Soma Biblia Kila Siku 02/2024Sample

Ndani ya hema ya kukutania kulikuwa na sehemu kuu mbili, yaani ile ya Patakatifu na ile ya Patakatifu pa Patakatifu, ambazo zilitengwa na pazia kubwa. Kiti cha rehema kiliwekwa juu ya sanduku la ushuhuda au la agano, na vyote viliwekwa sehemu ya patakatifu sana. Kiti hiki kinaonyesha kwa ishara kukombolewa kwa wanadamu kutoka katika dhambi na uovu wao. Habari njema ni kuwa Yesu Kristo ametufungulia njia iliyo wazi ya kuingia kwa kiti cha rehema cha Mungu.Basi, ndugu, kwa kuwa tuna ujasiri wa kupaingia patakatifu kwa damu ya Yesu,njia ile aliyotuanzia iliyo mpya, iliyo hai, ipitayo katika pazia, yaani, mwili wake(Ebr 10:19-20).Basi na tukikaribie kiti cha neema kwa ujasiri, ili tupewe rehema, na kupata neema ya kutusaidia wakati wa mahitaji(Ebr 4:16).