Soma Biblia Kila Siku 05/2024Sample

Yoeli alikuwa nabii katika ufalme wa Yuda. Maana ya jina hili niYHWH (BWANA) ni Mungu. Alitumwa kwa taifa la Mungu likiwa katika hali mbaya kiroho, kijamii na kiuchumi. Nabii anawaambia hali ile imekuwapo kwa sababu watu wamekwenda kinyume na mpango wa Mungu. Anawaonya wamrudie Mungu ili awasaidie. Upofu wa kiroho unaoletwa na dhambi umewafanya kuona mambo ambayo ni chukizo kwa Mungu kama kitu cha kawaida. Kwa hiyo furaha ya watu imetoweka na hata mazao yao yamekauka, hawana kitu cha kutumainia.