilo hawe vhu vhonala vhu na vhuḓifari vhufhio. Sa muthu a sa tendi ane a khou vhala hezwi, ni nga vha ni tshi khou ḓivhudzisa uri na inwi ni nga hangwelwa hani zwivhi zwaṋu. Tendani kha Yesu Kristo sa Murena na Mutshidzi waṋu nahone ni mu vhidzelele uri a tshidzwe muya waṋu.

Musi ni tshi phetha, ḓivhani uri sa mutendi no rengululwa, fhedzi no vhidzwa u lwa na ṱhuṱhuwedzo ya tshivhi vhutshiloni haṋu. U nga ri ni songo vhuya na tendela swina ḽi tshi ni ita uri ni dzule no ḓitika nga ṱhoni. Arali no ḓibula tshivhi tshaṋu kha Mudzimu, zwenezwo no hangwelwa! Nahone u nga ri ni songo vhuya na xelelwa nga muhumbulo waṋu wa u mangala musi ni tshi elekanya nga ha ndugelo ya u hangwelwa ye na ṋewa yone.