Tsheo Khulwanesa Vhutshuiloni havho!Sample

Ndovhedzo ya Maḓini: U Ḓivhadza Vhutshilo ho Shandukaho kha Nnyi na Nnyi

U lovhedzwa maḓini ndi nḓila ya ndeme ya u ḓivhadza zwi khagala u tshidzwa havho. U lovhedzwa maḓini zwi pembelela u fhela ha matshilele a kale na u thoma ha matshilele maswa. Yesu o funza vhafunziwa vhawe ndeme ya ndovhedzo maḓini musi a sa athu gonya ṱaḓulu nga murahu ha mvuwo. A ri,

“Ngauralo iyani ni ite vhathu vhoṱhe vhafunziwa, ni vha lovhedze dzinani ḽa Khotsi na ḽa Murwa na ḽa Muya Mukhethwa.” Mateo 28:19

Kha Thestamennde Ntswa yoṱhe, hu na mafhungo manzhi a sa vhatendi vhe vha lovhedzwa. Ndovhedzo ya maḓini i na tshiga tshihulwane kha ane a khou lovhedzwa, na vhane vha khou zwi ṱanziela kana u zwi vhona. U lovhedzwa maḓini zwi maṱoni a vhathu zwi sumbedza: u fhela ha matshilele a kale nga u mbwandamedzwa maḓini; mathomo a matshilele aṋu maswa kha Khristo nga u bva maḓini vho ṱanzwiwa, no kunakiswa ni tshivhumbiwa tshiswa tsha Mudzimu.

Lukasi 3:3 i sumbedza ndovhedzo ya maḓini sa “ndovhedzo ya u thembuluwo,” nahone i ombedzela ndeme ya u ḓivhadza phanḓa ha vhathu uri ro ṱutshela vhutshilo hashu ha kale na tshivhi. Naho ndovhedzo ya maḓi i si yone ine ya ri tshidza kana u fukedza tshivhi tshashu, i imela tshipiḓa tsha ndeme tsha vhutshilo hashu ha Tshikhiresithe - nḓivhadzo ya u vha tsiko ntswa, vhutshilo ho shandukaho! Arali ho vhuya ha vha na muthu we a vha a sa tou kombetshedzea u ita nḓivhadzo iyi, ho vha hu Yesu, we a tshila vhutshilo vhu si na tshivhi fhano ḽifhasini. Fhedzi Lukasi 3:21 i ri,

“Musi vhathu vhoṱhe vha tshi lovhedzwa, na Yesu a lovhedzwa.” Lukasi 3:21

Yesu o lovhedzwa uri na riṋe ri tevhele tsumbo yawe. Ndeme ya ndovhedzo ya maḓini i nga si ombedzelwe u fhira hafha. Arali vha sa athu u lovhedzwa maḓini, vha fanela u humbula u ita uri ndovhedzo maḓini i vhe tshithu tsha u thoma. Bivhili i ri laedza uri ri ḓivhadze phanḓa ha nnyi na nnyi nga ha u tshidzwa hashu, nahone vhunzhi ha kereke dzi tendaho Bivhili dzi ṋea zwikhala zwinzhi zwa u lovhedzwa maḓini. U tevhela tsumbo ya Tshiitisi tsha u lovhedzwa sa nḓila ya u tevhedza tsumbo ya Yesu ndi tshone tsho bvaho phanḓa. Mudzimu u ḓo ni fhaṱutshedza vhukuma na u ni lambedza nga u fulufhedzea haṋu na u mu thetshelesa!