للسنة كاملة؛ رحمات جديدة كل صباحSample

الخداع المخيف ديال الخطية هو أنه ملّي كنخطأو، الخطية ماكتبانش خطية.

ماكنقدروش نشوفو الخطية ديال الدنوب أولا الفضاعة ديال الشر، وملّي كنشوفو هادشي، كنكونو معرضين للكدوب ديال إغواء التجربة.

ممكن هادي وحدة من الأسباب علاش كاينين قصص بحال هادي في الكتاب المقدس:

وْمْلِّي وْصَلْ يَسُوعْ وْالتّْلَامْدْ اللِّي كَانُو مْعَاهْ لْعَنْدْ التّْلَامْدْ لْخْرِينْ، شَافُو جْمَاعَة كْبِيرَة دْ النَّاسْ ضَايْرَة بْهَادْ التّْلَامْدْ وْشِي وْحْدِينْ مْنْ الْعُلَمَا دْ الشّْرَعْ كَيْتّْنَاقْشُو مْعَاهُمْ.وْغِيرْ شَافُو النَّاسْ يَسُوعْ تّْعَجّْبُو كُلّْهُمْ وْجْرَاوْ لْعَنْدُه بَاشْ يْسَلّْمُو عْلِيهْ.وْسْوّْلْ يَسُوعْ التّْلَامْدْ: «فَاشْ كَتّْنَاقْشُو مْعَاهُمْ؟».وْجَاوْبُه وَاحْدْ الرَّاجْلْ مْنْ وَسْطْ الجّْمَاعَة دْ النَّاسْ وْݣَالْ لِيهْ: «آ سِيدِي، جْبْتْ لِيكْ وْلْدِي حِيتْ سَاكْنُه وَاحْدْ الجّْنْ اللِّي رْدُّه زِيزُونْ،وْفِينْ مَا كَيْشَدُّه كَيْطِيّْحُه، وْكَيْخَرْجُو الْكْشَاكْشْ مْنْ فُمُّه وْكَيْغَزّْزْ سْنَانُه وْكَيْبَسْ.وْݣْلْتْ لْلتّْلَامْدْ دْيَالْكْ بَاشْ يْخَرّْجُوهْ مْنُّه، وَلَكِنْ مَا قَدْرُوشْ».وْجَاوْبْهُمْ يَسُوعْ وْݣَالْ: «آ هَادْ الْجِيلْ اللِّي مَا عَنْدُه إِيمَانْ! حْتَّى لْإِمْتَى غَنْبْقَى مْعَاكُمْ؟حْتَّى لْإِمْتَى غَنْتّْحَمّْلْكُمْ؟جِيبُو لِيَّ الْوَلْدْ!».وْجَابُو لِيهْ الْوَلْدْ،وْغِيرْ الجّْنْ شَافْ يَسُوعْ وْهُوَ يْلُوحْ الْوَلْدْ بْالجّْهْدْ، وْطَاحْ الْوَلْدْ لْلْأَرْضْ وْبْدَا كَيْتّْمَرّْغْ فِيهَا وْالْكْشَاكْشْ خَارْجِينْ مْنْ فُمُّه.وْسْوّْلْ يَسُوعْ بَّاتْ الْوَلْدْ وْݣَالْ لِيهْ: «مْنْ إِيمْتَى وْهُوَ هَكَّا؟»،وْجَاوْبُه: «مْنْ صْغْرُه.وْبْزَّافْ دْ الْمَرَّاتْ كَيْرْمِيهْ فْالْعَافْيَة وْلَا فْالْمَا بَاشْ يْقْتْلُه.وَلَكِنْ إِلَا قْدَرْتِي تْدِيرْ شِي حَاجَة حَنّْ عْلِينَا وْعَاوْنَّا».وْݣَالْ لِيهْ يَسُوعْ: «كَتْݣُولْ إِلَا قْدَرْتِي؟رَاهْ كُلّْشِي مُمْكِنْ لْهَادَاكْ اللِّي كَيْآمْنْ».وْدِيكْ السَّاعَة غَوّْتْ الْبُو دْيَالْ الْوَلْدْ وْݣَالْ: «كَنْآمْنْ! عَاوْنِّي بَاشْ إِيمَانِي يْزِيدْ!».وْمْلِّي شَافْ يَسُوعْ بْلِّي الجّْمَاعَة دْ النَّاسْ كَتّْجْمَعْ عْلِيهُمْ، نْهَضْ فْالجّْنّْ وْݣَالْ لِيهْ: «آ هَادْ الجّْنْ الزِّيزُونْ وْالصّْمَكْ! أَنَا كَنْآمْرَكْ: خْرُجْ مْنْ الْوَلْدْ وْعَمّْرَكْ مَا تْرْجَعْ لِيهْ!».وْغَوّْتْ الجّْنْ وْطِيّْحْ الْوَلْدْ بْالجّْهْدْ لْلْأَرْضْ وْبْدَا كَيْتّْمَرّْغْ وْخْرَجْ مْنُّه. وْطَاحْ الْوَلْدْ بْحَالْ الْمْيّْتْ، حْتَّى ݣَالُو بْزَّافْ دْ النَّاسْ: «رَاهْ مَاتْ».وَلَكِنْ يَسُوعْ شْدُّه مْنْ يْدُّه وْعَاوْنُه بَاشْ يْنُوضْ، وْهُوَ يْوْقَفْ عْلَى رْجْلِيهْ.وْمْلِّي دْخَلْ يَسُوعْ لْلدَّارْ، كَانُو التّْلَامْدْ دْيَالُه مْعَاهْ بُوحْدْهُمْ، وْهُمَ يْسْوّْلُوهْ: «عْلَاشْ مَا قْدَرْنَاشْ حْنَا نْخَرّْجُو الجّْنْ؟».وْهُوَ يْݣُولْ لِيهُمْ: «هَادْ النُّوعْ دْيَالْ الجّْنُونْ مَا كَيْخْرُجْ حْتَّى بْشِي حَاجَة مْنْ غِيرْ الصّْلَاة». (مرقس 9: 14 – 29)

في بحال هاد القصص، الله بمحبة كيواجهنا بجوج حوايج- الشر المروّع ديال الشر والبلاصة الوحيدة فين نقدرو نلقاو النجاة منّه. شوف مزيان في الأوصاف ديال شنو كيدير الشر بهاد الولد اللّي كنشوفو هنا. حتّى خير ماكيوقع ملّي الشر كيتحكم في قلب الإنسان. الخطية هي بالحق حاجة كتخوّف، حاجة رهيبة. الشر قبيح وكيدمّر، وماخاصناش نقلّلو من خطورته. مايمكنش غير تقرا هاد القصة وتتساءل واش الشر فضيع حتّى لهاد الدرجة في الأخير. هاد القصة تعطات باش تدير رهبة مقدسة في قلبك. ولكن حتّى الهدف منها هو باش تدير كتر من هادشي. الهدف منها هو باش تأكد ليك بلّي النعمة اللّي كتحرّر هي حقيقة واقعية. شحال ماكانت عضيمة الخطية ديال الدنوب، فراه نعمة الله أعظم. شحال ماكان الشر فضيع بقوة، فراه القوة ديال التحرير ديال الله كتكون أعظم. خاصنا نخافو من الخطية بمعنى أخلاقي ولكن ماشي بمعنى أننا مغلوبين، حيت عندنا النعمة المحرّرة القوية ديال المنجّي ديالنا، الرب يسوع المسيح. واش كتعيش مع هاد التوازن؟

من أجل دراسة وتشجيع كتر: صموئيل الأولى 13