မျှော်လင့်ခြင်း၏ အစွမ်းတန်ခိုးနမူနာ

ကောင်းကင်ဘုံ၌ မျှော်လင့်ခြင်း — သတေဖန်

မိတ်ဆွေသည် သေနတ်ပစ်ခံရမည့် ပစ်ကွင်းရှေ့တွင် ရပ်နေရမည်ဆိုပါက၊ အသက်ဘေးမှ လွတ်ရန် တစ်ခုတည်းသောလမ်းမှာ ကယ်တင်ရှင်ကို ငြင်းပယ်ခြင်းဆိုလျှင် ငြင်းပယ်မလား (သို့) သေသည်တိုင်အောင် သစ္စာစောင့်ပါမည်လား။

သတေဖန်သည် ရွေ့လျော့သောသူ မဟုတ်ဘဲ တန်ခိုးအကြီးဆုံး ယဇ်ပုရောဟိတ်အကြီးတို့နှင့် လွှတ်အရာရှိအပေါင်းတို့ရှေ့တွင် ရပ်စဉ်တွင် သူ၏ သခင်အကြောင်း သမ္မာတရားကို ရဲရင့်စွာ ဟောပြောခဲ့သည်။ သူသည် ထိုဂျူးခေါင်းဆောင်တို့၏ ဒေါသမီးကို ပိုမိုပြင်းထန်လာအောင် လုပ်ဆောင်မိသည်ကို သိလျက်၊ ထိုအရာက ဘုရားသခင်ကို ပစ်မှားပြောဆိုခြင်း၏ ကြီးမားဆုံးပြစ်ဒဏ်အနေဖြင့် ကျောက်ခဲနှင့် ပစ်သတ်ခံရမည်ကိုလည်း သူကိုယ်တိုင် ကြိုသိနေစေခဲ့သည်။ သို့သော်၊ သတေဖန်သည် ဣသရေလ၏ သမိုင်းအကြောင်းကို ဆက်လက်ဝေငှလျက် ထိုဂျူးခေါင်းဆောင်တို့၏ မိစ္ဆဒိဋ္ဌိ၊ ဇာတိစိတ်နှင့် ခေါင်းမာခြင်းတို့ကို ဖော်ပြစေလိုသည်။

သတေဖန်သည် ကောင်းကင်ဘုံ၌ မျှော်လင့်ခြင်း ရရှိခဲ့သောကြောင့် ယဇ်ပုရောဟိတ်အကြီးတို့နှင့် လွှတ်အရာရှိအပေါင်းတို့၏ အမျက်ဒေါကို မကြောက်လန့်ဘဲ ရဲရဲရင့်ရင့် ရပ်တည်ခဲ့သည်။ ထိုဂျူးခေါင်းဆောင်များသည် သတေဖန်ထံ ပြေးလာသောအခါ၊ သူသည်လည်း သန့်ရှင်းသောဝိညာဉ်တော်နှင့် ပြည့်သဖြင့်၊ ကောင်းကင်သို့ စေ့စေ့ကြည့်မျှော်၍ ဘုရားသခင်၏ ဘုန်းတော်ကိုလည်းကောင်း၊ ဘုရားသခင်၏ လက်ယာတော်ဘက်၌ ယေရှုရပ်နေသည်ကိုလည်းကောင်း မြင်ခဲ့သည်။ သတေဖန်သည် ခရစ်တော်၌ ကျိန်းစက်သောအခါ အာဇာနည်အနေနှင့် မိမိယုံကြည်ခြင်း၊ ထာဝရအသက်နှင့် ထာဝရမျှော်လင့်ခြင်းတို့ကို ထင်ရှားစွာ ပြသခဲ့သည်။

မိမိအသက်တာအားဖြင့် မိမိယုံကြည်ခြင်း၊ ထာဝရအသက်နှင့် ထာဝရမျှော်လင့်ခြင်းတို့ကို ထင်ရှားစွာ ပြသနေပါသလား။