မျှော်လင့်ခြင်း၏ အစွမ်းတန်ခိုးနမူနာ

ခရစ်တော်၏ ပေါ်ထွန်းတော်မူခြင်း၌ မျှော်လင့်ခြင်း — ရှင်ပေါလု

အရှင်ယေရှုဘုရား၏ ပေါ်ထွန်းတော်မူခြင်းကို စောင့်မျှော်ဖို့ ခက်ခဲလိမ့်မည်ဟု တမန်တော်ကြီး ရှင်ပေါလုသိသောကြောင့် ကျွန်တော်တို့၏ သခင်နှင့် ကယ်တင်ရှင်ပြန်ကြွလာမည့် မျှော်လင့်ချက်ကို ပိုမိုခိုင်ခံ့စေရန် ကနဦးယုံကြည်သူများနှင့် လက်ရှိယုံကြည်သူများကို အားပေးရန် စာရေးခဲ့သည်။ (၁သက်၊ ၄း၁၃) တွင်၊ ညီအစ်ကိုတို့၊ မျှော်လင့်ခြင်းမရှိသော အခြားသူတို့သည် ဝမ်းနည်းသကဲ့သို့၊ သင်တို့သည် ဝမ်းမနည်းမည်အကြောင်း၊ အိပ်ပျော်သော သူတို့၏ အမှုအရာကို မသိဘဲနေစေခြင်းငှာ ငါတို့အလိုမရှိဟု ရှင်ပေါလု ပြောဆိုခဲ့သည်။ အရှင်ယေရှုဘုရားသည် မိမိအသင်းတော်ဖို့ သခင်ပြန်ကြွလာခြင်းနှင့်ပတ်သက်၍ တိကျသောအချက်အချို့ကို ရှင်ပေါလုအား တင်ပြခဲ့သည်။ သူသည် တတိယကောင်းကင်သို့တိုင်အောင် ချီဆောင်ခံစဉ်တွင် (၂ကော၊ ၁၂း၂) ဤအသိပညာကို သင်ယူခဲ့ပါသလားဟု ဂဃနဏ မသိနိုင်ကြပေ။

ရှင်ပေါလုသည် ဤသို့စီရင်ရေးထားခဲ့သည်... ခရစ်တော်၌ သေလွန်သောသူတို့သည် အဦးထမြောက်ကြလိမ့်မည် (၁သက်၊ ၄း၁၆ခ)။ ထိုအခါ အသက်ရှင်၍ ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်းငှာ၊ ထိုသူတို့နှင့်တကွ မိုးတိမ်ပေါ်သို့ ချီဆောင်ခြင်းကို ခံရသောအားဖြင့် သခင်ဘုရားနှင့်အတူ အစဉ်မပြတ် နေရကြလိမ့်မည် (၁သက်၊ ၄း၁၇)။ ဤသမ္မာတရားသည် အလွန်မြင့်မြတ်ပါသည်တကား။

မိတ်ဆွေသည် ခရစ်တော်၏ ပေါ်ထွန်းတော်မူခြင်းကို တောင့်တသောသူတစ်ဦး ဖြစ်ပါစေ။