Mbidzo kha Vhurangaphanḓa VhushumeliSample

Kusedzele kwa Nyimele

Khamusi vha na nganetshelo i seisaho (i shonisaho) ya u shaya tshomedzo kana u sa ḓilugisela mbambe, mulingo kana tshiwo. Khamusi a vha na ngauri kanzhi vha vha vho lugela tshoṱhe kha nyimele ifhio na ifhio. Fhethu hunzhi vhutshiloni, ndugiselo dzashu dzi ṱuṱuwedza zwine ra ita, nahone vhurangaphanḓa a vhu ngo fhambana. Hu vha thusa u pfesesa uri zwi amba mini u livhana na nyimele yashu ya vhurangaphanḓa hu na nzumbululo na u pfela vhuṱungu, u lugisela zwavhuḓi u itela u rangaphanḓa zwavhuḓi, uri avho vha re kha vhuimo hashu ha ṱhuṱhuwedzo vha fhedzisele vhe fhethu havhuḓi.

Vha ḓo zwi humbula uri Mushe o tea u ṋekedza tshiimo tshawe tsha maanḓa tsha vhurangaphanḓa u ya kha tshi si na maanḓa tsha vhurangaphanḓa ya vhathu vha Mudzimu nga nyimele ya vha wana vhe khayo, Igipita. Ṱhoḓea ya vhathu yo bveledza ndeme ya u takuwa ha Mushe u ya kha vhurangaphanḓa. u fana na Nehemia we a ṱanganana musi a tshi pfa tshiimo tshi shushaho tsha Jerusalema, a takuwa a ya a rangaphanḓa vhathu vha Mudzimu. Khamusi vha nga vha vhe na zwi elanaho na izwi sa fiḽosofi ya vhurangaphanḓa ngauri vho no huvhadzwa – vha shumiswa – nga u shaya vhulamukanyi. Vha kokovha wa swika kha vhurangaphanḓa nga phiseo ya shandukisa tshiimo tsha vhathu vha Mudzimu.

Musi Yesu a tshi swika kha iṅwe ḓorobo, O pfela vhuṱungu magogo ngauri vho vha vha tshi nga nngu dzi si na mulisa. O kona u vhona tshiimo tsha vhukuma tsha vhathu, a swikelela ṱhoḓea dza muya na dza ṋama dza vhukuma nga u ramba Vhafunziwa Vhawe uri vha ḓe vha vha funze. Khamusi vha tea u ḓivhudzisa uri arali Mudzimu a vha ramba u vha nae kha u isa vhathu fhethu he A vha nangela hone? Arali zwo ralo, vha khou lugisela hani mushumo uyu?

Mafhungo a u amba ha Mudzimu na mutukana Samuel a sumbedza uri musi Mudzimu a tshi ri vhidza ha khou khou ri ruma. Hu na tshikhala vhukati ha u vhidziwa na u rumiwa, hune ha vha na ndugiselo. Ndugiselo yashu i ḓo sumbedza mveledzwa na kushumele kwashu. Kha vha thome nga u rabela uri Mudzimu a vha thuse vha pfesese nyimele ya mbidzo ya Mudzimu khavho vha saathu uri ee kha tshiimo tsha vhurangaphanḓa.

Vha humbule uri musi wa ndugiselo a si u shanduka ha mushumo wavho wa vhurangaphanḓa fhedzi hu shanduka vhone – murangaphanḓa. Vha nga vha vha tshi ḓivha vharangaphanḓa vhe vha dzhia zwiimo zwa vhurangaphanḓa zwe vha vha vha songo lugela zwone lwo linganelaho, nga huṅwe vha fhedza buḓo ḽavho kha tshiimiswa tshihulwane vha sa ye fhethu. Ndugiselo dzi songo lingana dzi na masiandaitwa. Hafhu, mushumo wavho we vha ṋewa nga Mudzimu wa Vhurangaphanḓa u dzula u tshi fana hu si na ndavha na ndugiselo, fhedzi ahuna na muthihi washu a tamaho u tshila nga u ḓisola nga ṅwambo wa u dzhahela u ṱavhanya u dzhena kha tshiimo tsha vhurangaphanḓa hu si na vhugudisi ho teaho ha maṅwalwa.

Sa murangaphanḓa, vha vhidzelwa nyimele yo imaho ngauri, nahone vhurangaphanḓa vhukuma vhu na u pfesesa zwidodombedzwa zwa nyimele. Vho rabela tshifhinga tshingafhani vha khou rabelela vhathu vhane vha khou vha funza? Vho fhedza tshifhinga tshingafhani vha khou pfesesa nyimele yavho? Tsha ndeme, vha a pfesesa uri Mudzimu u khou ṱoḓa vha tshi vha isa ngafhi, vho shandukisa mulaedza wavho uri u elane navho? U nga ri Mudzimu a nga vha shandukisa vha vha murangaphanḓa a shandukisaho vhaṅwe uri vha swike hune vha khou ya hone.