Ворагі, з якімі мы сутыкаемсяSample

Свет

Духоўны пералюб – гэта належаць Хрысту, але пры гэтым працягваць любіць свет. Праз увесь Стары Запавет Бог называў ідалапаклонства Ізраіля пералюбам, бо ідалы адцягвалі ад Яго сэрцы Яго народа. Як хрысціяне могуць быць у сяброўстве са светам, калі яны былі закліканы аддзяліцца ад яго? Мы ўкрыжаваны для свету, і свет ўкрыжаваны для нас.

Як паслядоўнікі Хрыста, мы павінны пазбягаць непрымальных адносін са светам. Нам варта любой цаной унікаць прывязанасці да свету, апаганення светам і пераймання свету, каб не засмучаць Святога Духа, які рупліва жадае нашай адданасці.

Калі мы гаворым пра свет у гэтым кантэксце, мы не маем на ўвазе створаную планету ці ўвесь Сусвет. Мы гаворым пра ўсё, што звязана з распаўсюджанай культурай бязбожнасці, якая пануе вакол нас, – тыя дзеянні і адносіны, што ўзнікаюць пад уладай сатаны. Мы павінны любіць людзей гэтага свету, як Хрыстос палюбіў нас, але ненавідзець грэх.

Малітва: Дарагі Госпадзе, дзякую Табе за Тваю любоў. Ты працягваў любіць мяне, нават калі я ішоў шляхамі свету. Няхай Твая вечная любоў жыве ў маім сэрцы, каб я любіў і жыў толькі для Цябе. МалюсяўІмяІсуса, Амін.