Wat moet ek laat gaan?

Om die stem te hoor wat roep, en ja te sê daarvoor, beteken dat ek nee sê vir baie ander goeie en wonderlike geleenthede in die lewe. Geluk word nie gevind op die pad van soveel as moontlike ervarings nie, maar eerder op die pad van gefokusde ervarings.

Dag Hammarskjöld, die voormalige sekretaris generaal van die VN, skryf oor hoe hy ja gesê het. Van daardie oomblik af was sy lewe gevul met betekenis en was hy oortuig dat hy op aarde is met ‘n doel. Hy sê: “totdat jy al die oppervlakkige en verbygaande moontlikhede van om te wees en doen uitgeskakel het … speel jy net uit nuuskierigheid of wonder of gierigheid, en wat jou verhinder om anker te gooi in die ondervinding van die misterie van jou lewe, en die van die talent wat aan jou toevertrou is, wat jou ware self is”.

Alhoewel ons altyd bly soek en eksperimenteer om by ons ware self te kom, moet ons êrens anker laat sak om ‘n plek te kry van waar ons begin leef en dien.

Ter Nadenke 

Jy word uitgenooi om dit wat jy moet laat gaan — die maniere van wees en doen wat jou verhinder of oneffektief maak om te dien — te laat gaan.

Gebed

Here, gee my die genade om te ontwaak tot my lewenstaak

Die Boodskap vir jou Lewensreis

Daaglikse oordenking wat voortbou op die dag se tema