1 & 2 Tessalonisense - Hoop vir 'n beter toekomsSample

Lees: 1 Tessalonisense 4:13-18

SOAP: 1 Tessalonisense 4:13-14

Paulus vertroos die gelowiges in Tessalonika deur hulle te vertel dat Christus vir sy kinders sal terugkeer. Diegene wat hul geloof in Christus plaas vir vergifnis van sondes en voor Christus se wederkoms sterf, sal eerste opgewek word met die geklank van die basuin. Uiteindelik sal gelowiges wat nog lewe, weggeraap word en Christus in die lug ontmoet.

Die realiteit van Christus se wederkoms behoort ons te vertroos wanneer ons 'n geliefde, wat 'n volgeling van Christus was, verloor. Ons treur nie sonder hoop nie - omdat ons weet dat ons herenig sal word op die glorieryke dag van Christus se wederkoms. Enige probleme of hartseer wat ons vandag in die gesig staar, sal verdwyn die oomblik wanneer ons sy gesig sien.

Vader, dankie vir die hoop van die hemel. Help my om te leef met my oë op die ewigheid gevestig. Amen