Wat is die mens? — Kolossense 3:9-11

Dit is ongelooflik hoe elke woord wat Paulus in hierdie hoofstuk skryf van betekenis is. ‘n Mens kan uitvoerig uitwei oor hoe Paulus die ou lewe beskrywe wat afgelê moet word (Kolossense 3:5-11 – 2 groepe van 5 sondes elk word genoem) en hoe hy dan beskrywe hoe die nuwe lewe geleef moet word (Kolossense 3:12-17 – 15 deugdes of karaktertrekke word genoem). Eintlik kan ‘n mens ‘n paar maande hieroor nadink, en daar sal elke dag nog dinge wees wat vir jou nuut oopgaan!

1. Paulus gaan voort in Kolossense, die metgesel-brief van Efesiërs, om die nuwe mens te beskryf. Watter nuwe aspekte sien jy hier raak van die beskrywing van die nuwe mens? Watter rol speel God self?

2. Hoe kan jy hierdie opdrag gehoorsaam? Wat vra dit van jou?

3. Lees die verse later vandag weer om jou aan God opdrag te herinner om Christus toe te laat om alles in jou te word.

4. Jy kan later vanaand die gedeelte weer lees in die konteks van Kolossense 3 met die tema: Leef as nuwe mense.