YouVersion ၏ ကိုယ်ရေးသီးသန့်ပေါ်လစီ

နောက်ဆုံးပြုပြင်နေ့ - 7/16/2012


သင်၏အဆင်ပြေမှုအတွက် ကိုယ်ရေးပေါ်လစီကိုဘာသာပြန်ပေးထားသည်။ သို့သော် ထိုဘာသာပြန်ဆိုခြင်း၏တိကျမှန်ကန်မှုနှင့်ပတ်သက်၍ Life.Church မှာအာမခံခြင်း (သို့) တာဝန်ယူခြင်းမရှိပါ။ အင်္ဂလိပ်ဗားရှင်းနှင့်ဘာသာပြန်ထားသည့်ဗားရှင်းအကြေားတွင်ကွာခြားမှုတစ်စုံတစ်ခုရှိပါက အင်္ဂလိပ်ဗားရှင်းကိုအတည်ယူမည်ဖြစ်သည်။


သင်၏ကိုယ်ပိုင်အချက်အလက်များကိုမည်သို့အသုံးပြုပြီးမျှေဝေနေကြသည်ကို သင်ဂရုစိုက်နေကြောင်း Life.Churchကစီမံပိုင်ဆိုင်သောဝေ့ဘ်ဆိုက်နှင့်အက်ပ်ဖြစ်သည့် YouVersion သည် ကောင်းစွာသိပါသည်။ အောက်ပါရှင်းတမ်းများသည် ကျွန်ုပ်တို့၏ဝက်ဘ်ဆိုက်နှင့်အက်ပ်ထဲတွင် သင်ဖြည့်သွင်းထားသောအချက်အလက်များကို YouVersion ကမည်သို့ကောက်ယူ၊ အသုံးပြု ကာကွယ်နေသည်ကို သင့်အားသဘောပေါက်စေနိုင်သည်ဟုမျှော်လင့်ပါသည်။

ကျွန်ုပ်တို့ကောက်ယူသောအရာနှင့်၎င်းကိုအသုံးပြုပုံ

  • သင်ပေးထားသောအချက်အလက်

    သင်သည် YouVersion အကောင့် (သို့) Life.Church ၏ဝန်ဆောင်မှုတစ်စုံတစ်ခုတွင် အကောင့်ဖွင့်သောအခါဖြစ်စေ အထူးအစီအစဉ်တွင်မှတ်ပုံတင်သောအခါဖြစ်စေ သင်၏အမည်၊ အီးမေးလ်လိပ်စာ၊ အကောင့်စကားဝှက်စသည့် သင်၏ကိုယ်ပိုင်အချက်အလက်များကို သင့်ထံမှ ကျွန်ုပ်တို့တောင်းဆိုလေ့ရှိသည်။ သင့်အကောင့်တွင်ပေးသွင်းထားသောထိုအချက်အလက်များကို သင့်မှာပို၍ကောင်းသောအတွေ့အကြုံရရှိနိုင်ရန်နှင့် ကျွန်ုပ်တို့၏ဝန်ဆောင်မှုအရည်အချင်းမြှင့်တင်စေရန် Life.Church ဝန်ဆောင်မှု (သို့) တိုက်ရိုက်မပါဝင်သောအဖွဲ့တို့နှင့် ကျွန်ုပ်တို့ပူးပေါင်းတတ်သည်။ အချို့ဝန်ဆောင်မှုအတွက်မူ ထိုအချက်အလက်ကိုသင်ပူးပေါင်းလိုစိတ်ရှိ၊ မရှိ သင့်အားရွေးချယ်ခွင့်ပေးသည်။

  • မိုဘိုင်းကိရိယာ၏သီးသန့်အမှတ်နှင့် GPS တည်ရာ

    သင်သည် YouVersion ကျမ်းစာအက်ပ်သို့ချိတ်ဆက်သောအခါ သင်၏အတွေ့အကြုံကိုကောင်းစွာစီမံပေးနိုင်ရန် သင်၏သီးသန့်ကိရိယာ၏အမှတ် (ကိရိယအမှတ်) (သို့) IP လိပ်စာ (သို့) GPSတည်ရာကို ကျွန်ုပ်တို့ကောက်ယူတတ်သည်။ ဤအချက်အလက်ကိုကောက်ယူခြင်းမှာ ကျွန်ုပ်တို့၏ဝန်ဆောင်မှု (သို့) ဝန်ဆောင်မှုအချို့ကိုအသုံးပြုနေသည့်သီးသန့်ကိရိယာ၏စုစုပေါင်းအရေအတွက်ကိုသိရှိရန်လည်းကောင်း၊ အသုံးပြုမှုစုစုပေါင်းကိုခြေရာကောက်နိုင်ရန်လည်းကောင်း၊ ဒေတာကိုပိုင်းခြားစိတ်ဖြာရန်လည်းကောင်း၊ သင်နှင့်ပို၍ထိရောက်စွာဆက်သွယ်နိုင်ရန်လည်းကောင်း ဖြစ်သည်။ ကျွန်ုပ်တို့သည် သင့်အားပို၍ကောင်းသောအတွေ့အကြုံရရှိစေရန်နှင့် ကျွန်ုပ်တို့၏ဝန်ဆောင်မှုအရည်အချင်းကိုတိုးမြင့်စေရန် ဤအချက်အလက်ကို တိုက်ရိုက်မပါဝင်သောအဖွဲ့အစည်းနှင့်ပေါင်းစပ်တတ်သည်။ ကျွန်ုပ်တို့သည် သင့်ထံမှတိကျသောအခွင့်မရမီ သင်၏ကိရိယာအမှတ် (သို့) တည်ရှိရာနှင့်ဆက်စပ်မှုရှိသော သင်၏ကိုယ်ရေးသီးသန့်အကြောင်းကိုသိစေနိုင်သည့်အချက်အလက်ကို တိုက်ရိုက်မပါဝင်သောအဖွဲ့အစည်းနှင့်မျှေဝေခြင်းမရှိပါ။

  • Life.Church၏ကုကီး

    www.bible.comသို့သင်ဝင်ရောက်ကြည့်ရှုသောအခါ သင်အသုံးပြုနေသည့်ဘရောက်ဇာကိုခွဲခြားသိနိုင်ရန် သင့်ကွန်ပြူတာထဲသို့ ကုကီးအချို့တို့ကို ကျွန်ုပ်တို့ပို့တတ်သည်။ (ကုကီးဆိုသည်မှာ အက္ခရာတစ်စုရေးသားထားသည့် text ဖိုင်လေးတစ်ခုဖြစ်သည်။) ကျွန်ုပ်တို့၏ကုကီးများကိုလက်ခံသောအခါ သင်ကြိုက်နှစ်သက်ရာကဏ္ဍတစ်ခုမှတစ်ခုသို့ အဆင်ပြေစွာသွားနိုင်အောင်ထိမ်းသိမ်းပေးသည်။ဘရောက်ဇာအများစုသည် ပုံမုန်အားဖြင့်ကုကီးများကိုလက်ခံဖို့ချိန်ညှိထားသော်လည်း သင်သည် ကုကီးအားလုံးကိုလက်မခံဖို့ (သို့) ဝင်ရောက်လာသည့်ကုကီးများအကြောင်းကိုသတိပေးဖို့ သင့်ဘရောက်ဇာကိုချိန်ညှိနိုင်သည်။ ကုကီးများကိုလက်မခံဖို့ချိန်ညှိထားလျှင် YouVersion မှအချို့အချက်အလက်နှင့်ဝန်ဆောင်မှုတို့သည် ကောင်းစွာအလုပ်မလုပ်ဘဲနေကောင်းနေလိမ့်မည်။

  • ချိတ်ဆက်မှုဆိုင်ရာအချက်အလက်

    YouVersion ကိုသင်အသုံးပြုပြီး ကျွန်ုပ်တို့၏ဝက်ဘ်ဆိုက်တစ်စုံတစ်ခုသို့ဝင်ရောက်လည်ပတ်သောအခါ ကျွန်ုပ်တို့၏ဆာဗာသည် သင်၏ဘရောက်ဇာပို့သည့်အချက်အလက်ကို အလိုအလျောက်မှတ်တမ်းထားသည်။ ဤဆာဗာ၏မှတ်တမ်းတွင် ဝက်ဘ်ဆိုက်သို့သင်ပို့ခဲ့သည့်တောင်းခံချက်၊ အင်တာနက်လိပ်စာ၊ ဘရောက်ဇာ၏အမျိုးအစားနှင့်ဘာသာစကား၊ ချိတ်ဆက်သည့်နေ့ရက်နှင့်အချိန်၊ ဘရောက်ဇာကိုသိရှိရန်ပို့ခဲ့သည့်ကုကီတို့ပါဝင်သည်။

  • အသုံးပြုသူ၏ဆက်သွယ်မှု

    www.bible.com/liveမှတစ်ဆင့် သင်တင်သွင်းသော သင်၏ကိုယ်ရေးသီးသန့်အချက်အလက် (သို့) တောင်းခံချက်သည်အသိုင်းအဝိုင်း၏စီမံအုပ်ချုပ်သူထံရောက်မည်။အုပ်စုစီမံအုပ်ချုပ်သူ (သို့) အုပ်ချုပ်သူအဖွဲ့ဝင်တစ်ဦးဦးသည် ထိုအချက်အလက်ကိုဝင်ရောက်ကြည့်ရှုခွင့်ရှိသည်။ သင်သည် Life.Church ပိုင်ဆိုင်သောမည်သည့်ဝက်ဘ်ဆိုက်သို့မဆို အီးမေးလ် (သို့) အခြားအကြောင်းကြားချက်ကိုပေးပို့သောအခါ သင်၏စုံစမ်းမြေးမြန်ချက်ကိုစိစစ်ဆောင်ရွန်ရန်သော်လည်းကောင်း၊ သင်၏တောင်းခံချက်များကိုတုံ့ပြန်ပေးရန်သော်လည်းကောင်း၊ ကျွန်ုပ်တို့၏ဝန်ဆောင်မှုကိုပိုမိုကောင်းမွန်စေရန်သော်လည်းကောင်း ထိုအကြောင်းကြားချက်ကို ကျွန်ုပ်တို့ထိန်းသိမ်းထားမည်။

  • တိုက်ရိုက်မပါဝင်သောအဖွဲ့၏ဝက်ဘ်ဆိုက်

    ဤကိုယ်ရေးသီးသန့်ပေါ်လစီသည် Life.Church ကစီမံပိုင်ဆိုင်သည့် ဝက်ဘ်ဆိုက်နှင့်အက်ပ်အပေါ်သာအကြုံးဝင်သည်။ Life.Church သည် ကျွန်ုပ်တို့၏ဝန်ဆောင်မှုများနှင့်ဝက်ဘ်ဆိုက်များမှတစ်ဆင့် သင်သွားရောက်သည့်အခြားဝက်ဘ်ဆိုက်များကို မထိန်းချုပ်နိုင်ပါ။ ထိုအခြားဝက်ဘ်ဆိုက်များသည် ကုကီး (သို့) အခြားဖိုင်များကို သင့်ကွန်ပြူတာတွင်ထည့်သွင်းပြီး သင်၏ဒေတာကိုကောက်ယူခြင်း၊ သင်၏ကိုယ်ပိုင်အချက်အလက်များကိုခိုးယူခြင်းစသည်တို့ကိုပြုတတ်သည်။ ထိုသို့သောဝက်ဘ်ဆိုက်သို့သင်ဝင်ရောက်ကြည့်ရှုသောအခါ သူတို့၏ကိုယ်ပိုင်သီးသန့်ပေါ်လစီကိုသေခြာလေ့လာထားသင်သည်။

သင့်အချက်အလက်ကို ကျွန်ုပ်တို့မည်သို့အသုံးပြုသနည်း

မှတ်ပုံတင်ရန်လိုအပ်သည့်ဝန်ဆောင်မှုတစ်စုံတစ်ခုအတွက်သင်အကောင့်ဖွင့်သောအခါ သင်၏ကိုယ်ပိုင်အချက်အလက်များကိုဖြည့်သွင်းပေးရန် သင့်အားတောင်းဆိုကြသည်။ အကယ်၍ Life.Church က အဆိုပါအချက်အလက်များကို ကောက်ခံထားသည့်ရည်ရွယ်ချက်အတွက်မဟုတ်သည့်အခြားရည်ရွယ်ချက်အတွက် အသုံးပြုလိုပါက ထိုသို့မသုံးပြုမီ သင့်ထံမှအခွင့်တောင်းမည်။ ကျွန်ုပ်တို့၏မည်သည့်ဝန်ဆောင်မှုတွင်မဆို သင်၏ကိုယ်ပိုင်အချက်အလက်ကိုပေးရန် သင်ငြင်းဆိုပိုင်ခွင့်ရှိသည်။ သို့သော်ထိုသို့ငြင်းဆိုလျှင် ကျွန်ုပ်တို့လည်း ထိုဝန်ဆောင်မှုကိုသင့်အတွက်ဆောင်ရွက်မပေးနိုင်ပါ။

သင့်အချက်အလက်ကို ကျွန်ုပ်တို့မည်သို့ကာကွယ်ထားသနည်း

Life.Church သည် သင်၏သဘောတူညီမှုမရှိဘဲ သင်၏ကိုယ်ပိုင်အချက်အလက်ကို ပြင်ပအသင်းအဖွဲ့အားဖော်ပြခြင်းမရှိပါ။ သို့သော် Life.Church သည် သင်၏ကိုယ်ပိုင်အချက်အလက်ကို ချိတ်ဆက်ခြင်း၊ အသုံးပြုခြင်း၊ ထိန်းသိမ်းခြင်းနှင့်ဖော်ပြခြင်းခွင့်တို့ကိုဖော်ပြရန်လိုအပ်သည်ဟု သဘောရိုးဖြင့်ယူဆ၍ (က) ဥပဒေ၊ စည်းကမ်းချက်၊ ဥပဒေဆိုင်ရာလုပ်ဆောင်ချက်၊ လိုက်နာရမည့် အစိုးရ၏တောင်းခံချက်ကိုဖြည့်ဆည်းပေးရသောအခါ (ခ) အသုံးပြုခြင်းဆိုင်ရာစည်းကမ်းကိုအကျိုးသက်ရောက်စေရန်နှင့် စည်းကမ်းချိုးဖောက်မှုအလားအလာရှိသည့်အတွက်စုံစမ်းစစ်ဆေးရသောအခါ (ဂ) လိမ်လည်မှု (သို့) လုံခြုံမှုနှင့်နည်းပညာဆိုင်ရာချို့ယွင်းမှုကိုတွေ့ရှိ သို့မဟုတ် တားဆီးရသောအခါ (ဃ) ဥပဒေ၏အဆိုးအမိန့် (သို့) အခွင့်အရ Life.Churchနှင့် ၎င်းကိုအသုံးပြုသူ (သို့) အများပြည်သူတို့၏အခွင့်အရေး၊ ပစ္စည်းဥစ္စာနှင့်လုံခြုံမှုတို့ကိုထိခိုက်စေနိုင်သည့်အန္တရာယ်ကိုကာကွယ်ရသောအခါ သင်၏ကိုယ်ပိုင်အချက်အလက်ကိုဖော်ပြရမည်။ Life.Church သည် သင့်လျော်သောလုံးခြုံမှုနည်းစနစ်ကိုအသုံးပြုပြီး ဒေတာကိုခွင့်မရှိဘဲချိတ်ဆက်ခြင်း (သို့) ခွင့်မရှိဘဲပြောင်းလဲ၊ ဖော်ပြ၊ ဖျက်ပစ်ခြင်းမရှိစေရန် ကာကွယ်ပေးသည်။ ထို့ပြင် ကျွန်ုပ်တို့ကောက်ယူထားသောဒေတာ၏အတွင်းရေးထဲမှာပြန်လည်ဆန်းစစ်ခြင်း၊ သိမ်းထားခြင်းနှင့်ပြင်ဆင်ခြင်းဆိုင်ရာလုံခြုံမှုစီမံခြင်းမှစ၍ ကိုယ်ပိုင်ဒေတာများကိုကျွန်ုပ်တို့သိမ်းထားသည့်ပစ္စည်းတို့ကို အခွင့်မရှိဘဲချိတ်ဆက်ခြင်းတို့မှကာကွယ်ရန် ထိရောက်သောလုံခြုံမှုဖြင့်စီမံထားသည်။ ကျွန်ုပ်တို့ဝန်ထမ်းများ၊ ကန်ထရိုက်ယူထားသူများနှင့်ကိုယ်စားလှယ်များသည် ကျွန်ုပ်တို့၏ဝန်ဆောင်မှုကို စီမံခန့်ခွဲ (သို့) ချဲ့ထွင်တိုးမြှင့်စေရန် သင်၏ကိုယ်ပိုင်အချက်အလက်ကို သိရသည့်အခါတွင်လည်း Life.Church သည် သင့်ထံမှတိကျသောအခွင့်မရမီ သူတို့အား ထိုအချက်အလက်ကိုသိရသောအခွင့်ပေးမည်မဟုတ်ပါ။ အထက်ဆိုခဲ့သောပုဂ္ဂိုလ်အသီးသီးသည် ထိုအချက်အလက်များကိုလျှို့ဝှက်ထားရန်တာဝန်ရှိကြောင်းစာချုပ်ချုပ်ဆိုထားသောပုဂ္ဂိုလ်များဖြစ်ကြ၍ တာဝန်ပျက်ကွက်ပါက အလုပ်ဖြုတ်ခြင်း၊ ရာဇဝတ်မှုတရားစွဲဆိုခြင်းစသည့်ပြစ်ဒဏ်တို့ကိုခံရတတ်သည်။

ဒေတာတည်တံ့မှု

Life.Church သည် သင်၏သဘောတူညီမှုမရှိဘဲ သင်၏ကိုယ်ပိုင်အချက်အလက်ကို ပြင်ပအသင်းအဖွဲ့အားဖော်ပြခြင်းမရှိပါ။ ကျွန်ုပ်တို့သည် ထိုက်သင့်သောနည်းလမ်းကိုသုံးပြုပြီး သင်၏ကိုယ်ပိုင်အချက်အလက်များ မှန်ကန်ခြင်း၊ ပြည့်စုံခြင်းနှင့်နောက်ဆုံးဖြစ်ခြင်းရှိမရှိ သေချာစစ်ဆေးပေးသည်။ သို့သော် အသုံးပြုသူဘက်မှလည်း ကိုယ်ပိုင်အချက်အလက်ကို လိုအပ်မှုရှိသည့်အလျောက် မွမ်းမံ၊ ပြုပြင်စေရန် မျှော်လင့်ထားသည်။

ကိုယ်ပိုင်အချက်အလက်ကိုချိတ်ဆက်မွမ်းမံခြင်း

Life.Church၏ဝန်ဆောင်မှုတစ်စုံတစ်ခုကို သင်အသုံးပြုသောအခါ သင်၏ကိုယ်ပိုင်အချက်အလက်ကို ဥပဒေ (သို့) တရားဝင်လုပ်ဆောင်ချက်အရ ထိန်းသိန်းထားရန်လိုအပ်မှုမရှိလျှင် ထိုအချက်အလက်တွင်မမှန်ကန်မှုရှိ၍ပြုပြင်ရန် (သို့) ပယ်ဖျက်ရန် သင်တောင်းခံသောအခါ သဘောရိုးဖြင့်သင့်အားထိုသို့လုပ်ခွင့်ပေးနိုင်ဖို့ကြိုးစားပါသည်။ ထိုသို့ အသုံးပြုသူတစ်စုံတစ်ဦးသည် မိမိအချက်အလက်ကိုချိတ်ဆက်ရန် (သို့) ပြုပြင်ရန် (သို့) ပယ်ဖျက်ရန် တောင်းခံလာသည့်အခါ ထိုသို့ခွင့်မပြုမီ ထိုသူကိုယ်တိုင်အမှန်ဖြစ်ကြောင်းဖော်ပြရန် ကျွန်ုပ်တို့တောင်းခံမည်။ အကယ်၍ထိုသို့သောတောင်းခံမှုသည် လွန်ကဲ၍မကြာခဏဖြစ်ခြင်း (သို့) နည်းစနစ်တစ်ခုခုဖြင့်ဆက်တုက်လုပ်ဆောင်နေခြင်း၊ နည်းစနစ်ကိုမတော်မတရားအသုံးပြုပြီးကြိုးစားလုပ်ပေးရခြင်း၊ သူတစ်ပါး၏ကိုယ်ရေးကိစ္စကိုအနှောင့်အယှက်ပေးခြင်း၊ လက်တွေ့လုံးဝမကျခြင်း၊ (ဥပမာအနေဖြင့် တိပ်ခွေတို့တွင်သိမ်းထားသောအချက်အလက်ကိုပြန်ဖော်ရန်တောင်းခံခြင်း) စသည်တို့ဖြစ်ကြောင်းနှင့် ထိုအချက်အလက်နှင့်ချိတ်ဆက်ရန်လိုအပ်မှုမရှိကြောင်းတွေ့ရှိသောအခါ ထိုတောင်းဆိုမှုကိုကျွန်ုပ်တို့ငြင်းပယ်ပါမည်။ ကျွန်ုပ်တို့၏ဝန်ဆောင်မှုအချို့တွင် အသုံးပြုသူ၏ကိုယ်ပိုင်အချက်လက်ကို ချိတ်ဆက်၊ ပြုပြင် (သို့) ပယ်ဖျက်ပေးရန် လုပ်ငန်းစဉ်အဆင့်ဆင့်ရှိသဖြင့် အချက်အလက်ကိုချိတ်ဆက်၊ ပြုပြင်ခွင့်ပြုရာတွင် နည်းစနစ်ကိုမတော်မတရားသုံးပြီးကြိုးစားလုပ်ဆောင်ပေးရခြင်းမရှိလျှင် ထိုဝန်ဆောင်မှုကိုအခမဲ့ပြုလုပ်ပေးသည်။

တင်းကျပ်သောစည်းကမ်းချက်

Life.Church သည် ဤကိုယ်ပိုင်ပေါ်လစီကို အသုံးပြုသူမှလိုက်နာခြင်းရှိမရှိသိရန် အခါအားလျော်စွာစစ်ဆေးတတ်သည်။ ကိုယ်ပိုင်အချက်အလက်နှင့်ဆိုင်သောမကျေမနပ်မှုကိုစာဖြင့်တိုင်တန်းလာခြင်းရှိသောအခါ ထိုတိုင်တန်းသူ၏အခက်အခဲကိုသိနိုင်ဖို့ ကျွန်ပ်တို့သည် ကျွန်ုပ်တို့၏ပေါ်လစီအရ ထိုသူကိုဆက်သွယ်မေးမြန်းတတ်သည်။ Life.Church နှင့်ပုဂ္ဂိုလ်တစ်စုံတစ်ဦးအကြားတွင်ဖြစ်ပေါ်သော ကိုယ်ပိုင်အချက်အလက်လွဲပြောင်းခြင်းနှင့်ပတ်သက်သည့်ပြဿနာကိုဖြေရှင်း၍မရနိုင်သောအခါ ကျွန်ုပ်တို့သည် ဒေသဆိုင်ရာဒေတာကာကွယ်မှုအာဏာပိုင်စသည့် သက်ဆိုင်ရာအာဏာပိုင်အဖွဲ့အစည်းနှင့်ပူးပေါင်းလျက် ထိုပြဿနာကိုကြိုးစားဖြေရှင်းပေးမည်ဖြစ်သည်။

မေးခွန်း

ကိုယ်ရေးသီးသန့်ပေါ်လစီနှင့်ပတ်သက်သည့်မေးခွန်းကို ကြည့်ရှုရန် - legal@youversion.com